Author: Ramchandra Bari

नंदुरबार (जिमाका वृत्तसेवा) :- औरंगाबाद क्षेत्र संबंधित टपाल सेवेविषयी किंवा कामकाजाबद्दल ज्या तक्रारींचे निवारण सहा आठवड्याच्या आत झालेले नसेल व समाधानकारक उत्तर मिळाले नसेल अशा तक्रारींची दखल 17 मार्च 2021 रोजी आयोजित केलेल्या डाक अदालतीत घेण्यात येणार आहे. या डाक अदालतीत टपाल वस्तू, मनीऑर्डर, बचत बँक खाते, प्रमाणपत्र अशा सेवेबाबतच्या तक्रारींचा समावेश असेल. संबंधितांनी डाक सेवेबाबतची आपली तक्रार मोहम्मद खदिर, सहाय्यक निदेशक डाकसेवा, पोस्टमास्तर जनरल, औरंगाबाद यांचेकडे 10 मार्च पर्यंत अथवा तत्पुर्वी पोहोचेल अशा बेताने पाठवावी. त्यानंतर आलेल्या तक्रारींची दखल घेतली जाणार नाही. तक्रार अर्जाचा नमुना www.maharashtrapost.gov.in या संकेतस्थळावर उपलब्ध आहे, असे पोस्टमास्तर जनरल औरंगाबाद क्षेत्र यांनी कळविले...

नंदुरबार (जिमाका वृत्तसेवा) :  राज्याचे वस्त्रोद्योग धोरण 2018-2023 अंतर्गत वस्त्रोद्योग अंतर्गत यंत्रमाग घटकांना  लागू करण्यात आलेल्या वीजदर सवलतीसाठी ऑनलाईन अर्ज नोंदणी करण्याची मुदत  28 फेब्रुवारी 2021 पर्यत वाढविण्यात आली आहे.  वीजदर सवलतीस पात्र यंत्रमाग घटकांनी आयुक्तालयाच्या https://www.dirtexmah.gov.in संकेतस्थळावर अर्ज सादर करणे आवश्यक  आहे.  यंत्रमाग धारकांनी ऑनलाईन नोंदणी अर्ज तसेच यंत्रमाग नोंदणी केल्याशिवाय त्यांना वीजदर सवलतीचा लाभ देता येणार नाही असे वस्त्रोद्योग विभागाच्या आयुक्त शीतल तेली-उगले यांनी कळविले...