नंदुरबार (जिमाका वृत्त) – शिवछत्रपती क्रीडापीठ अंतर्गत विविध क्रीडा प्रबोधनीमध्ये सन 2024-25 साठी सरळ व कौशल्य चाचणीद्वारे निवासी व अनिवासी खेळाडूंना नवीन प्रवेश देण्यात येणार असल्याची माहिती जिल्हा क्रीडा अधिकारी सुनंदा पाटील यांनी एका शासकीय प्रसिद्धी पत्रकान्वये कळविली आहे. राज्यातून जास्तीत जास्त आंतरराष्ट्रीय दर्जेचे खेळाडू देण्यासाठी राज्यातील प्रतीभवन खेळाडूची निवड करून त्यानां संतुलीत आहार व अद्यावत क्रीडा सुविधा पुरविणे व सुसंघटीत करण्यासाठी क्रीडा व युवक सेवा संचालनालय पुणे अंतर्गत राज्यात विविध क्रीडा प्रबोधनी कार्यरत असून या प्रबोधनींमध्ये  प्रवेशासाठी 50 टक्के सरळसेवा व 50 टक्के कौशल्य चाचणीच्या आधारे प्रवेश देण्यात येणार आहे. राज्यात पुणे, कोल्हापूर, ठाणे, अमरावती, अकोला, नाशिक, नागपुर, औरंगाबाद, गडचिरोली अशा 9 ठिकाणच्या क्रीडा प्रबोधनीमध्ये निवड प्रक्रीया होणार असून ज्युदो, जिम्नॅस्टीक, हॉकी, शुटींग, फुटबॉल, जलतरण, अॅथलेस्टीक, कुस्ती, बॅडमिंटन, अर्चरी, हॅन्डबॉल, वेटलिफ्टींग अशा एकूण 17 क्रीडा प्रकाराचे प्रशिक्षण देण्यात येणार आहे. क्रीडा प्रबोधिनीतील सरळ प्रवेश प्रक्रियेसाठी खेळाडू हा संबधित खेळात राज्यस्तरावर पदक प्राप्त केलेले खेळाडू किंवा राष्ट्रीयस्तरावर राज्याचे प्रतिनिधीत्व केलेले खेळाडू असावा. खेळाडूचे वय 19 वर्षाआतील असावे  अशा खेळाडूंना संबंधित खेळाबाबत समिती समक्ष चाचणी देऊन प्रवेश देण्यात येईल, क्रीडा प्रबोधिनीत खेळ निहाय कौशल्य चाचणीसाठी संबंधित खेळात राज्यस्तरावर सहभागी खेळाडू असावा. खेळाडूचे वय 19 वर्षाआतील असावे अशा खेळाडूना संबंधित खेळाचे कौशल्य चाचणीचे आयेाजन करुन गुणानुक्रमे प्रवेश देण्यात येईल. या चाचणीमधून निवड झालेल्या खेळाडूंची वैद्यकीय पथकाव्दारे चाचणी घेण्यात येईल व त्यानंतर अंतिम निवड करण्यात येईल. जिल्हास्तरावर चाचणीत सहभागी होणाऱ्या खेळाडूंनी 5 जुलै 2024 पर्यंत जिल्हा क्रीडा अधिकारी कार्यालय, जिल्हा क्रीडा संकुल,...

नंदुरबार (जिमाका वृत्त) – फ्रांन्स येथे आयोजित जागतिक कौशल्य स्पर्धा 2024 मध्ये सहभागी होण्यासाठी उमेदवारांनी नोंदणी करावी असे आवाहन कौशल्य विकास रोजगार व उद्योजकता मार्गदर्शन केंद्राचे सहाय्यक आयुक्त विजय रिसे यांनी एका शासकीय प्रसिद्धी पत्रकान्वये केले आहे. वर्ष 2024 मध्ये आयोजित जागतिक कौशल्य स्पर्धा ही जिल्हा, विभाग, राज्य आणि देश पातळीवरुन होणार असून या स्पर्धेत प्रतिभासंपन्न, कुशल उमेदवारांचे नामांकन करण्यासाठी सर्व शासकीय व खाजगी औद्योगिक प्रशिक्षण संस्था, तंत्रनिकेतन, अभियांत्रिकी महाविद्यालये, कौशल्य विद्यापीठ, महाराष्ट्र राज्य कौशल्य विकास सोसायटी अधिनस्त सर्व व्यवसाय प्रशिक्षण संस्था आदि संस्थेतील उमेदवारांना या स्पर्धेत सहभागी होता येईल.   यासाठी इच्छूक पात्र उमेदवारांनी https://Kaushalya.mahaswayam.gov.in अथवा https://www.skillindiadigital.gov.in या लिंकवर 7 जानेवारीपर्यंत नोंदणी करावी.  स्पर्धेमध्ये सहभागी होण्यासाठी उमेदवाराचे वय 1 जानेवारी 2002 व त्यानंतरचा असून आवश्यक असून याबाबत अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, नंदुरबार येथे प्रत्यक्ष अथवा  02564-295801 या दूरध्वनी क्रमांकावर संपर्क...

नंदुरबार (जिमाका वृत्तसेवा): शासनाच्या क्रीडा विभागांतर्गत व्यायामशाळा विकास योजना, क्रीडांगण विकास योजना, युवक कल्याण योजना अशा क्रीडा विषयक अनुदान योजना राबविण्यात येत असून या योजनेचा लाभ घेण्यासाठी प्रस्ताव सादर करावे, असे आवाहन जिल्हा क्रीडा अधिकारी सुनंदा पाटील यांनी एका प्रसिद्धी पत्रकान्वये केले आहे. व्यायामशाळा विकास योजनेतंर्गत नवीन व्यायामशाळा बांधकाम करणे, व्यायामशाळा इमारत नूतनीकरण (15 वर्ष जूनी असल्यास), व्यायामशाळा साहित्य खरेदी व खुले व्यायामशाळा साहित्यासाठी स्थानिक स्वराज्य संस्था, शासकीय शाळा, आश्रमशाळा, अनुदानीत शाळा, कनिष्ठ महाविद्यालय व शासकीय कार्यालयानी प्रस्ताव सादर करावे.यासाठी कमाल 7 लाख इतके अनुदान मंजूर करण्यात येते. क्रीडांगण विकास योजनेतंर्गत क्रीडांगण समपातळीत करणे, 200 ते 400 मीटर धावनपथ तयार करणे, क्रीडांगणास भिंतीचे, तारेचे कुंपण घालणे, विविध खेळांची एक किंवा अधिक प्रमाणात क्रीडांगणे तयार करणे, प्रसाधनगृह, चेंजींग रुम, पिण्याच्या व मैदानावर मारण्यासाठी आवश्यक पाण्याची सुविधा निर्माण करणे, भांडारगृह बांधणे, फल्ड लाईटची सुविधा निर्माण करणे, क्रीडा साहित्य खरेदी करणे, क्रीडांगणावर मातीचा, सिमेंटचा भराव असलेली प्रेक्षक गॅलरी, आसन व्यवस्था तयार करणे, प्रेक्षक गॅलरी, आसनव्यवस्थेवर शेड तयार करणे, क्रीडांगणाभोवती ड्रेनेज व्यवस्था तयार करणे, मैदानावर पाणी मारण्यासाठी स्प्रिकलर यंत्रणा बसविणे, व मैदानावर रोलींगसाठी हँड मिनी रोलर खरेदी करणे इत्यादी बाबींसाठी 7 लाख रुपये कमाल मर्यादेत व क्रीडा साहित्य खरेदीसाठी 3 लक्ष अनुदान देण्यात येते. योजनेचा लाभ घेण्यासाठी 100 टक्के अनुदानित शाळा, कनिष्ठ महाविद्यालय, आश्रमशाळा, जिल्हा परिषद शाळा व शासकीय शाळांनी प्रस्ताव सादर करावे. युवक कल्याण योजनेतंर्गत ग्रामीण, नागरी भागातील नोंदणीकृत युवक मंडळांना आर्थिक सहाय्य  तसेच नोंदणीकृत युवक मंडळांना स्वंयरोजगार प्रशिक्षण शिबीरे, सामाजिक क्षेत्रात प्रशिक्षण...