Author: Ramchandra Bari

नंदुरबार (जिमाका वृत्त) : पशुपालकांनी मागील वर्षी लसीकरण न केलेले गाय वर्गातील सर्व निरोगी पशुंना व नवीन जन्माला आलेल्या लहान वासरांना साथीच्या रोगापासून सुरक्षित ठेवण्यासाठी स्थानिक पशुवैद्यकिय संस्थेतील अधिकारी व कर्मचारी यांच्याकडून लसीकरण करून घ्यावे, असे आवाहन जिल्हा पशुसंवर्धन उपआयुक्त डॉ. उ. दे पाटील यांनी एका शासकीय प्रसिद्धी पत्रकान्वये केले आहे. जिल्ह्यातील काही ठिकाणच्या जनावरांमध्ये लंपी स्कीन या साथरोग सारखी लक्षणे आढळून येत असून रोग सदृश्य परिस्थिती निर्माण होऊन या रोगाचा प्रसार जिल्ह्यात इतर ठिकाणी होवु नये यासाठी जिल्ह्यातील पशुंचे लसीकरण करण्यात येणार आहे.  पशुपालकांनी आपल्या पशुची लसीकरण करुन घ्यावे व लम्पी चर्मरोगग्रस्त जनावरांची योग्य शश्रुषा करुन मरतुक अवस्था टाळण्यासाठी तसेच आजारी पशुधनावर त्वरीत उपचार करुन लम्पी चर्मरोग प्रादुर्भाव टाळण्यासाठी उपाययोजना कराव्यात. सर्व क्षेत्रीय पशुवैद्यकिय संस्था प्रमुखांनी प्रत्यक्ष जनावरांमध्ये सदर रोग सदृश्य लक्षणे आढळणाऱ्या केंद्रबिंदु पासून 5 कि.मी. त्रिज्येच्या वर्तुळात रिंग स्वरूपात लसीकरणास सुरुवात करावी. नंदुरबार जिल्ह्यातील पशूंना रोग प्रतिबंधक लसीकरण करण्यासाठी पहिल्या टप्यात 1 लाख 52 हजार 100 व दुसऱ्या टप्यात 1 लाख 52 हजार 200 असे एकूण 3 लाख 4 हजार 300 लसमात्रा प्राप्त झाल्या असून या लसींचे क्षेत्रीय पशुवैद्यकिय संस्थाना त्यांच्या कार्यक्षेत्रातील गाय वर्गातील पशुधनाच्या संख्येनुसार वाटप करण्यात आले आहे.  जिल्ह्यात आजपावेतो गायी 97059, बैल- 108346 व लहान वासरे 19007 असे एकूण 224412 गोवर्गीय पशुधनाचे लसीकरण करण्यात आले आहे. बाधित क्षेत्रात करावयाच्या उपाययोजना लंपी स्किन डिसीज हा गो व महिष वर्गातील जनावरांना होणारा विषाणुजन्य त्वचारोग आहे. ◼️ आजारासाठी कारणीभूत असणारे विषाणु गटातील कॅप्री पॉक्स या प्रवर्गात...

नंदुरबार (जिमाका वृत्त) : उप प्रादेशिक परिवहन कार्यालयामार्फत जिल्ह्यातील वाहनचालकांसाठी 24 ऑगस्ट 2023 रोजी मोफत नेत्र व आरोग्य तपासणी शिबिराचे आयोजन करण्यात आल्याची माहिती उप प्रादेशिक परिवहन अधिकारी किरण बिडकर यांनी एका शासकीय प्रसिद्धी पत्रकान्वये कळविले आहे. नंदुरबार शहरातील भारतरत्न अटल बिहारी वाजपेयी सभागृह, नगरपरिषदेजवळ  सकाळी 10-30 ते दुपारी 4-00 वाजेपर्यंत मोफत आरोग्य तपासणी, नेत्र तपासणी व चष्मे वाटप शिबीराचे आयोजन करण्यात आले आहे.  जिल्ह्यातील सर्व वाहनचालकांनी या शिबीराचा लाभ घ्यावा व आपली आरोग्य व नेत्र तपासणी करुन घ्यावी असे आवाहनही श्री. बिडकर यांनी केले...