Author: Ramchandra Bari

नंदुरबार (जिमाका वृत्त) राज्यातील पहिला आदिवासी बहुल जिल्हा म्हणून नंदूरबारची निर्मिती आजच्या २५ वर्षांपूर्वी झाली. जिल्ह्याचा रौप्य महोत्सव साजरा करताना नंदुरबारचा बहुसांस्कृतिक चेहरा आदिवासी सांस्कृतिक भवनाच्या निर्मितीतून जगासमोर येणार असून, वीर एकलव्य आणि भगवान बिरसा मुंडा यांची स्मारके नंदुरबार शहरात उभारणार असल्याने प्रशासनाने आठ दिवसात त्याबाबतचा अहवाल सादर करण्याच्या सूचना, राज्याचे आदिवासी विकास मंत्री तथा पालकमंत्री डॉ. विजयकुमार गावित यांनी दिल्या आहेत.  ते आज जिल्हाधिकारी कार्यालयात आदिवासी सांस्कृतिक भवन निर्मिती, वीर एकलव्य, भगवान बिरसा मुंडा यांच्या स्मारक निर्मितीच्या आढावा बैठकीत बोलत होते. जिल्हा परिषद अध्यक्षा डॉ. सुप्रिया गावित, खासदार डॉ. हिना गावित, जिल्हाधिकारी मनीषा खत्री, जिल्हा परिषदेचे मुख्य कार्यकारी...