Author: Ramchandra Bari

नंदुरबार (जिमाका वृत्तसेवा) : भारतरत्न डॉ. बाबासाहेब आंबेडकर यांचा 6 डिसेंबर 2021 रोजीचा 65 व्या महापरिनिर्वाण दिन कार्यक्रम कोविडच्या पार्श्वभूमीवर मार्गदर्शक सूचनाचे पालन करावे असे आवाहन जिल्हादंडाधिकारी मनीषा खत्री यांनी केले आहे.             यावर्षी डॉ.बाबासाहेब आंबेडकर यांचा 6 डिसेंबर 2021 रोजीचा महापरिनिर्वाण दिनाचा  कार्यक्रम कोविड-19 च्या पार्श्वभूमीवर आरोग्याच्या दृष्टीकोनातून पूर्ण खबरदारी घेवून साध्या पद्धतीने  व लोकांनी एकत्रित न येता आयोजित करावा. महापरिनिर्वाण दिन हा दिवस भारतीयांसाठी दु:खाचा, गांभिर्याने पालन करावयाचा असून डॉ. बाबासाहेब आंबेडकर यांच्याविषयी कृतज्ञता व्यक्त करण्याचा दिवस आहे.  त्यामुळे कोविड संसर्गचा विचार करता महापरिनिर्वाण दिनी सर्व अनुयायांनी काळजी घेणे व गांर्भीयाने वागावे.  शासनातर्फे महापरिनिर्वाण दिनानिमित्त चैत्यभूमी दादर येथील कार्यक्रमाचे दुरदर्शनवरुन थेट प्रक्षेपण करण्यात येणार असल्याने सर्व अनुयायांनी चैत्यभूमी दादर येथे न जाता घरातूनच डॉ. बाबासाहेब आंबेडकर यांना अभिवादन करावे.  चैत्यभूमी, दादर मुंबई येथे डॉ.बाबासाहेब आंबेडकर यांना शासकीय मानवंदना देण्यासाठी मान्यवर उपस्थित राहणाऱ्या व्यक्तींना कोविड प्रतिबंधक लसीचे दोन्ही डोस पुर्ण झालेले असणे बंधनकारक राहील. तसेच औष्णिक पटेक्षमच्या तपासणीअंती ज्याचे शरीराचे तापमान सर्वसाधारण असेल त्यानाच कार्यक्रमास उपस्थित राहण्यास परवानगी असेल. कार्यक्रमाच्या ठिकाणी मास्कचा,सॅनिटायझरचा आणि सामाजिक अंतराचे पालन करणे आवश्यक असेल. कोविड-19 व विशेषत्वाने ‘ओमिक्रॉन’ या विषाणूचा प्रादुर्भाव रोखण्यासाठी शासनाच्या नगर विकास विभाग, मदत व पुनर्वसन, आरोग्य, पर्यावरण, वैद्यकीय शिक्षण विभाग तसेच संबंधित नगरपालिका, पोलीस, स्थानिक प्रशासन यांनी विहित केलेल्या मार्गदर्शक सूचनाचे व नियमांचे अनुपालन करणे बंधनकारक राहील. तसेच प्रत्यक्ष महापरिनिर्वाण दिन अभिवादन सुरु होण्याआधी नवीन काही सूचना प्रसिद्ध झाल्यास त्यांचे देखील अनुपालन करावे. सदर आदेशाचे कोणत्याही व्यक्ती, समूह अथवा...

नंदुरबार (जिमाका वृत्तसेवा) : पशुसंवर्धन विभागामार्फत सन 2021-2022 या वर्षांसाठी  राज्यस्तरीय नावीण्यपूर्ण योजना व जिल्हास्तरीय योजनेंतर्गत वैयक्तिक लाभाच्या योजनेसाठी  पात्र पशुपालक, शेतकरी, सुशिक्षित बेरोजगार युवक, युवती व महिलांनी ऑनलाईन पध्दतीने अर्ज सादर करावेत, असे आवाहन जिल्हा पशुसंवर्धन उपआयुक्तांनी प्रसिध्दीस दिलेल्या शासकीय पत्रकान्वये केले आहे. नावीण्यपूर्ण राज्यस्तरीय व जिल्हास्तरीय योजनेंतर्गत दुधाळ गायी, म्हशीचे गट वाटप करणे, शेळी, मेंढी गट वाटप करणे, 1000 मांसल पक्ष्यांच्या संगोपनासाठी निवारा शेड उभारणीसाठी अर्थसाहाय्य देणे, 100 कुक्कुट पिलांचे वाटप करणे तसेच 25+ 3 तलंगा गट वाटपासाठी लाभार्थ्यांची निवड ऑनलाईन पध्दतीने करण्यात येईल. लाभार्थ्यांना डेअरी, पोल्ट्री  किंवा शेळीपालनापैकी ज्या योजनेसाठी अर्ज करावयाचा आहे ती निवड करण्याची सुविधा, अर्ज व योजनांची संपूर्ण माहिती https://ah.mahabms.com या संकेतस्थळावर तसेच अँड्रॉईड मोबाईलवर AH-MAHABMS गुगल प्ले  स्टोअरवर 4 ते 18 डिसेंबर 2021 या कालावधीत उपलब्ध करुन देण्यात आली आहे. या योजनेसाठी अर्ज फक्त ऑनलाईन पध्दतीने स्वीकारण्यात येतील. अर्ज भरताना अर्जदाराने नोंदविलेल्या मोबाईल क्रमांकावर अर्जाच्या स्थितीबाबत संदेश पाठविण्यात येणार असल्याने कुठल्याही परिस्थितीत अर्जदाराने आपला मोबाईल क्रमांकात बदल करू नये.  योजनेबाबत अधिक माहितीसाठी टोल फ्री क्रमांक 1962 किंवा 1800-233-0418 किंवा तालुक्याचे पशुधन विकास अधिकारी (विस्तार ), पंचायत समिती, जिल्हा पशुसंवर्धन अधिकारी अथवा जिल्हा पशुसंवर्धन उपायुक्त कार्यालय, तालुका लघु पशुवैद्यकीय सर्वचिकित्सालय अथवा नजीकच्या पशुवैद्यकीय केंद्रावर संपर्क...