Author: Ramchandra Bari

दररोज किमान 300 स्वॅब नमुने तपासणीसाठी घ्या- डॉ.राजेंद्र भारुड

Posted by Ramchandra Bari | Aug 10, 2020 | आरोग्य, कोरोना |

नंदुरबार (जिमाका वृत्तसेवा) :कोरोनाची संपर्क साखळी कमी कालावधीत खंडीत करण्यासाठी दररोज किमान 300 स्वॅब घेण्याचा प्रयत्न आरोग्य यंत्रणेने करावा आणि मृत्यूदर नियंत्रित करण्यासाठी आवश्यक उपाय योजावेत, असे निर्देश जिल्हाधिकारी डॉ.राजेंद्र भारुड यांनी दिले. कोरोनाबाबत आयोजित ऑनलाईन आढावा बैठकीत ते बोलत होते. बैठकीस मुख्य कार्यकारी अधिकारी विनय गौडा, अपर जिल्हाधिकरी महेश पाटील, जिल्हा शल्य चिकीत्सक डॉ.रघुनाथ भोये, जिल्हा आरोग्य अधिकारी डॉ.एन.डी.बोडके आदी उपस्थित होते. डॉ.भारुड म्हणाले, नंदुरबार तालुक्यातून 125, शहादा येथून 100 आणि तळोदा व नवापूर येथून 70 स्वॅब घेण्यात यावेत. ज्येष्ठ नागरिक आणि अतिजोखमीच्या व्यक्तिंमध्ये साधारण लक्षणे आढळल्यास त्वरीत स्वॅब घेवून उपचार सुरू करण्यात यावेत. त्यासाठी मोबाईल टीमचा उपयोग...

राष्ट्रध्वजाचा योग्य मान राखण्याचे आवाहन

Posted by Ramchandra Bari | Aug 10, 2020 | दिनविशेष |

नंदुरबार (जिमाका वृत्तसेवा) :स्वातंत्र्य दिन साजरा करताना वैयक्तिकरित्या वापरण्यात येणाऱ्या राष्ट्रध्वजाचा योग्य मान राखला जाईल याची दक्षता नागरिकांनी घ्यावी, असे आवाहन जिल्हाधिकारी डॉ.राजेंद्र भारूड यांनी केले आहे. जनतेच्या वैयक्तीक वापरासाठी छोट्या कागदी राष्ट्रध्वजाचा उपयोग करण्यात यावा. राष्ट्रध्वज रस्त्यावर वा अन्य ठिकाणी टाकण्यात येणार नाही याची दक्षता घ्यावी. राष्ट्रध्वज खराब झाले असतील तर त्याचा योग्य मान राखून ध्वज संहितेतील तरतूदीनुसार नष्ट करण्याची कार्यवाही करण्यात यावी. अधिकाऱ्यांनी त्यांच्या कार्यक्षेत्रात प्लॅस्टिकचे राष्ट्रध्वज विक्रीस प्रतिबंध करावा. अशी विक्री होताना आढळल्यास संबंधितावर फौजदारी गुन्हे दाखल करावे. जाणीवपूर्वक राष्ट्रध्वजाचा अवमान करण्याचा प्रयत्न झाल्याचे निदर्शनास आल्यास राष्ट्रीय अवमान प्रतिबंधक कायदा 1971 नुसार कार्यवाही करावी. सर्व शासकीय यंत्रणा, स्थानिक स्वराज्य संस्था, शैक्षणिक संस्था आणि महामंडळांनी प्लॅस्टिक ध्वजाच्या वापरास पायबंद घालावा. कोरोना विषाणूचा वाढता प्रादुर्भाव पाहता स्वातंत्र्य दिनाचा संपुर्ण कार्यक्रम सामाजिक अंतर संदर्भातील सर्व नियम पाळून संपन्न करावा. याची संपूर्ण जबाबदारी आयोजकांची असेल हा कार्यक्रम साजरा करतांना कोरोना विषाणुच्या पार्श्वभूमीवर केंद्र व राज्य शासनाच्या गृह मंत्रालय तसेच आरोग्य व कुटुंब कल्याण मंत्रालय यांनी दिलेल्या मार्गदर्शक सूचना व तत्वांचे काटेकोरपणे पालन करावे, असे परिपत्रकात नमूद करण्यात आले...

आदिवासी दिनानिमित्त रानाभाज्या महोत्सवाचे आयोजन

Posted by Ramchandra Bari | Aug 9, 2020 | दिनविशेष |

नंदुरबार (जिमाका वृत्तसेवा) – जागतिक आदिवासी दिनानिमित्त जिल्हा अधिक्षक कृषी अधिकारी नंदुरबार आणि प्रकल्प संचालक आत्मा कार्यालयाच्यावतीने कृषी तंत्रज्ञान व्यवस्थापन यंत्रणेच्या शेतकरी प्रशिक्षण सभागृहात रानभाज्या महोत्सवाचे आयोजन करण्यात आले. महोत्सवाचे उद्घाटन आमदार डॉ.विजयकुमार गावीत यांच्या हस्ते करण्यात आले. यावेळी आमदार शिरीषकुमार नाईक, नवापूर पंचायत समिती सभापती रतिलाल कोकणी, जिल्हा अधिक्षक कृषी अधिकारी एन.बी.भागेश्वर आदी उपस्थित होते. रानभाज्या योग्य ब्रँडींग आणि मार्केटींग करून शहरी भागात पोहोचविण्याची आवश्यकता असल्याचे डॉ.गावीत यांनी यावेळी सांगितले. रानभाज्या महोत्सवाचा उपक्रम स्तुत्य असून या उपक्रमात सातत्य ठेवावे आणि अधिकाधीक नागरिकांपर्यंत या भाज्यांचे महत्व पोहोचवावे असे श्री.नाईक यांनी सांगितले. कृषी महाविद्यालयाचे सहयोगी अधिष्ठाता एस.बी....

नवरंग रेल्वे गेट ५ दिवस बंद

Posted by Ramchandra Bari | Aug 8, 2020 | चालू घडामोडी |

नंदुरबार(प्रतिनिधी) :- जिल्ह्यातून जाणारा राष्ट्रीय महामार्ग क्र ६ वरील नवापूर शहरजवळील नवरंग रेल्वे गेट (गेट नं ६९) वर दुरुस्तीचे काम करण्यासाठी दि. १० ते दि. १४ ऑगस्ट यादरम्यान या गेटवरील वाहतूक बंद असणार आहे. त्यामुळे राष्ट्रीय महामार्ग क्रमांक सहावरील वाहतूक कोळदे गावाजवळील गेट नंबर ७० च्या मार्गाने वळविण्याचे आदेश नंदुरबारच्या जिल्हाधिकाऱ्यांनी दिले आहेत.नागपूर सुरत हा राष्ट्रीय महामार्ग क्रमांक सहा नंदुरबार जिल्ह्यातील नवापूर तालुक्यातून जातो. या मार्गावर मोठ्या प्रमाणावर लहान व अवजड वाहनांची रहदारी असते. अश्या या अत्यंत व्यस्त असलेल्या महामार्गावरील नवापूर शहराजवळील गेट नं 69 ( नवरंग गेट) च्या दुरुस्तीचे काम रेल्वेने हाती घेतले असून, त्यासाठी दि. १० ते १४ ऑगस्ट या कालावधीत या मार्गावरील वाहतूक बंद राहणार आहे. त्यामुळे या महामार्गावरील वाहतूक चिंचपाडा कोळदा नवापूर यामार्गाने वळविण्यात आली असल्याचे, जिल्हाधिकारी डॉ. राजेंद्र भारुड यांनी कळविले असून, या भागातील वाहतुकीचे नियमन करण्याचे आदेश जिल्हा पोलीस प्रमुख श्री महेंद्र पंडित यांनी नवापूर व विसरवाडी पोलीस ठाण्याच्या प्रभारी अधिकाऱ्यांना दिले...

शेतकऱ्यांना खरीप हंगामासाठी पाणी अर्ज सादर करण्याचे आवाहन

Posted by Ramchandra Bari | Aug 7, 2020 | कृषी |

नंदुरबार (जिमाका वृत्तसेवा) : कार्यकारी अभियंता धुळे पाटबंधारे विभाग यांच्या अधिपत्याखालील धुळे व नंदूरबार जिल्ह्यातील मध्यम प्रकल्प, लघु प्रकल्प, अधिसूचित नदी-नाले तसेच तापी नदीवरील मंजूर उपसा सिंचन योजनांच्या पाण्याचा फायदा घेणाऱ्या बागायतदारांनी सुरु झालेल्या खरीप हंगामासाठी 31 ऑगस्ट 2020 पर्यंत पाणी अर्ज सादर करायचे आहेत. सर्व बागायतदारांनी आपले नमुना नं. 7, 7 (अ), 7 (ब) चे पाणी अर्ज संबंधीत शाखा कार्यालयात किंवा उपविभागीय कार्यालयात सादर करावेत. बागायतदारांना पाण्याच्या उपलब्धतेनुसार मंजूरी देण्यात येईल. बागायतदांरानी आपआपल्या शेतचाऱ्या स्वच्छ व सुस्थितीत ठेवाव्यात. मंजूरी व पाणी पुरवठ्याबाबत अन्नधान्ये, भुसार, चारा पिकांना प्रथम प्राधान्य देण्यात येईल. पाण्याचा रितसर पास मिळाल्याशिवाय पाणी घेऊ नये. थकबाकीदारांनी मागील संपूर्ण थकबाकी व व्याज भरणे आवश्यक आहे. पाणी नाश, पाळ्या नसताना पाणी घेणे, मंजुरीपेक्षा अधिक क्षेत्र भिजविणे, विहीरीवरील पिकास कालव्याचे पाणी घेणे, पाटमोट संबंध दूर न करणे आदी प्रकाराबाबत नियमानुसार पंचनामे करून दंडाच्या दराने आकारणी करण्यात येईल. टंचाई परिस्थितीत ऐन हंगामात पाणीसाठा पिण्यासाठी आरक्षित करावा लागल्यास पीक नुकसान भरपाई देता येणार नाही. लाभक्षेत्रातील तसेच कालव्यापासून 35 मीटर अंतराच्या हद्दीतील विहिरींबाबत नमुना 7 (ब) मागणी अर्ज न करता बिनअर्ज क्षेत्र भिजविण्यात आल्यास प्रचलित नियमानुसार पंचनामे करण्यात येतील. हस्तांतर झालेल्या पाणी वापर संस्थांना घनमापन पद्धतीने पाणी देण्यात येईल, असे कार्यकारी अभियंता वि.र.दराडे यांनी कळविले...

Author: Ramchandra Bari

दररोज किमान 300 स्वॅब नमुने तपासणीसाठी घ्या- डॉ.राजेंद्र भारुड

राष्ट्रध्वजाचा योग्य मान राखण्याचे आवाहन

आदिवासी दिनानिमित्त रानाभाज्या महोत्सवाचे आयोजन

नवरंग रेल्वे गेट ५ दिवस बंद

शेतकऱ्यांना खरीप हंगामासाठी पाणी अर्ज सादर करण्याचे आवाहन

जाहिरात

जाहिरात

जाहिरात