Author: Ramchandra Bari

नंदुरबार (जिमाका वृत्तसेवा) : तापी नदीपात्रात पाण्याची सातत्याने आवक होत असल्याने पाणी पातळीत वाढ होत आहे. पुढील 72 तासापर्यंत पाणी पातळीत सतत वाढ होणार असल्याने तापी नदीकाठच्या गावांना सतर्कतेचा इशारा देण्यात येत आहे.  जळगाव जिल्ह्यातील हतनूर प्रकल्पाचे 24 दरवाजे उघडले असून 75,125 क्युसेक्स इतका विसर्ग तापी नदीपात्रात सोडण्यात आला आहे.  त्याचप्रमाणे जळगाव जिल्ह्यातील  नदीतील पाणी काही कालावधीत तापी नदीत दाखल होण्याची शक्यता असल्याने हतनूर धरणाचा पाणी विसर्ग अजून वाढणार आहे. पाण्याची पातळी नियंत्रित करण्यासाठी आज सकाळी 8 वाजता प्रकाशा बॅरेजचे 4 दरवाजे 2 मीटर उंचीने उघडण्यात आले असून 25 हजार 61 क्युसेक्स विसर्ग नदीपात्रात सोडण्यात येत आहे. तर सारंगखेडा बॅरेजचे 4 दरवाजे 2 मीटर उंचीने उघडण्यात आले असून 28 हजार 19 क्युसेक्स विसर्ग नदीपात्रात सोडण्यात येत आहे. पाण्याची पातळी नियंत्रित करण्याकरिता विसर्ग वाढविण्याची शक्यता आहे. त्यामुळे पुढील 72 तासासाठी नागरीकांनी नदी काठावर जावू नये. आपली गुर-ढोरे नदीकाठी जावू देऊ नये व नदीकाठी असल्यास सुरक्षित स्थळी हलवावी. नदी काठावर असलेले उपसा पंप तात्काळ सुरक्षित स्थळी हलवावे, असे आवाहन  जिल्हा प्रशासनातर्फे करण्यात आले...

नंदुरबार (जिमाका वृत्तसेवा) : प्रधानमंत्री मत्स्यसंपदा योजनेअंतर्गत जिल्ह्यासाठी 35 कोटी 17 लाख रुपयांचा आराखडा तयार करण्यात आला असून त्यापैकी 21 कोटी 10 लाख केंद्र व राज्य शासनाचा हिस्सा असणार आहे. जिल्हाधिकारी डॉ.राजेंद्र भारुड यांच्या अध्यक्षतेखाली जिल्हाधिकारी कार्यालयात झालेल्या बैठकीत या आराखड्यास मंजूरी देण्यात आली. यावेळी सहायक जिल्हाधिकारी अविश्यांत पांडा, वसुमना पंत, मत्स्य व्यवसाय सहायक आयुक्त किरण पाडवी आदी उपस्थित होते. नवीन तलावाची निर्मिती, अस्तरीकरणाचे तळे, मत्स्य बोटुकले संचयन आदी  14 योजनांचा या आराखड्यात समावेश करण्यात आला आहे. हा आराखडा शासनास सादर केला जाणार...