Author: Ramchandra Bari

नंदुरबार  -दुर्गम भागातील आदिवासी जनतेला चांगल्या आरोग्य सुविधा देण्यात येतील आणि त्यासाठी आवश्यक सर्व सहकार्य शासनातर्फे करण्यात येईल, असे प्रतिपादन राज्याचे आदिवासी विकास मंत्री तथा जिल्ह्याचे पालकमंत्री ॲड.के.सी.पाडवी यांनी केले. अक्कलकुवा तालुक्यातील मांडवा येथे प्राथमिक आरोग्य केंद्राच्या भूमिपुजन प्रसंगी ते बोलत  होते. कार्यक्रमाला जि.प.अध्यक्षा सीमा वळवी, उपाध्यक्ष राम रघुवंशी, माजी मंत्री पद्माकर वळवी, महिला व बालकल्याण सभापती निर्मलाताई राऊत, समाजकल्याण सभापती रतनदादा पाडवी, उपसभापती विजय पाडवी, जि.प.सदस्य बाजूबाई वसावे, सरपंच ममताताई पाडवी, वैद्यकीय अधिकारी स्वप्नील मासखेडे आदी उपस्थित होते. पालकमंत्री पाडवी म्हणाले, दुर्गम भागासाठी आरोग्य सेवा महत्वाची आहे. आरोग्य सुविधांचा विकास करण्यावर शासनाने भर दिला आहे. प्राथमिक आरोग्य केंद्रामुळे...

नंदुरबार (जिमाका वृत्तसेवा) : जिल्ह्यातील कायदा व सुव्यवस्था अबाधित राखण्यासाठी  जिल्हादंडाधिकारी डॉ.राजेंद्र भारुड  यांनी  मुंबई पोलिस अधिनियम 1951 चे 37 (1) (3) अन्वये 17 जानेवारी 2021 चे 6 वाजेपासून ते 1 फेब्रुवारी 2021 रोजीच्या रात्री 12 वाजेपर्यंत शस्त्र व जमावबंदी आदेश जारी केला आहे. सदरचे आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलीस अधिकारी, कामावर असलेल्या इतर शासकीय अधिकारी, कर्मचारी यांना, सभा अगर मिरवणूका काढण्यास रितसर परवानगी घेतली असलेल्या व्यक्तींना लागू नाही. आदेशाचा भंग करणाऱ्याविरोधात कारवाई करण्यात...

नंदुरबार (जिमाका वृत्तसेवा) : कोविड-19 च्या प्रादुर्भावामुळे सहकारी संस्थांच्या निवडणूकीचे  स्थगित झालेले कामकाज 18 जानेवारी पासून सुरु करण्याचे राज्य सहकारी निवडणुक प्राधिकरण पुणे यांनी आदेश दिले आहेत. जिल्ह्यातील  सहकारी संस्थाचा निवडणूक कार्यक्रम ज्या टप्प्यावर होता त्या टप्प्यावर स्थगित करण्यात आलेला होता. अशा सर्व सहकारी संस्थाच्या तसेच ज्या संस्थेची निवडणूक मुदत संपलेली आहे अशा संस्थेच्या निवडणूकीसाठी कामकाज सुरू करण्यात येणार आहे. जिल्ह्यातील 441 सहकारी संस्था निवडणुकीस पात्र असून निवडणुकीचा कृती आराखडा व नियोजन तयार करण्यात आले आहे. प्रथम टप्प्यात कोविड -19 मुळे स्थगित झालेल्या सहकारी संस्थाचे स्थगितीच्या टप्प्यापासून निवडणूकीचे कामकाज सुरु करण्याच्या सूचना जिल्ह्यातील सर्व तालुका सहकारी निवडणूक अधिकारी यांना...