Author: Ramchandra Bari

नंदुरबार (जिमाका वृत्त) – दिव्यांग वित्त व विकास महामंडळामार्फत दिव्यांग व्यक्तिंसाठी हरित उर्जेवर चालणाऱ्या पर्यावरणस्नेही फिरत्या वाहनावरील दुकान मोफत उपलब्ध करुन देण्यात येणार असल्याची माहिती महाराष्ट्र राज्य अपंग वित्त आणि विकास महामंडळाच्या जिल्हा व्यवस्थापक श्रीमती शोभा कराड यांनी एका शासकीय प्रसिद्धी पत्रकान्वये दिली आहे. दिव्यांग व्यक्तींना पुरेशा सोयी-सुविधा उपलब्ध करुन रोजगार निर्मितीस चालणा देणे, त्यांचे आर्थिक, सामाजिक पुनर्वसन करणे, तसेच सर्वसामान्य व्यक्तींप्रमाणे त्यांना कुटूंबासमवेत जीवन जगण्यास सक्षम करणे हा योजनेचा उद्देश असून या योजनेचा लाभ मिळण्यासाठी https://evehicleform.mshfdc.co.in  ही लिंक उपलब्ध करुन देण्यात आली आहे.   या लिंकवर दिव्यांग व्यक्तींनी 4 जानेवारी 2024 पर्यंत ऑनलाईन अर्ज सादर करावे, असेही श्रीमती कराड यांनी प्रसिद्धी पत्रकान्वये कळविले...

नंदुरबार (जिमाका वृत्त) – जिल्हास्तरीय भ्रष्टाचार निर्मुलन समितीची त्रैमासिक बैठक बुधवार 27 डिसेंबर 2023 रोजी दुपारी 4.00 वाजता जिल्हाधिकारी मनीषा खत्री यांच्या अध्यक्षतेखाली जिल्हाधिकारी कार्यालयाच्या रंगावली सभागृहात आयोजित करण्यात आली असल्याची माहिती, निवासी उपजिल्हाधिकारी सुधीर खांदे यांनी एका शासकीय प्रसिद्धी पत्रकान्वये दिली आहे. जिल्हा व तहसिलस्तरावर भ्रष्टाचार निर्मुलन समित्या व दक्षता पथके स्थापन करण्यात आले असून शासकीय कर्मचाऱ्यांविरुध्द प्राप्त होणाऱ्या तक्रारीबाबत पाठपुरावा करण्यासाठी जिल्हाधिकारी यांच्या अधिनस्त भ्रष्टाचार निर्मुलन समितीची बैठक आयोजित केली जात असल्याचेही श्री. खांदे यांनी प्रसिद्धी पत्रकान्वये कळविले...

नंदुरबार (जिमाका वृत्त) – जिल्हा कौशल्य विकास रोजगार व उद्योजकता मार्गदर्शन केंद्र व जिजामाता शिक्षण संस्था, नंदुरबार यांच्या संयुक्त विद्यमाने 28 डिसेंबर, 2023 रोजी पंडीत दीनदयाळ उपाध्याय रोजगार मेळाव्याचे आयोजन करण्यात आले असल्याचे, कौशल्य विकास रोजगार व उद्योजकता केंद्राचे सहायक आयुक्त विजय रिसे यांनी एका शासकीय प्रसिद्धी पत्रकान्वये कळविले आहे. सेंट मदर टेरेसा इंग्लिश मीडियम स्कुल जिजामाता महाविद्यालय शेजारी, नंदुरबार येथे सकाळी 10 वाजता होणाऱ्या या मेळाव्यासाठी कौशल्य विकास व उद्योजकता विभागाच्या www.rojgar.mahaswayam.gov.in  या वेबपोर्टलवर यापूर्वी नोंदणी केलेल्या उमेदवारांनी आपला नोंदणी क्रमांक व पासवर्ड वापरुन नोंदणीतील सर्व माहिती अद्ययावत करावी.  नोंदणी न केलेल्यांनी शिक्षण, अनुभव इत्यादी सर्व अद्ययावत माहिती भरुन नोंदणी करावी. नोंदणी झाल्यानंतर आपल्या भ्रमणध्वनी क्रमांकावर उमेदवारास नोंदणी क्रमांक व पासवर्ड प्राप्त होईल.  तो वापरुन पोर्टलवर लॉगिन करावे, त्यानंतर आपल्या नोंदणीच्या माहितीतील पंडीत दीनदयाळ उपाध्याय जॉब फेअर मधील दिसणाऱ्या रोजगार मेळाव्यांच्या यादीतील नंदुरबार जिल्हा निवडून त्यातील रोजगाराची माहिती पहावी व रिक्तपदांची माहिती पाहून नोंदणी करावी.  त्यानंतरच ऑनलाईन रोजगार मेळाव्यातील आपला सहभाग पूर्ण होईल. याबाबत काही मदत आणि माहितीसाठी कार्यालयाच्या 02564-295805 या दूरध्वनी क्रमांकावर कार्यालयीन वेळेत संपर्क साधावा.  या मेळाव्याचा इच्छुक उद्योजक आणि बेरोजगार उमेदवारांनी लाभ घ्यावा, असे आवाहनही सहाय्यक आयुक्त श्री. रिसे यांनी शासकीय प्रसिद्धी पत्रकान्वये केले...

नंदुरबार (जिमाका वृत्त)  – केरळ राज्यामध्ये नव्याने आढळलेल्या कोरोना च्या जेएन-1 ह्या व्हेरियंटमुळे नागरिक बाधित होण्याची शक्यता लक्षात घेता जिल्ह्यातील नागरिकांनी सतर्क राहून योग्य ती काळजी घ्यावी, तसेच शासकीय वैद्यकीय महाविद्यालयात या विषाणूच्या चाचणी व उपचाराची सोय मोफत असल्याची माहिती नंदुरबार शासकीय वैद्यकीय महाविद्यालयाचे अधिष्ठाता डॉ. अरुण हुमणे यांनी एका शासकीय प्रसिद्धी पत्रकान्वये दिली आहे.   राज्यात आतापर्यंत या आजाराच्या नवीन व्हेरियंटची लागण झालेल्या 35 रुग्णांची नोंद झाली असून जिल्ह्यात मात्र या व्हिरियंटची लागण लागण झालेला रुग्ण नाही. या नवीन व्हरियंटमुळे वेगाने लागण होत असली तरी मृत्यूचे प्रमाण फारच कमी आहे. सामान्यतः त्यामुळे श्वसनयंत्रणेशी संबंधित, फ्लू सारखी लक्षणे ताप, सर्दी, खोकला, घशात कण कण जाणवते. या आजाराचे निदान घश्याच्या स्रावाची तपासणी करून आरटीपीसीआर द्वारे केली जाते.  ही चाचणी शासकीय वैद्यकीय महाविद्यालय (नंदुरबार) येथे उपलब्ध असून यावर औषधउपचार केल्याने आजार सामान्यतः बरा होतो.नागरिकांनी या आजारबाबत सतर्कता बाळगताना  गर्दीच्या ठिकाणी जाणे टाळावे, अतिजोखीम असणाऱ्या व्यक्तींनी जास्त काळजी घ्यावी. घराबाहेर पडणे आवश्यक असल्यास तोंडाला मास्क लावणे, वारंवार हाथ धुणे, मोकळी हवा असलेल्या ठिकाणी राहाणे, खोकतांना व शिंकताना तोंडासमोर रुमाल धरणे. प्रतिकार क्षमता वाढविण्यासाठी प्रत्येकाने संतुलित आहार घेणे, नियमित व्यायाम करणे आणि पुरेशी झोप घेणे आवश्यक आहे. या आजाराचा कुठलाही धोका समोर आला नसला तरीही काळजी घेणे आवश्यक आहे. वैद्यकीय महाविद्यालयात मिळेल मोफत उपचार.. याबाबत काही लक्षणे आढल्यास शासकीय वैद्यकीय महाविद्यालयातील सहायक प्राध्यापक डॉ. हरिचंद्र गावित, डॉ. रविदास वसावे, यांच्याशी संपर्क साधून मोफत तपासणी व उपचार करुन घ्यावेत. तपासणी व उपचाराची सोय शासकीय वैद्यकीय...