Author: Ramchandra Bari

नंदुरबार (जिमाका वृत्तसेवा):  नंदुरबार शहरात शनिवार 22 एप्रिल, 2023 रोजी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस तसेच आंतरराष्ट्रीय कथा प्रवचनकार पंडीत प्रदिप मिश्रा हे नंदुरबार येथे श्री.छत्रपती मल्टीस्पेशालिटी हॉस्पीटल इमारतीच्या उद्धटन कार्यक्रमास उपस्थित राहणार आहेत. या दरम्यान नंदुरबार जिल्ह्याचे सिमेलगत जिल्ह्यातून तसेच गुजरात व मध्यप्रदेश राज्यातून मोठ्या प्रमाणावर भाविक तसेच कार्यकर्ते वाहनांनी नंदुरबार येथे येण्याची शक्यता असल्याने शनिवार 22 एप्रिल, 2023 रोजी  सकाळी 6 ते सायंकाळी 18 वाजेपर्यंत नियमनाचे अनुषंगाने राष्ट्रीय व राज्य महामार्गावरील रहदारी अंशत: वळविण्याचे आदेश जिल्हादंडाधिकारी मनीषा खत्री यांनी एका प्रसिद्धी पत्रकान्वये दिले आहे. उक्त कालावधीत  दोंडाईचा कडून येणारी लहान मोठी चारचाकी वाहने, बसेस, अवजड वाहने ही चौपाळा फाटाकडून चौपाळे गावातून सरळ उमर्दे रोड ओलांडून होळ तफे हवेली मार्गे पुढे नंदुरबार शहराकडे शहराबाहेरील उड्डाणपुला खालून करण चौफुली मार्गे जातील. साक्री , नवापूर कडून येणारी व शहादा किंवा गुजरात राज्याकडे जाणारी वाहने ढेकवद येथून पाचोराबारी, करणखेडा, वाकाचार रस्ता मार्गे शहादा ,गुजरात राज्यात जातील. करण चौफुली कडून येणारी वाहने शहराबाहेरील उड्डाणपुला खालून होळ हवेली गावातुन उमर्दे गाव पुढे वावद मार्गे दोडाईचाकडे तसेच साक्रीकडे जाणारे वाहने नंदुरबार शहरातील धुळे चौफुली मार्ग साक्री व नवापूरकडे जातील. प्रकाशा चौफुली कडून नंदुरबारकडे येणारी वाहने शहादामार्गे दोंडाईचा व पुढे धुळेकडे जातील. वाका चार रस्ता कडून येणारी वाहने वाका चार रस्ता ते सरळ प्रकाशामार्गे शहादाकडे जातील असे आदेशात नमूद केले...

नंदुरबार (जिमाका वृत्तसेवा): भारतरत्न डॉ.बाबासाहेब आंबेडकर यांच्या जयंतीचे औचित्य साधून सामाजिक न्याय व विशेष सहाय्य विभागामार्फत समता पर्वा निमित्त ज्येष्ठ नागरिक व तृतीयपंथीयांसाठी गुरुवार 20 एप्रिल,2023 रोजी सकाळी 11 वाजता सामाजिक न्याय भवन, टोकर तलाव रोड, नंदुरबार येथे आरोग्य तपासणी शिबिराचे आयोजन करण्यात आले आहे.  तसेच तृतीयपंथीयांना उद्योजक होऊन आत्मनिर्भर व्हावे याकरीता जिल्हा उद्योग केंद्र यांच्या संयुक्त विद्यमाने उद्योजकता शिबीराचे आयेाजन केले आहे. तरी या शिबीराचा ज्येष्ठ नागरिक व तृतीय पंथीयांनी  लाभ घ्यावा, असे आवाहन समाज कल्याणचे सहायक आयुक्त देविदास नांदगावकर यांनी एका प्रसिद्धी पत्रकान्वये केले...

नंदुरबार (जिमाका वृत्तसेवा): उप प्रादेशिक परिवहन कार्यालय, नंदुरबार येथे दुचाकी वाहनांसाठी वाहन 4.0 या संगणक प्रणालीवर स्वंयचलित नविन नोंदणी मालिका सुरु होणार असल्याची माहिती उप प्रादेशिक परिवहन अधिकारी किरण बिडकर यांनी एका प्रसिद्धी पत्रकान्वये दिली आहे. ज्या वाहनधारकांना त्यांच्या दुचाकी वाहनांकरीता आकर्षक अथवा पसंतीचा नोंदणी क्रमांक घेवू इच्छितात अशा वाहनधारकांनी 24 एप्रिल 2023 पर्यंत कार्यालयीन वेळेपर्यंत विहित नमुन्यात अर्ज सादर करावे. ‘प्रथम अर्ज प्रथम प्राधान्य’ या धर्तीवर अर्जदारास त्यांच्या पसंतीचा क्रमांक देण्यात येईल. एका क्रमांकासाठी जास्त अर्ज प्राप्त झाल्यास लिलावाद्वारे तो नोदणी क्रमांक संबधीतास देण्यात येईल. नागरीकांनी या सुविधेचा लाभ घ्यावा, असे आवाहन उप प्रादेशिक परिवहन अधिकारी श्री. बिडकर यांनी केले...