Author: Ramchandra Bari

नंदुरबार (जिमाका वृत्तसेवा): धुळे शहरात मध्यवर्ती बसस्थाकालगत असलेल्या सैनिकी मुलांचे वसतिगृह,धुळे येथे प्रवेश प्रक्रियेस सुरवात झाली आहे, असे जिल्हा सैनिक अधिकारी मेजर डॉ.निलेश पाटील यांनी प्रसिद्धीस दिलेल्या पत्रकान्वये कळविले आहे.             या वसतिगृहात आजी-माजी सैनिकांच्या आठवीपासून पुढील अभ्यासक्रमाचे शिक्षण घेणाऱ्या विद्यार्थ्यांना माफक शुल्क आकारुन प्रवेश दिला जातो. या वसतीगृहात निवास, भोजन, 24 तास पाण्याची व्यवस्था, वायफाय, जिम, पुस्तकालय व मनोरंजनाची साधने उपलब्ध आहेत. वसतिगृहात कार्यरत कर्मचारी मुख्यत्वे सैनिकी सेवेतून सेवा निवृत्त झालेले अधिकारी व कर्मचारी आहेत. त्यामुळे वसतिगृहातील विद्यार्थ्यांना शिस्तीविषयी मार्गदर्शन केले जाते. सन 2023-2024 मध्ये आठवी वा पुढील शिक्षण घेत असलेल्या धुळे व नंदुरबार जिल्ह्यातील  माजी सैनिक, दिवंगत सैनिक, माजी सैनिकाच्या विधवा पत्नींनी त्यांच्या पाल्यांसाठी वसतिगृहाचा लाभ घेण्यासाठी 31 मे 2023 पुर्वी संपर्क साधुन प्रवेश निश्चित करावा. अधिक माहितीसाठी दूरध्वनी क्रमांक 02562-237607,237264 भ्रमणध्वनी क्रमांक 9765333488/ 9270208408/ 7020264940 येथे संपर्क साधावा, असे आवाहन जिल्हा सैनिक अधिकारी मेजर डॉ.निलेश पाटील यांनी केले...

नंदुरबार (जिमाका वृत्तसेवा):शासकीय औद्योगिक प्रशिक्षण संस्था, नंदुरबार व कौशल्य विकास रोजगार व उद्योजकता मार्गदर्शन केंद्र, नंदुरबार यांच्या संयुक्त विद्यमाने विद्यार्थी व पालकांसाठी  शनिवार 13 मे 2023 जिल्हास्तरीय मोफत समुपदेशन मेळाव्यांचे आयोजन करण्यात आल्याची माहिती औद्योगिक प्रशिक्षण संस्थेचे प्राचार्य वाय.एम.पाटील यांनी एका प्रसिद्धी पत्रकान्वये दिली आहे.             या मेळाव्यात दहावी व बारावी नंतर काय ?, रोजगाराच्या संधी, व्यक्तीमत्व विकास, मुलाखतींचे तंत्र इत्यादी विषयावर विविध क्षेत्रातील तंज्ञ व नामांकित व्यक्तींकडून मार्गदर्शन करण्यात येणार आहे. तरी जिल्ह्यातील सर्व शैक्षणिक संस्थेतील इयत्ता नववी ते पदवीपर्यंतच्या सर्व विद्यार्थी व पालकांनी शनिवार 13 मे 2023 रोजी छत्रपती शिवाजी नाट्यमंदिर, नंदुरबार येथे सकाळी 9 वाजता जिल्हास्तरीय मोफत समुपदेशन मेळाव्यास उपस्थित राहावे, असे आवाहन औद्योगिक प्रशिक्षण संस्थेचे प्राचार्य श्री.पाटील यांनी केले...