Author: Ramchandra Bari

नंदुरबार (जिमाका वृत्त) : सामाजिक न्याय व विशेष सहाय्य विभागामार्फत इयत्ता 10 वी 12 वी तसेच त्यानंतरच्या व्यावसायिक, बिगर व्यावसायिक अभ्यासक्रमांसाठी शासनाच्या सामाजिक न्याय विभागामार्फत भारतरत्न डॉ. बाबासाहेब आंबेडकर स्वाधार योजना सुरू करण्यात आली असून जे पात्र विद्यार्थ्यांनी दिनांक 31 मार्च 2023 पर्यंत अर्ज सादर केले नाहीत अशा विद्यार्थ्यांसाठी अर्ज स्विकारण्याची दिनांक 14 जुलै, 2023 पर्यंत मुदतवाढ देण्यात आली असल्याची माहिती समाज कल्याण सहाय्यक आयुक्त देविदास नांदगांवकर यांनी एका प्रसिध्दीपत्रकानुसार दिली आहे. या योजनसाठी सन 2022-23 या वर्षात पात्र विद्यार्थ्यांकडून दिनांक 31 मार्च 2023 पर्यंत अर्ज स्विकारण्यात आले होते. तथापि, अद्यापही जे पात्र विद्यार्थ्यांनी दिनांक 31 मार्च 2023 पर्यंत अर्ज सादर केले नाहीत अशा विद्यार्थ्यांसाठी अर्ज स्विकारण्याची दिनांक 14 जुलै, 2023 पर्यंत मुदतवाढ देण्यात आलेली आहे. यासाठी पात्र विद्याथ्यांनी त्यांचे परिपूर्ण अर्ज सहाय्यक आयुक्त, समाज कल्याण, नंदुरबार या कार्यालयास सादर करावेत असे आवाहनही श्री. नांदगांवकर यांनी केले...

नंदुरबार (जिमाका वृत्त) : सन 2023-24 या शैक्षणिक वर्षासाठी नंदुरबार जिल्हयातील अनुसूचित जमातीच्या मुला-मुलींना परदेशात शिक्षणासाठी शिष्यवृत्ती देणे या योजनेंतर्गत अनुसूचित जमातीच्या विद्यार्थ्यांचे परदेश शिष्यवृत्तीसाठी अर्ज मागविण्यात येत आहेत, असे एकात्मिक आदिवासी विकास प्रकल्पाचे प्रकल्प अधिकारी तथा सहायक जिल्हाधिकारी, मीनल करनवाल यांनी एका प्रसिध्दीपत्रकानुसार कळविले आहे. या योजनेसाठी विद्यार्थ्यांच्या कुटूंबाचे वार्षिक उत्पन्न कमाल मर्यादा रुपये 60 लाख पर्यंत असावी.  राज्यातील मागासवर्ग गटामध्ये आदिवासी समाज सामाजिक, शैक्षणिक व आर्थिकदृष्ट्या मागासलेले असून अनुसूचित जमातीच्या विद्यार्थ्यांना उच्च शिक्षणाची संधी उपलब्ध होवून त्यांच्या गुणवत्तेला वाव मिळावा यासाठी परदेशातील विद्यापिठामध्ये शासन निर्णयात नमूद विविध अभ्यासक्रमासाठी ज्या अनुसूचित जमातीच्या आदिवासी विद्यार्थ्यांना प्रवेश मिळेल अशा 10 विद्यार्थ्यांचा परदेशातील शिक्षणाचा खर्च भागविण्यासाठी शिष्यवृत्ती मंजूर करण्यात येईल. यासाठी नंदुरबार प्रकल्पांअतर्गत येणाऱ्या अनुसूचित जमातीच्या विद्यार्थ्यांना (मुला-मुलींना) परदेशात शिक्षणासाठी शिष्यवृत्ती देणे या योजनेसाठी परदेश शिष्यवृत्तीचे अर्ज प्रकल्प अधिकारी, एकात्मिक आदिवासी विकास प्रकल्प नंदुरबार येथे जमा करण्यात यावेत. अधिक माहितीसाठी प्रकल्प अधिकारी एकात्मिक आदिवासी विकास प्रकल्प नंदुरबार याहामोगी चौक नवापूर रोड नंदुरबार दुरध्वनी क्र. (02564) 210303 येथे संपर्क साधावा, असेही प्रसिध्दीपत्रकानुसार कळविले...

नंदुरबार (जिमाका वृत्त) : एकात्मिक आदिवासी विकास प्रकल्प तळोदा कार्यक्षेत्रातील तळोदा, अक्कलकुवा व धडगांव तालुक्यातील आदिवासी लाभार्थ्यांना वर्ष 2023-24 या आर्थिक वर्षात केंद्रवर्ती अर्थसंकल्प न्यूक्लिअस बजेट योजनेअंतर्गत विविध योजनांचा लाभ देण्यात येणार असल्याचे एकात्मिक आदिवासी विकास प्रकल्प तळोदा प्रकल्प अधिकारी तथा सहाय्यक जिल्हाधिकारी मंदार पत्की यांनी एका प्रसिध्दीपत्रकान्वये कळविले आहे. अ गटात-उत्पन्न निर्मितीच्या किंवा उत्पन्न वाढीच्या योजनेत आदिवासी शेतकऱ्यांना शेताला तारकुंपण करणे,आदिवासी महिला लाभार्थ्यांना 85 टक्के अनुदानावर शिलाई मशील उपलब्ध करुन देणे, अनुसूचित जमातीच्या युवकांच्या सामुहिक गटांना बॅन्ड संच व इतर साहित्य 85 टक्के अनुदानावर उपलब्ध करून देणे, मशरूम लागवडीचे प्रशिक्षण झालेल्या आदिवासी लाभार्थ्यांना मशरूम लागवडीसाठी अर्थसहाय्य देणे, अनुसुचित जमातीच्या महिला व पुरुष बचत गटांना हॉटेल (ढाबा) सुरु करण्यासाठी आवश्यक साहित्य पुरविणे व अनुसूचित जमाती सुशिक्षीत बेरोजगारांना स्वंयरोजगारासाठी अर्थसहाय्य देणे. क गटात- मानव साधन संपत्ती विकासाच्या व आदिवासी कल्याणात्मक योजनेत अनुसूचित जमातीच्या ग्रामपंचायती व बचतगट यांना सार्वजनिक कार्यक्रमासाठी भांडी संच उपलब्ध करून देणे, अनुसूचित जमातीच्या ग्रामपंचायती व भजनी मंडळ यांना सार्वजनिक कार्यक्रमासाठी भजनी साहित्य उपलब्ध करुन देणे, अनुसूचित जमातीच्या ग्रामपंचायती यांना सार्वजनिक कार्यक्रमासाठी मंडप, खुर्ची व इतर साहित्य उपलब्ध करुन देणे, अनुसूचित जमातीच्या परंपरागत कलापथक व प्रबोधनकार यांना समाजात जनजागृती करण्यासाठी आवश्यक साहित्य उपलब्ध करुन देणे. या योजनांसाठी इच्छुक आदिवासी लाभार्थ्यांकडून विहित नमुन्यातील अर्ज मागविण्यात येत असून याबाबतचा विहित नमुना फॉर्म प्रकल्प अधिकारी तथा सहाय्यक जिल्हाधिकारी, एकात्मिक आदिवासी विकास प्रकल्प तळोदा येथे 29 जून 2023 ते 13 जुलै 2023 या कालावधीत रविवार आणि शासकीय सुट्टी वगळून इतर दिवशी कार्यालयीन...