नंदुरबार (प्रतिनिधी) – जागतिक क्षयरोग दिनाचे औचित्य साधत आज जिल्हा क्षयरोग केंद्रातर्फे गावात बंदोबस्तासाठी तैनात असलेल्या पोलीस कर्मचाऱ्यासाठी रुमाल वाटप करण्यात आले आहे.
24 मार्च 1882 रोजी क्षयरोगाच्या बॅकटेरीयाचा शोध लागला होता त्यामुळे हा दिवस क्षयरोग दिन म्हणुन ओळखला जातो. कोरोना व्हायरसचा वाढता प्रादुर्भाव रोखण्यासाठी सुरु असलेल्या संचारबंदीमुळे आज सुरवातीला जिल्हा क्षयरोग केंद्रातर्फे क्षयरोगाचे संशोधक रॉबर्ट कॉक यांच्या प्रतिमेला पुष्पांजली अर्पित करण्यात आली.
यानंतर विभागाने संचारबंदीमध्ये शहरात विविध भागात तैनात असलेल्या पोलीस कर्मचाऱ्याना रुमाल वाटप केले. कोरोना व्हायरस प्रादुर्भाव रोखण्याच्या अनुषंगाने तोंडाला बांधण्याजोगा हा रुमाल असून, यावर खोकतांना आणि शिंकतांना हातरुमालाचा उपयोग करा आणि सुरक्षित आणि क्षयमुक्त रहा ! असा संदेश देण्यात आला आहे. शहरभरात जवळपास अशा पद्दतीने पाचशेहुन अधिक रुमांलाचे वाटप करण्यात आले.
या कार्यक्रमाला जिल्हा क्षयरोग अधिकारी डॉ. अभिजीत गोल्हार, जिल्हा कार्यक्रम समन्वयक शिरीष भोजगुडे व कर्मचारी उपस्थित होते.
