दोंडाईचा : (प्रतिनिधी):- संपूर्ण जगात थैमान घालणाऱ्या कोरोना विषाणूचा आपल्या देशात प्रादुर्भाव होऊ नये म्हणून संपूर्ण देशात लॉक डाऊन करण्यात आले आहे. यामुळे दिव्यांग बांधवांना मोठ्या अडचणींना सामोरे जावे लागत आहे. शिंदखेडा तालुक्यातील अश्याच दिव्यांग बांधवांना मदत देण्यात आली.
लॉक डाऊनमुळे देशात अनेकांचा रोजगार बंद झाला आहे. याची जाणीव ठेवत या परिस्थितीत थोडा का होईना दिव्यांग बांधवांना दिलासा मिळावा म्हणून दोंडाईचा येथील केशरानंद उद्योग समुहातर्फे मेथी गटाचे जिल्हा परिषद सदस्य ज्ञानेश्वर भामरे यांच्यावतीने मालपुर, करले, परसोळे या गावातील गरजू दिव्यांग बांधवांना जीवनावश्यक किराणा साहित्याचे वाटप करण्यात आले. यावेळी पंचायत समिती सदस्य दगाजी देवरे, करले गावाचे सरपंच साहेबराव पवार, चंद्रकांत पाटील, प्रशांत बोरसे, शिवराम सोनवणे, आदी उपस्थित होते.
