Author: Ramchandra Bari

नंदुरबार (जिमाका वृत्तसेवा) : केंद्र शासनामार्फत राज्य व राष्ट्रीय पातळीवर युवकांच्या विकासाकरिता राष्ट्रीय व सामाजिक क्षेत्रात उल्लेखनीय कार्य करणाऱ्या युवक, युवती व नोंदणीकृत स्वयंसेवी संस्थाना प्रदान करण्यात येणाऱ्या राष्ट्रीय युवा पुरस्कारासाठी 26 जूनपर्यंत  प्रस्ताव सादर करावयाचे आहेत.              युवक कल्याण व क्रीडा मंत्रालय, युवा कल्याण विभागामार्फत सन 2017-18 व सन 2018-19 या दोन वर्षाच्या पुरस्काराकरिता प्रस्ताव मागविण्यात आले आहेत. पुरस्काराबाबत अधिक माहिती व अर्ज करीता https://innovate.mygov.in/national-youth-awards-2018 व https://innovate.mygov.in/national-youth-awards-2019 या संकेतस्थळावर उपलब्ध आहे.             युवक, युवती व नोंदणीकृत संस्था यांनी  राष्ट्रीय युवा पुरस्काराकरिता आपले प्रस्ताव वरील संकेतस्थळावर 26 जून 2020 पर्यंत सादर करावे. अधिक माहितीसाठी जिल्हा क्रीडा अधिकारी, साक्री नाका, खामगाव रोड, नंदुरबार येथे 10 जून 2020 पर्यंत संपर्क साधावा, असे जिल्हा क्रीडा अधिकारी सुनंदा पाटील यांनी कळविले...

नंदुरबार (जिमाका वृत्तसेवा) : एकात्मिक ग्रामीण विकास कार्यक्रम व इतर केंद्र पुरस्कृत योजनांच्या अंमलबजावणीबाबतचा आढावा घेण्यासाठी  जिल्हा दक्षता व संनियंत्रण समितीची बैठक खासदार डॉ. हिना गावीत यांच्या अध्यक्षतेखाली वीर बिरसामुंडा सभागृहात संपन्न झाली. यावेळी जिल्हा परिषद अध्यक्षा ॲड. सिमा वळवी, आमदार डॉ. विजयकुमार गावीत, शिरीषकुमार नाईक, राजेश पाडवी, जिल्हाधिकारी डॉ. राजेद्र भारुड, जिल्हा परिषदेचे मुख्य कार्यकारी अधिकारी विनय गौडा,सहायक जिल्हाधिकारी तृप्ती धोडमिसे, दिशा समितीचे अशासकीय सदस्य डॉ.कांतीलाल टाटीया, डॉ.रविंद्र बैसाणे, बबीता नाईक, प्रदीप वळवी उपस्थित होते. यावेळी खासदार डॉ. गावीत म्हणाल्या, जिल्ह्यातील दुर्गम भागातील गावामध्ये वीज, सिंचन, रस्ते,  प्रधानमंत्री आवास योजना अंतर्गत होणारी कामे त्वरीत पुर्ण करावीत. घरकुलात मूलभूत सुविधा देण्यात याव्यात व कामे दर्जेदार  होतील याकडे विशेष लक्ष द्यावे. नवापूर येथील राष्ट्रीय महामार्गाचे कामे त्वरीत पुर्ण करावे. वनपट्टाधारकांना सोलरपंप, विद्युत पुरवठा,सिचंनाची सोय त्वरीत उपलब्ध करुन देण्याच्या सूचना त्यानी दिल्या. ग्रामीण भागात तलाठी, ग्रामसेवक,गट विकास अधिकारी यांच्या मार्फत केंद्र पुरस्कृत योजनांची माहिती देण्यासाठी जिल्ह्यात विविध ठिकाणी शिबिरांचे आयोजन करण्यात येणार असल्याची माहिती डॉ.भारुड यांनी दिली.  बैठकीत ग्रामीण विद्युतीकरण, प्रधानमंत्री हरघर बिजली, सोलर ऊर्जा, हर घर नल हर घर जल, प्रधानमंत्री ग्रामसडक योजना, राष्ट्रीय ग्रामीण पेजयल, स्वच्छ भारत मिशन, प्रधानमंत्री कृषी सिंचन योजना, राष्ट्रीय महामार्ग, प्रधानमंत्री आवास योजना अशा विविध योजनांचा आढावा यावेळी घेण्यात आला. बैठकीस विविध विभागांचे विभाग प्रमुख उपस्थित...

नंदुरबार (जिमाका वृत्तसेवा) : ‘महात्मा गांधी राष्ट्रीय ग्रामीण रोजगार हमी योजना’ आणि वृक्ष संवर्धनाची सांगड घातल्यास ग्रामीण जनतेला आर्थिक लाभ होण्यासोबत पर्यावरणाचे रक्षण चांगल्यारितीने करता येईल. त्यादृष्टीने वन विभाग आणि सामाजिक वनीकरण विभागाने आर्थिक लाभ देणारी झाडे लावण्यासाठी ग्रामस्थांना प्रोत्साहीत करावे, असे आवाहन जिल्हाधिकारी डॉ. राजेंद्र भारुड  यांनी केले. टोकरतलाव येथील रोपवाटीकेत पर्यावरण दिनानिमित्त वृक्षारोपण करण्यात आले. वटपौर्णिमेचे औचित्य साधून वड आणि पिंपळाची झाडे यावेळी लावण्यात आली. यावेळी अधिकारी-कर्मचाऱ्यांशी संवाद साधताना ते बोलत होते. यावेळी सहायक जिल्हाधिकारी वसुमना पंत, तृप्ती धोडमिसे, उप वनसंरक्षक सुरेश केवटे, तहसीलदार भाऊसाहेब थोरात, सामाजिक वनीकरण विभागाचे विभागीय वनअधिकारी ए.के. धानापुणे,  वनक्षेत्रपाल एम.के.रघुवंशी, वनक्षेत्रपालक एस.सी.अवसरमल, सहायक वनसरंक्षक टि.डी.नवले, वन परिक्षेत्र अधिकारी रघुवंशी,  सरपंच महिपाल गावीत आदी उपस्थित होते. डॉ.भारुड म्हणाले, शेतकऱ्यांना सागाची झाडे लावल्याने होणाऱ्या दीर्घकालीन लाभाविषयी त्यांच्या भाषेत माहिती देण्यात यावी. त्यासोबत शेताच्या बांधावर आंबा, महूआ, बांबू अशी आर्थिक उत्पन्न देणारी झाडे लावण्यासाठी प्रोत्साहीत करावे. स्थानिकरित्या रोपवाटीका तयार करण्याची माहितीदेखील ग्रामीण भागातील जनतेला देण्यात यावी. तीन वर्षापर्यंत मनरेगाच्या माध्यमातून वृक्ष संवर्धनाची व्यवस्था होणार असल्याने शेतकऱ्यांना वृक्ष लागवडीतून चांगले उत्पन्न मिळू शकेल, असे त्यांनी सांगितले.रोपवाटीकांची संख्या वाढवावी आणि प्रत्येक रोपवाटीकेत, वड, पिंपळ, साग, आंबा आदी लाभदायक वृक्षांची रोपे निश्चित प्रमाणात असतील याकडे विशेष लक्ष द्यावे, अशा सूचनाही त्यांनी केल्या. उपस्थित अधिकारी-कर्मचाऱ्यांनी यावेळी वृक्षारोपणात सहभाग...