Author: Ramchandra Bari

https://youtu.be/_uW5hdTWUck...

नंदुरबार (जिमाका वृत्तसेवा) : महाराष्ट्र सहकारी संस्था अधिनियमानुसार अवसायक नियुक्तीसाठी अवसायकांचे पुरवणी पॅनेल तयार करण्यासाठी सहकार खात्यातील प्रशासन, लेखापरीक्षण विभागातील सेवानिवृत्त अधिकारी, कर्मचारी नागरी कर्मचारी सहकारी बँकाचे व्यवस्थापक यांच्याकडून अर्ज मागविण्यात येत आहेत. सदर अर्ज जिल्हा उपनिबंधक सहकारी संस्था, जिल्हाधिकारी कार्यालय टोकर तलावरोड, खोली क्र. 228 नंदुरबार येथे उपलब्ध असून 18 फेब्रूवारी 2021 पर्यंत अर्ज सादर करता येतील.  अर्जाची छाननी करुन 1 मार्च 2021 रोजी प्रारुप नामतालिका प्रसिद्ध करण्यात येईल.  प्रारुप नामतालिकेवर हरकती असल्यास  5 मार्च 2021 पर्यंत सादर करता येईल. प्राप्त हरकतींवर निर्णय घेवून अंतिम लवाद तालिका 8 मार्च 2021 रोजी प्रसिद्ध करण्यात येईल, असे जिल्हा उपनिबंधक अशोक चाळक यांनी कळविले...

नंदुरबार (जिमाका वृत्तसेवा) : ग्रामीण निर्वाचन क्षेत्रातून नव्याने निवडून आलेल्या सदस्यांपैकी जिल्हा नियोजन समितीमधील 20 सदस्यांच्या निवडणूकीसाठी मतदार याद्यांची प्रसिद्धी 3 फेब्रुवारी 2021 रोजी जिल्हा परिषदेच्या सूचना फलकावर करण्यात आली आहे. ग्रामीण निर्वाचन क्षेत्रात प्रत्यक्ष निवडणूकीत सहभागी होऊन निवडून आलेले जि.प. सदस्य हे मतदार आहेत. मतदार यादीबाबत संबंधितांच्या हरकती असल्यास लेखी स्वरुपात जिल्हाधिकारी नंदुरबार यांचेकडे प्रसिद्धी दिनांकापासून तीन दिवसात सादर कराव्यात. तीन दिवसानंतर प्राप्त झालेल्या हरकतीबाबत कुठल्याही प्रकारची नोंद घेण्यात येणार नाही, असे जिल्हाधिकारी डॉ.राजेंद्र भारुड यांनी कळविले...