Author: n7news

नंदुरबार (प्रतिनिधी) :- येथील कलाविष्कार प्रतिष्ठाण तर्फे कोविड-19(कोरोना) आजाराबाबत जनजागृती होण्यासाठी इ.१ ली ते १०वी पर्यंतच्या विद्यार्थ्यांसाठी निःशुल्क चिञकला स्पर्धा आयोजित करण्यात आली आहे. कोरोनो व्हायरसमुळे सर्व विद्यार्थ्यांना शाळेला सुट्या आहेत. या सुट्टीत विद्यार्थी दिवसभर घरात टि.व्ही., मोबाईल तसेच कॉम्प्युटर समोर बसलेले असतात. त्यामुळे डोळ्यांचे आजार होण्याची शक्यता वाढली आहे. त्याअनुषंगाने विद्यार्थ्यांच्या कलागुणांना वाव देण्यासाठी व सुट्टीचा सदुपयोग होण्यासाठी कलाविष्कार प्रतिष्ठाणतर्फे हा उपक्रम राबविण्यात येत आहे. या स्पर्धेत पालक बंधु भगिणींनी घरात बसुनच मुलांकडुन चिञ काढुन घ्यावयाचे आहे. तसेच मुख्याध्यापक, शिक्षक यांनी आपल्या शाळेतील विद्यार्थ्यांना सदर स्पर्धेत सहभागी होण्यासाठी फोनवरून संपर्क साधावा व त्यांना घराबाहेर न फिरण्याची सुचना द्यावी. या चिञकला स्पर्धेची वैशिष्ट्ये अशी, दिनांक 10 एप्रिल शुक्रवार 2020 पर्यंत चिञाचा फोटो पाठविणे. सहभागी सर्व विद्यार्थ्यांना रंगीत सहभाग प्रमाणपञ व विजेत्या विद्यार्थ्यांना बक्षिसे देण्यात येईल, स्पर्धा निःशुल्क आहे, आपल्या स्वतःच्या चिञकला वहिवर किंवा जो पांढरा कागद उपलब्ध असेल त्यावर चिञ काढणे.(चिञाच्या आकाराचे बंधन नाही.), चिञ कोणत्याही रंग माध्यमातून रंगवु शकतात, स्पर्धा हि दोन गटात असेल( इ.1ली ते 4 थी) व (इ.5 वी ते 10 वी), स्पर्धेचा निकाल व बक्षिस समारंभाबाबत मोबाईल वर कळविण्यात येईल, स्पर्धेत (मराठी, इंग्रजी, ऊर्दू, गुजराथी, हिंदी) माध्यमांमधिल शाळेतील विद्यार्थी सहभाग घेऊ शकतात, अपुर्ण चिञ स्पर्धेत स्विकारले जाणार नाही, चिञाखाली एका बाजुला दिसेल व समजेल अशा स्वरूपात (मराठीत) स्वतःचे पुर्ण नाव, शाळेचे पुर्ण नाव, इयत्ता, तुकडी, मोबाईल नंबर सुंदर अक्षरात लिहावा, चिञाचा विषय- कोरोना (कोविड-19) आजार जनजागृती, चिञाचा चांगला काढलेला एकच फोटो आयोजकांच्या खालील दिलेल्या व्हाट्स...

अमळनेर (प्रतिनिधी):-: येथील माजी आमदार शिरीषदादा चौधरी यांनी आपलें अमळनेर येथील निवासस्थान कोरोना आजाराच्या पार्श्वभूमीवर आयसोलेशन वार्ड म्हणून वापरण्याची मुभा देत सामाजिक बांधिलकी जोपासली आहे. अमळनेर तालुक्यात कोरोनाच्या रुग्णांची संख्या वाढन्याची शक्यता असून पुढे पुढे दवाखानेही कमी पडतील. ही कमतरता भासू नये म्हणून माजी आमदार शिरीषदादा चौधरी यांनी आपलें स्टेशन रोडवरील इंदुमाई निवास हे शासनाला आयसोलेशन वॉर्ड म्हणून वापरण्याची लेखी परवानगी दिली आहे. याबाबतचे पत्र त्यांनी अमळनेरच्या प्रांतअधिकारी श्रीमती सीमा अहिरे यांच्याकडे दिले आहे. अश्या प्रकारे शिरीषदादा चौधरी यांनी सामाजिक बांधिलकी जोपासत एकप्रकारे सामाजिक ऋण फेडण्याचा प्रयत्न केला असल्याची भावना व्यक्त होत...

नंदुरबार (प्रतिनिधी):- जिल्हयात कोरोना कोविड – 19 चा प्रादुर्भाव रोखण्यासाठी नागरी व ग्रामिण भागातील संस्था व इतर संस्थामध्ये निर्जतुकीकरण करण्याबाबत जिल्हा परिषदेचे मुख्य कार्यकारी अधिकारी श्री विनय गौडा यांनी मार्गदर्शक सुचना दिल्या आहेत. याअंतर्गत नागरी भागातील संस्था – ट्रव्हल्स बसेस, रेल्वे स्टेशन, बस स्टॅन्ड, खाजगी दवाखाने, सार्वजनिक उद्याने, सार्वजनिक बेचेस , तसेच ग्रामिण भागातील संस्था – ग्रामपंचायत कार्यालय, तलाठी कार्यालय, शासकीय दवाखाने, पोस्ट ऑफीस, सर्व शाळा, अंगणवाडी, सार्वजनिक वाचनालये आदी कार्यालय, सार्वजनिक स्थळे व शासकीय वाहने एकत्रितरित्या निर्जतुकीकरण केले जात आहेत. या निर्जंतुकिकरण कार्यासाठी काही मार्गदर्शक सूचना देण्यात आल्या आहेत. त्यात म्हटले आहे की, 1 % सोडीयम हायपो क्लोराईड सोल्युशनचा वापर करण्यात यावा. सदर सोल्युशन तयार करतांना 1 किलो ग्राम ब्लिचींग पावडर ( TCL ) ही 30 लिटर पाण्यात मिसळून द्रावण तयार करावे व त्याचा निर्जतुकीकरण करण्यासाठी वापर करावा. सद्यास्थितीत बाजारात 5 % सोडीयम हायपो क्लोराईड सोल्युशन उपलब्ध असल्याने व त्याचा वापर करावयाचा असल्यास 1 लिटर सोडीयम हायपो क्लोराईड सोल्युशन ( 5 % ) व 4 लिटर पाणी मिसळून त्याचे द्रावण निर्जतुकीकरण करण्याकरिता वापरावे. नॅपसॅक पंपमध्ये हे द्रावण भरुन कार्यालयातील व सार्वजनिक स्थळावरील छत, भित व तळ यावर फवारणी करण्यात यावी. फवारणी किमान 1.5 मीटर अंतरावरुन करण्यात यावी. फवारणी केल्यानंतर किमान 10 मिनीट सदर वस्तुचा वापर करण्यास टाळावा. याप्रमाणे कार्यालय व सार्वजनिक स्थळे दिवसातुन किमान 2 वेळेस (सकाळी 8.00 ते 9.00 वाजता व सायंकाळी 5.00 ते 6.00 वाजता) फवारणी करण्यात यावी. संपूर्ण गावातील घरांची व जनावरांच्या गोठयाची फवारणी करावयाची...

नंदुरबार (प्रतिनिधी) दि. 25 : ‘करोना’ विषाणूचा संसर्ग रोखण्यासाठी लागू करण्यात आलेल्या संचारबंदीतदेखील अत्यावश्यक सेवा सुरू राहणार असून त्यासाठी प्रशासनाने वेळा निश्चित केल्या आहेत. याबाबतचे आदेश जिल्हाधिकारी डॉ.राजेंद्र भारूड, पोलीस अधीक्षक महेंद्र पंडीत आणि मुख्य कार्यकारी अधिकारी विनय गौडा यांनी संयुक्तपणे निर्गमित केले आहेत.केमीस्ट, मेडीकल दुकान, किरणा व भाजीपाला, पिठाची गिरणी, पेट्रोल पंप, डिझेल पंप, एलपीजी गॅस एजन्सी, इंटरनेट सुविधा पुरविणारे, पुरवठा साखळी गोडाऊन, गोदाम, वेअर हाऊस यावर कोणतेही निर्बंध नाहीत. बेकरी, रेस्टॉरंट व हॉटेल्स सकाळी 8 ते दुपारी 2 वाजेपर्यंत, दूध विक्री केंद्र सकाळी 7 ते 9 आणि सायंकाळी 6 ते रात्री 8 या कालावधीत सुरू राहतील. अंडी, चिकन, मटन व मासे विक्रेते आठवड्यातून मंगळवार, बुधवार, शुक्रवार व रविवार असे चार दिवस प्रशासनाने ठरवून दिलेल्या वेळेनुसार विक्री करतील.पशु उपचाराची औषध व दुकाने सकाळी 9 ते दुपारी 2 आणि कृषी विषयक खते व खाद्यतेलाची दुकाने सकाळी 9 ते दुपारी 3 वाजेपर्यंत सुरू राहतील. स्वस्त धान्य दुकाने नियमित वेळेनुसार सुरू राहतील. जीवनावश्यक वस्तूंची वाहतूक करणाऱ्या वाहनांवर  कोणतेही निर्बंध नाहीत. अशा वाहनांवरील चालक व इतर कर्मचाऱ्यांनी वाहन सोडून इतरत्र फिरू नये व गर्दी करू नये.हातगाडीवरील फळ विक्रेते व भाजीपाला विक्रेते हे गरजेनुसार गावात फिरून फळ व भाजीपाला विक्री करू शकतील. तसेच एका वेळी एकाच व्यक्तीस माल देतील. अशावेळी नागरिकांची गर्दी होणार नाही याची दक्षता घेतली जावी. किराणा दुकानदारांनी शक्यतो व्हॉट्सॲपवर यादी घेऊन घरपोच सेवा देण्यास प्राधान्य द्यावे. ग्राहक गर्दी करून उभे राहणार नाहीत याची दक्षता घ्यावी. वर नमूद सर्व दुकानावरून साहित्य...

नंदुरबार (प्रतिनिधी):– भारतीय स्वातंत्र्यलढ्याच्या इतिहासात अजरामर ठरलेल्या शहीद भगतसिंग, राजगुरू आणि सुखदेव यांच्या ८९ व्या स्मृतिदिनानिमित्त येथील बालवीर चौकात मोजक्या नागरिकांच्या उपस्थितीत अभिवादन करण्यात आले. तसेच कोरोनाबाबत घरातच सुरक्षित राहून “मीच माझा रक्षक” याबाबत अंमलबजावणी करण्याचे आवाहन करण्यात आले. याचबरोबर रविवारी छत्तीसगड येथे झालेल्या दहशतवादी हल्ल्यात शहीद झालेल्या १७ भारतीय जवानांना भावपूर्ण श्रद्धांजली वाहण्यात आली. मंडळाचे ज्येष्ठ सल्लागार सेवानिवृत्त शिक्षक जी. एस. गवळी यांच्या हस्ते हुतात्मा भगतसिंह, राजगुरू, सुखदेव यांच्या प्रतिमेस पुष्पहार अर्पण करण्यात आले. या अभिवादन प्रसंगी शहीद शिरीषकुमार मित्र मंडळाचे संस्थापक अध्यक्ष महादू हिरणवाळे यांनी कोरोनाबाबत जनतेने काळजी घेऊन आवश्यक असल्यासच घराबाहेर पडावे. शक्यतोवर गर्दीपासून लांब राहून घरातच सुरक्षित राहून ” मीच माझा रक्षक ” याबाबत अंमलबजावणी करण्याचे आवाहन केले . याप्रसंगी मंडळाचे ज्येष्ठ सल्लागार सेवानिवृत्त शिक्षक जी. एस. गवळी, सदस्य संभाजी हिरणवाळे, अरविंद खेडकर, गोपाळ हिरणवाळे, आदी उपस्थित होते. यावेळी उपस्थितांनी मास्क लावून प्रबोधन...