Author: n7news

नंदुरबार (प्रतिनिधी):- नंदुरबार लोकसभा मतदार संघाच्या खासदार डॉ. हिनाताई गावित यांनी आपल्या खासदार स्थानिक विकास निधीतून एक कोटी रुपयांची रक्कम प्रधानमंत्री सहाय्यता निधी खात्यामध्ये वर्ग करण्याच्या सूचना जिल्हाधिकारी डॉ. राजेंद्र भारूड यांना दिलेल्या पत्रात केल्या आहेत. कोविड 19 अर्थातच कोरोना या विषाणूचा प्रादुर्भाव जगभर पसरल्यामुळे जागतिक महामारीची परिस्थिती निर्माण झाली आहे. भारतातही या रोगाने पाय पसरायला सुरुवात केली आहे. या पार्श्वभूमीवर भारताचे पंतप्रधान श्री नरेंद्र मोदी यांनी देशातील सर्व खासदारांना प्रधानमंत्री सहाय्यता निधीमध्ये प्रत्येकी एक कोटी रुपये मदत करण्याचे आवाहन केले होते. त्या अनुषंगाने नंदुरबार लोकसभा मतदार संघाच्या खासदार डॉ. हिनाताई गावित यांनी खासदार स्थानिक विकास निधीतून एक कोटी रुपये रक्कम प्रधानमंत्री सहाय्यता कोषामध्ये वर्ग करण्याबाबत जिल्हाधिकाऱ्यांना पत्र दिले आहे. त्याचबरोबर आपल्या मासिक वेतनातून एक लक्ष रुपये एवढी रक्कम प्रधानमंत्री सहाय्यता निधीमध्ये जमा करण्याची विनंतीही त्यांनी केली आहे. याबाबतचे पत्र त्यांनी नंदुरबारचे जिल्हाधिकारी डॉ. राजेंद्र भारूड यांचेकडे सुपूर्द केले. यावेळी त्यांच्यासोबत त्यांचे वडील माजी मंत्री आ. डॉ. विजयकुमार गावित हेही उपस्थित होते. देशावर ओढवलेल्या संकटाच्या काळात त्यांनी केलेली मदत नाककुच उपयुक्त ठरणार...

नंदुरबार (प्रतिनिधी):- कोरोना (कोविड 19) विषाणूचा प्रादुर्भाव रोखण्यासाठी सर्वत्र विविध उपाययोजना केल्या जात आहेत. जिल्हा परिषद मुख्य कार्यकारी अधिकारी श्री विनय गौडा यांच्या आदेशानुसार जिल्हाभर शासकीय व सार्वजनिक इमारतींचे निर्जंतुकीकरण करण्याबरोबरच नंदुरबार जिल्हा परिषद इमारतीचेही निर्जंतुकीकरण करण्यात आले आहे. जिल्हा परिषदेचे मुख्य कार्यकारी अधिकारी श्री विनय गौडा यांनी नुकतेच जिल्हाभरातील शाळा, ग्रामपंचायत यासह सर्व शासकीय निमशासकीय व सार्वजनिक इमारती औषधांची फवारणी करून निर्जंतुकीकरण करण्याचे आदेश दिले होते. या आदेशानुसार जिल्ह्यातील प्रत्येक गावात औषध फवारणीचे काम हाती घेण्यात आले. त्याबरोबरच नंदुरबार जिल्हा परिषदेच्या इमारतीतही सोडियम हायपोक्लोराईड या रासायनिक द्रव्याची फवारणी करण्यात आली. जिल्हा परिषद इमारतीच्या कानाकोपऱ्यात ही फवारणी करण्यात आली असून, जिल्हा परिषद पदाधिकारी निवास, जिल्हा परिषद कर्मचारी वसाहत या भागातही निर्जंतुकीकरण प्रक्रिया करण्यात आली आहे. कोविड 19 म्हणजेच कोरोनाचा प्रादुर्भाव रोखण्यासाठी जिल्हा परिषदेचे सर्व अधिकारी व कर्मचारी शासनाच्या आदेशाची अंमलबजावणी करण्याबरोबरच विविध उपाययोजना राबवून प्रयत्नांची पराकाष्ठा करत असून, जिल्हा परिषदेचे मुख्य कार्यकारी अधिकारी श्री. विनय गौडा यांच्या मार्गदर्शनाखाली अतिरिक्त मुख्य कार्यकारी अधिकारी श्री शेखर रौदळ, उपमुख्य कार्यकारी अधिकारी (सा.प्र.) श्री भुपेंद्र बेडसे, उपमुख्य कार्यकारी अधिकारी (पापु व स्व. तसेच महिला बालकल्याण) डॉ. वर्षा फडोळ बेडसे, उपमुख्य कार्यकारी अधिकारी ( रोहयो) व जिल्हा ग्रामिण विकास यंत्रणेचे प्रकल्प संचालक श्री अनिकेत पाटील, जिल्हा आरोग्य अधिकारी डॉ. श्री. नितीन बोडके, शिक्षणाधिकारी (माध्य.) श्री मच्छिंद्र कदम, शिक्षणाधिकारी (प्राथ.) श्री. भानुदास रोकडे, जिल्हा साथरोग नियंत्रण अधिकारी डॉ. एन. एल. बावा, बांधकाम विभागाचे कार्यकारी अभियंता श्री डी. एच. चौधरी, जिल्हा कृषी विकास अधिकारी प्रदिप लाटे,...

नंदुरबार (प्रतिनिधी):- कोरोना विषाणूचा प्रादुर्भाव रोखण्यासाठी देशात लॉकडाऊन असल्याने नागरिकांना सुविधा म्हणून घरपोच स्वस्त दरातील धान्य योजनेंतर्गत साहित्य वाटप केले जात असून, तालुक्यातील कोठली खुर्द येथे या योजनेंतर्गत साहित्य वाटपाला सुरुवात करण्यात आली. सोशल डिस्टनसिंगचे तंतोतंत पालन करून जिल्हा परिषदेचे मुख्य कार्यकारी अधिकारी श्री विनय गौडा व प्रांताधिकारी श्रीमती वसुमना पंत यांच्या हस्ते हा कार्यक्रम पार पडला. कोरोना विषाणूचा प्रादुर्भाव रोखण्यासाठी राज्यात कलम 144 अन्वये संचारबंदी लागू करण्यात आली असून, या काळात नागरिकांची गैरसोय होऊ नये यादृष्टीने शहरी भागासह ग्रामीण भागाच्या जनतेला घरपोच धान्य वितरण योजनेंतर्गत गहू, साखर, डाळ-तांदूळ या जिवनावश्यक साहित्यासह भाजीपाल्याचे वाटप करण्यात येत आहे. प्रशासनाच्या वतीने व लोकसहभागातून नंदुरबार तालुक्यातील कोठली खुर्द गावात अशाच एका कार्यक्रमाचे आयोजन करण्यात आले. सोशल डिस्टनसिंगचे तंतोतंत पालन करत गावातील सुमारे अकराशे लाभार्थ्यांना 3 रुपये किलो तांदूळ, 2 रुपये किलो गहू व 20 रुपये किलो साखर या दराने एका व्यक्तीस 15 किलो तांदूळ, 10 किलो गहू व 1 किलो साखर सोबतच गावातील समाजसेवी व्यक्तींकडून प्राप्त भाजीपाला टमाटे, कारले, मका अशा साहित्याचे 1100 लाभार्थ्यांना वाटप करण्यात आले. जिल्हा परिषदेचे मुख्य कार्यकारी अधिकारी श्री विनय गौडा, प्रांताधिकारी श्रीमती वसुमना पंत, तसेच सर्वश्री तहसीलदार भाऊसाहेब थोरात, गटविकास अधिकारी अशोक पटाईत, सहाय्यक गटविकास अधिकारी दिनेश वळवी, तालुका आरोग्य अधिकारी जे. आर. तडवी, पंचायत समिती सदस्य दिनेश वळवी, ग्रामपंचायत सदस्य विलास शेगजी वळवी, बालाजी संजय वळवी, ग्रामसेवक आर. डी. पवार, पोलीस पाटील प्रल्‍हाद जगन्नाथ पाटील आदी मान्यवरांच्या हस्ते लाभार्थ्यांना जीवनावश्यक वस्तूंचे वाटप करण्यात आले. याप्रसंगी नंदुरबार...

नंदुरबार (प्रतिनिधी):- कोरोना विषाणूंचा प्रादुर्भाव रोखण्यासाठी संपूर्ण देश लॉकडावून असल्याने ग्रामीण भागातील नागरिकांचे प्रचंड हाल होत आहेत. त्या अनुषंगाने शालेय पोषण आहार योजना सुरू असलेल्या विविध शाळांमध्ये पडून असलेला दाळ तांदूळ या धान्यादी मालाचा साठा शाळेतील विद्यार्थ्यांना वाटप करण्याच्या सूचना देण्यात आल्या आहेत. नंदुरबार जिल्हा परिषदेचे मुख्य कार्यकारी अधिकारी श्री विनय गौडा यांनी याबाबतचे आदेश नुकतेच पारित केले आहेत. संपूर्ण देशात कोरोना या विषाणूचा प्रादुर्भाव रोखण्याच्या उपाययोजनांच्या पार्श्वभूमीवर साथ रोग प्रतिबंधक कायद्यांतर्गत 15 एप्रिल पर्यंत लॉकडाऊन करण्यात आले आहे. या दरम्यान सर्वोच्च न्यायालयात सुमोटो रिट याचिकेद्वारे विविध शाळांमध्ये पडून असलेले धान्यादी साहित्य विद्यार्थ्यांना वाटप करण्याची मागणी करण्यात आली आहे. त्या अनुषंगाने शासनाने शालेय पोषण आहार योजनेचे तांदूळ व डाळी हे साहित्य वाटप करण्याच्या सूचना दिल्या आहेत. नंदुरबार जिल्ह्यातील शालेय पोषण आहार योजना सुरू असलेल्या सर्व शाळांमध्येही मार्च व एप्रिल महिन्याचे शालेय पोषण आहार योजनेचे दाळ व तांदूळ हे साहित्य पडून आहे. त्याबाबत जिल्हा परिषदेने काढलेल्या आदेशात म्हटले आहे की, शाळेत शिल्लक असलेल्या तांदूळ व विविध डाळींचे विद्यार्थ्यांना समप्रमाणात वाटप करण्याबाबत मुख्याध्यापक, शाळेतील शालेय पोषण आहार योजनेचे काम पाहणारे शिक्षक व शाळा व्यवस्थापन समितीने समन्वयाने कार्यवाही करावी, साहित्य वाटप करण्यापूर्वी या योजनेला आपल्या गावात व्यापक प्रमाणात प्रसिद्धी द्यावी, साहित्य वाटप करताना गर्दी करू नये, ग्रामस्थांना रांगेत उभे करून त्यांच्यामध्ये एक मीटर अंतर ठेवण्यात यावे, एखादा विद्यार्थी व त्यांचे पालक आजारी असतील तर त्यांना हे साहित्य घरपोच वाटप करण्याचे नियोजन करण्यात यावे, तसेच या पार्श्वभूमीवर जिल्हाधिकारी व शासनाने कलम 144 अन्वये...

नंदुरबार (प्रतिनिधी):- कोरोणा प्रादुर्भाव रोखण्यासाठी लागु करण्यात आलेल्या 21 दिवासांच्या लॉक डाऊन दरम्यान बेघर, हातवरचे मजुर कामगार आणि रस्तावरचे अनाथांचे नाथ होण्यासाठी अनेक सामाजीक संस्था सरसावल्या असुन त्या विविध प्रकारे मदतीच हात देत आहेत. अशातलीच एक संस्था ही अस्तित्व फाऊडेशन असुन ती नंदुरबार शहरातील भुकेल्या आणि तहानलेल्याच्या पोटाला आधार देण्याचे काम करत आहे. विविध समाजाच्या चार मित्रांनी येवुन तयार केलेली फाऊडेशन काही महिलांच्या माध्यमातुन रोज अडीचशे ते तीनशे लोकांचे अन्न शिजवुन त्याचे शहरातील विविध ठिकाणी वाटप करत आहे. शहरातील एकही गरजु भुका राहुनये असा या अस्तित्व फाऊडेशनच्या सदस्यांचा मानस असुन यासाठी ते शहरातील अनेक दाणशुरांची देखील मदत घेत आहेत. जो पर्यत करोणा महामाही संकटामुळे ही परिस्थीती राहील तो पर्यत अस्तित्व फाऊडेशन मार्फत दिला जाणारा मदतीचा हात कायम अविरत सुरु ठेवण्याचा मानस देखील या फाऊडेशनने व्यक्त केला आहे. या उपक्रमाचे सध्या सर्वच स्तरावरुन कौतुक होतांना देखील दिसुन येत...