Author: n7news

नंदुरबार :  महात्मा गांधी राष्ट्रीय ग्रामीण रोजगार हमी योजनेच्या माध्यमातून जिल्ह्यात परतलेल्या व जॉब कार्ड असलेल्या जिल्ह्यातील एक लाख मजूरांना रोजगार उपलब्ध करून द्यावा, असे निर्देश पालकमंत्री ॲड.के.सी.पाडवी यांनी जिल्हा प्रशासनाला दिले आहेत. पालकमंत्री पाडवी यांनी जिल्हाधिकारी आणि जिल्हा परिषदेच्या मुख्य कार्यकारी अधिकारी यांना पत्राद्वारे यासंबंधी सूचना दिल्या आहेत. राज्य व परराज्यात रोजगारासाठी गेलेले मजूर मोठ्या प्रमाणात जिल्ह्यात परतले आहेत. अशा मजूरांना रोजगार नसल्याने त्यांना उदरनिर्वाह भागविण्यासाठी रोजगार उपलब्ध करून देणे गरजेचे आहे. जॉब कार्ड उपलब्ध असलेल्या मजुरांना प्राधान्याने  कामे उपलब्ध करून देण्यात यावीत. यासाठी सर्व यंत्रणांना कामे सुरू करण्यासाठी निर्देशित करण्यात यावे. जॉब कार्ड नसलेल्या मजूरांची जॉब कार्डधारक म्हणून तातडीने नोंदणी करण्यात यावी. मजूरांना कामाची मागणी नोंदणी करण्याबाबतच्या प्रक्रीयेची माहिती ग्राम रोजगार सेवकामार्फत देण्यात यावी.  ‍जिल्ह्यातील सर्व यंत्रणा पूर्ण क्षमतेने रोजगार उपलब्ध करून देण्याचे काम करतील याची वेळोवेळी खात्री करण्यात यावी. येणारा पावसाळ्याचा कालावधी लक्षात घेता पुढील 15 दिवसात अधिकाधीक मजुरांना रोजगार उपलब्ध करून देण्यात यावा. याबाबत मोहिमस्तरावर नियोजन करून एक लाख मजुरांना रोजगार मिळेल यादृष्टीने नियोजन करावे, असे पत्रात नमूद करण्यात आले...

नंदुरबार : पावसाळ्यात तापाच्या रुग्णांची संख्या वाढण्याची शक्यता असून करोना संसर्गप्रतिबंधात्मक उपाययोजनेचा भाग म्हणून खाजगी वैद्यकीय व्यावसायिकांनी बाहेरील जिल्ह्यातून आलेल्या तापाच्या रुग्णांची माहिती तात्काळ तालुका वैद्यकीय अधिकारी यांचेकडे द्यावी, असे आवाहन जिल्हाधिकारी डॉ.राजेंद्र भारुड यांनी केले. जिल्हाधिकारी कार्यालयात आयएमएच्या प्रतिनिधींसोबत आयेाजित बैठकीत ते बोलत होते. बैठकीस सहायक जिल्हाधिकारी तृप्ती धोडमिसे, जिल्हा शल्य चिकीत्सक डॉ.रघुनाथ भोये, जिल्हा आरोग्य अधिकारी डॉ. बोडके, डॉ.राजेश वसावे,आयएमएचे जिल्हाध्यक्ष डॉ.राजेश वळवी, डॉ.राजकुमार पाटील, डॉ.राजेश कोळी, डॉ.अनिकेत नागोटे, डॉ.गिरीष तांबोळी, आदी उपस्थित होते.डॉ.भारुड म्हणाले, तापाच्या रुग्णात करोनाची लक्षणे असण्याची शक्यता लक्षात घेता दक्षता घेणेआवश्यक आहे. विशेषत: तापाचे रुग्ण रेडझोनमधील जिल्ह्यात प्रवास करून आलेले असल्यास अशा प्रत्येक रुग्णाचे स्वॅब घेणे गरजेचे आहे. त्यासाठी त्यांची माहिती शासकीय यंत्रणेला देण्यात यावी. दोन ते तीन दिवसात लक्षणे कायम असल्यास अशा रुग्णांचे स्वॅब घेऊन त्यांना क्वॉरंटाईन करण्यात यावे.तालुका वैद्यकीय अधिकाऱ्यांनी पावसाळ्यापूर्वी रक्तदान शिबिराचे आयोजन करावे. दुर्गम भागातील वैद्यकीय अधिकारी-कर्मचारी मुख्यालयी राहतील आणि आरोग्य केंद्रात पुरेसा औषधसाठा राहील, याची दक्षता घ्यावी. मुख्यालयी उपस्थित न राहणाऱ्यांविरोधात कारवाई करण्यात यावी. प्रत्येक शासकीय रुग्णालयात ऑक्सीमीटर ठेवण्यात यावे. तालुका स्तरावर क्वॉरंटाईन केंद्राची क्षमता दुप्पट करण्यासाठी आवश्यक जागेची पाहणी करून ठेवावी व तेथील सुविधेचा आढावा घ्यावा. क्वॉरंटाईन केंद्रातील व्यक्ती घरी परतल्यानंतर ती जागा सॅनिटाईज करून स्वच्छतेवर भर द्यावा, असे निर्देश त्यांनी दिले. बैठकीला तालुका वैद्यकीय अधिकारी, आयएमएचे सदस्य उपस्थित...

नंदुरबार (जिमाका वृत्तसेवा): महाराणा प्रताप जयंतीनिमित्त जिल्हाधिकारी कार्यालयात निवासी उपजिल्हाधिकारी धनंजय गोगटे यांनी महाराणा प्रताप यांच्या प्रतिमेस पुष्पहार अर्पण करुन अभिवादन केले. या प्रसंगी उपजिल्हाधिकारी कैलास कडलग, महेश सुधरकर, संदीप कदम, स्वीय सहायक सुभाष शिंदे यांच्यासह जिल्हाधिकारी कार्यालयातील अधिकारी, कर्मचारी उपस्थित...

अहमदनगर :- संपुर्ण राज्यात डिजिटल स्कुल संकल्पना राबविण्यासाठी प्रयत्न करून ही संकल्पना प्रत्यक्षात उतरविण्यासाठी अहोरात्र झटणारे जिल्ह्यातील तंत्रस्नेही शिक्षक श्री संदिप गुंड यांनी त्यांच्या वाढदिवसानिमित्त दिव्यांग मुलांच्या शाळेला इन्ट्रॅकटिव्ह ऍक्टिव्हिटी टेबल भेट देऊन विद्यार्थ्यांना शिक्षणाचे नवीन साधन उपलब्ध करून दिले आहे. गेल्या आठ- दहा वर्षांत संपूर्ण महाराष्ट्रात डिजिटल स्कुल ही संकल्पना राबविली जात आहे. शासकीय शाळांतील विद्यार्थ्यांना खाजगी शाळांच्या तुलनेत अत्याधुनिक साहित्याचा वापर करून अध्यापन झाले पाहिजे, या विचाराने जिल्हा परिषद शाळेतील शिक्षकांनीच पुढाकार घेऊन प्रयत्न सुरू केले. ठाणे जिल्ह्यातील पाष्टेपाडा या शाळेतील शिक्षक श्री संदीप गुंड व त्यांच्या सहकाऱ्यांनी ही संकल्पना वरिष्ठांना समजाऊन दिल्यानंतर व प्रशासनाने त्यास अनुमती दिल्यानंतर सम्पूर्ण राज्यात डिजिटल लर्निंग प्रक्रिया सुरु झाली. अनेक शिक्षकांनी चक्क पदरमोड करत आपल्या शाळा डिजिटलाईज केल्या. या सर्व माध्यमातून संदिप गुंड व त्यांची टिम राज्यभरातील शिक्षकांसाठी आदर्श ठरली. या शिक्षकाने राष्ट्रीय तंत्रज्ञान दिवस आणि स्वतःच्या जन्मदिवसाचे औचित्य साधून ग्रामीण अपंग केंद्र टाकळी ढोकेश्वर, ता .पारनेर जि. अहमदनगर या दिव्यांग मुलांच्या शाळेस ते चेअरमन असलेल्या दीप फाउंडेशनच्या वतीने इन्ट्रॅकटिव्ह ऍक्टिव्हिटी टेबल भेट दिला. नॉर्मल विद्यार्थ्यांप्रमाणे दिव्यांग विदयार्थ्यांची अध्ययन गती वाढविण्यासाठी ही प्रणाली उपयुक्त ठरू शकते. या विचारप्रवाहातून दिव्यांग विद्यार्थ्यांच्या अध्ययन मर्यादा लक्षात घेऊन दीप फाउंडेशने दिव्यांग विध्यार्थ्यांसाठी खास बनविलेला हा टेबल निश्चितच विध्यार्थ्यांच्या गुणवत्ता वाढीसाठी ऊपयुक्त ठरू शकेल, असा विश्वास गुंड यांनी व्यक्त केला. संदीप गुंड हे संस्थापक अध्यक्ष, दीप फाऊंडेशन, सल्लागार, ऑपरेशन डिजिटल बोर्ड भारत सरकार या पदांवर कार्यरत असून, राष्ट्रपती पुरस्कारप्राप्त शिक्षक आहेत. तर महाराष्ट्रातील डिजिटल स्कुल संकल्पनेचे...

नवी दिल्ली ;– ३ मे रोजी लॉकडाऊन संपत असतांना आता १७ मे पर्यंत लॉकडाऊन वाढविण्यात येणार असल्याचा निर्णय केंद्राने आज जाहीर केला आहे. पंतप्रधान नरेंद्र मोदी यांनी २२ मार्च रोजी २१ दिवसांचा लॉकडाऊन जाहीर केला होता. हा लॉकडाऊन १४ एप्रिल रोजी संपणार होता. मात्र याच दिवशी पुन्हा एकदा लॉकडाऊन वाढवून ३ मे पर्यंत करण्यात आला होता. यानंतर ३ मे रोजी लॉकडाऊन संपेल की नाही याबाबत संभ्रम असतांना आता १७ मे पर्यंत लॉकडाऊन वाढविण्यात आलेला आहे. अर्थात आता दोन आठवड्यांचा लॉकडाऊन वाढविण्यात आला...