Author: Ramchandra Bari

नंदुरबार : जिल्ह्यात कोविड-19 पॉझिटीव्ह रुग्ण आढळला आणि त्याच्या घराजवळील क्षेत्र प्रतिबंधीत क्षेत्र म्हणून जाहीर झाले. या क्षेत्रात काही रुग्ण आणि वृद्ध व्यक्तीदेखील होते. त्यांच्या समस्या, त्यांच्या गरजा याकडे लक्ष देण्याची गरज असताना पोस्ट खाते मदतीला धावून आले आणि अनेकांच्या चेहऱ्यावर हसू फुलले. कोविड-19 विषाणूचे संक्रमण रोखण्यासाठी केंद्र सरकार व राज्य सरकार आणि स्थानिक प्रशासन अहोरात्र काम करत आहे. संपूर्ण देशभर लॉकडाउन सुरुच आहे. कोरोना बाधितांची संख्या दिवसेदिवस वाढत असल्याने प्रतिबंधीत क्षेत्रेदेखील वाढते आहे. अशा परिस्थितीत अधिकारी, पोलीस कर्मचारी, आरोग्य कर्मचारी आपला जीव धोक्यात घालून या लढाईमध्ये आपले मोलाचे योगदान देत आहेत. या सर्व कोरोना योद्धासोबतीने पोस्टमन काम करीत आहे. सध्याच्या परिस्थितीत कौतुक करावे तेवढे कमी ..  केंद्र सरकारने पोस्ट खात्याची सेवा अत्यावश्यक सेवा म्हणून सुरु ठेवल्याने देशातील सर्व पोस्टमन या लॉकडाउन काळामध्ये आपली सेवा देत  आहे. नागरीकाचे स्पीड पोस्ट,रजिस्टर तसेच महत्वाचे टपाल, वृद्धांचे पेन्शन पेपर, पार्सल वितरण करणे, सरकारच्या विविध योजनांचे पैसे लाभार्थ्यांना घरपोच देणे, इत्यादी अंत्यत महत्वाचे कामे पोस्टमन करत आहेत. सर्वात महत्वाचे म्हणजे गरजेची औषधे घरपोच पोहोचविण्याचे कामदेखील पोस्टमनमार्फत होत असल्याने अनेक वयोवृद्धांचे आशिर्वाद त्यांना मिळत आहेत. देश आणि राज्याच्या विविध भागातून पार्सल नंदुरबार मध्ये वितरीत करण्यासाठी आली होती. त्यामध्ये अत्यंत महत्वाची औषधे होती. त्यामुळे ती त्वरीत पोहाचविणे निकडीचे होते. धुळे डाक विभागाचे वरिष्ठ अधीक्षक अनंत रसाळ यांनी विशेष व्यवस्था करुन त्वरीत सदरची पार्सल नंदुरबार येथे पोहोच केली. नंदुरबार मध्ये संचारबंदी असताना देखील पोस्टमास्तर भालचंद्र जोशी तसेच त्याचे सहकारी पोस्टमन सतीश शिंदे, सिध्देश्वर माळी यानी जीवाची...

शिरपूर (वृत्तसंस्था) :- महाराष्ट्र मध्यप्रदेश सीमेवर धुळे जिल्ह्यातील शिरपूर तालुक्यातील पळासनेर फाटा येथे हजारो युपी बिहारी मजुर दोन दिवसापासून अडकून पडले आहेत. आपल्याला आपल्या घरी जाण्याची परवानगी मिळावी, यासाठी या मजुरांनी आज मुंबई आग्रा महामार्गावर रास्ता रोको आंदोलन केले. यामुळे या मार्गावरील आधीच तुरळक स्वरूपात सुरू अस्लरली अत्यावश्यक सेवेची वाहतूक बराच वेळ खोळंबली. लॉक डाऊन थ्री नंतर महाराष्ट्रातील शेकडो परप्रांतीय मजूर आपापल्या गावी जाण्यासाठी धडपडत आहेत. वाहनांची सोया नसल्याने हे मजूर पायीच आपल्या गावासाठी रवाना झाले होते. यांच्यासोबत दोन – दोन, तीन – तीन वर्षाची बालके तसेच ऐंशी वर्षाचे वृद्ध सुद्धा आहेत. मात्र एमपी पोलिसांतर्फे यांना दोन दिवसांपासून पळासनेर फाटा येथे राज्य सीमेवर रोखण्यात आले असून, पोलिसांच्या म्हणण्यानुसार त्यांची स्क्रीनिंग करून पुढील प्रवासासाठी पाठवण्याची सोय करण्यात येणार आहे. मात्र दोन दिवसांनंतरही कुठलीही व्यवस्था न झाल्याने या मजुरांनी रस्ता रोको आंदोलन सुरू केले. आंदोलनादरम्यान या मजुरांनी एमपी सरकारद्वारे आपल्याला आपल्या स्वगृही परत जाण्याची परवानगी मिळनेसाठी विनंती केली. शासकीय काम हे अत्यंत संथ गतीने सुरू असल्याची खंतदेखील या मजुरांनी व्यक्त केली. स्थानिक आरएसएस, विश्व हिंदू परिषद आणि बजरंग दल कार्यकर्त्यांनी त्यांची जेवणाची व पाण्याची व्यवस्था केली. मात्र, वाढता मजुरांचा आकडा पाहता ती मदत तोकडी पडली. प्रशासनाच्या पुढील आदेशावर या मजुरांचे भविष्य अवलंबून असून, लवकरात लवकर यांना स्वगृही परत जाण्याची परवानगी मिळावी, म्हणून या मजुरांनी मध्यप्रदेश शासनाकडे मागणी केली आहे. राज्य सीमेवर मजुरांचे रास्ता रोको शिरपूर (वृत्तसंस्था) :- महाराष्ट्र मध्यप्रदेश सीमेवर धुळे जिल्ह्यातील शिरपूर तालुक्यातील पळासनेर फाटा येथे हजारो युपी बिहारी मजुर...

नंदुरबार : कोविड-19 प्रतिबंधासाठी नंदुरबार जिल्ह्यातून परराज्यात जाणारे व इतर जिल्ह्यातून किंवा राज्यातून जिल्ह्यात येणाऱ्या व्यक्तींबाबत जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ.राजेंद्र भारुड यांनी दिशानिर्देश जारी केले आहेत. मुळ गावी जावू इच्छिणाऱ्या व्यक्ती किंव व्यक्ती समूहाची माहिती त्या तालुक्यातील तहसीलदार एकत्रित करतील. या माहितीत आधार क्रमांक, दूरध्वनी क्रमांक व पत्ता, ज्या ठिकाणी जायचे आहे ते स्थळ आणि वाहनाच्या प्रकाराचा स्पष्ट उल्लेख असावा. गटाच्या बाबतीत गटप्रमुख एकत्रित अर्ज करू शकतील. वैद्यकीय अधिकाऱ्याचे शीतज्वर नसल्याचे प्रमाणपत्र व्यक्तीनिहाय आवश्यक असेल. ई-पाससाठी http://covid-19.mhpolice.in या संकेतस्थळावर अर्ज करावा लागेल. नोडल अधिकारी राज्यनिहाय आणि जिल्हानिहाय यादी तयार करून ज्या जिल्ह्यात किंवा राज्यात जायचे आहे तेथील नोडल अधिकाऱ्यांशी समन्वय साधून व्यक्तींना पाठविण्याची कार्यवाही करतील. तत्पूर्वी त्या राज्याने किंवा जिल्ह्याने स्विकृतीची व्यवस्था केली असल्याची खात्री करतील व तसे पत्र प्राप्त करून घेतील. स्वत:च्या वाहनाने जावू इच्छिणाऱ्या व्यक्तींनाबाबत नोडल अधिकारी समन्वय साधून जाण्याची परवानगी देतील. वाहनासाठी परवाना तयार करून त्यावर प्रवासी व्यक्तीचे नाव व मार्गाचा उल्लेख असेल. वाहतूकीपूर्वी वाहनाचे निर्जंतुकीकरण करण्यात येईल. प्रत्येक वाहनासोबत वाहन परवाना, प्रवाशांची यादी, प्रत्येक प्रवाशाचे वैद्यकीय प्रमाणपत्र, प्रत्येक प्रवाशाचे बंधपत्र, वाहन प्रमाणपत्र, वाहतूक आराखडा असणे आवश्यक आहे. या प्रवासादरम्यान वाहन कमीत कमी ठिकाणी थांबणे अपेक्षित राहील. राज्यांतर्गत बाहेरील जिल्ह्यात जाण्यासाठी प्रतिबंधीत क्षेत्रात ये-जा करण्याची परवानगी नसेल. रेड झोनमधून नंदुरबारला येणाऱ्या व्यक्तीला परवानगी देण्यासंदर्भात काळजीपूर्वक निर्णय घेण्यात येईल. व्यक्तीला जिल्ह्यातून बाहेर जाण्याची अनुमती देताना त्याच्याजवळ शीतज्वर नसल्याचे नोंदणीकृत वैद्यकीय व्यावसायिाकचे प्रमाणपत्र आवश्यक आहे. नोडल अधिकारी संबंधित जिल्ह्याच्या नोडल अधिकाऱ्याशी समन्वय साधून परवानगी...

नंदुरबार : कोविड-19 प्रतिबंधासाठी केंद्र सरकारने जाहीर केलेल्या लॉकडाऊनच्या तिसऱ्या टप्प्यात राज्य शासनाच्या सुचनांनुसार जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ.राजेंद्र भारुड यांनी जिल्ह्यात काही बाबीत शिथीलता देण्याचे निर्देश दिले आहेत. शासनाच्या मार्गदर्शक सुचनांनुसार जिल्हा ऑरेंज झोनमध्ये येत असल्याने ही शिथीलता देण्यात आली आहे. यात प्रामुख्याने खालील बाबींचा समावेश आहे- • चालक व दोन प्रवाशांसह टॅक्सी व कॅब सुरू राहील. आवश्यक परवानगी घेऊन जिल्ह्यातल्या जिल्ह्यात व्यक्ती आणि वाहनांना फिरण्यास परवानगी असेल.• अनुज्ञेय कामासाठी वाहन नेण्यास परवानगी असेल. चारचाकी वाहनासाठी वाहनचालकाच्या मागील बाजूस केवळ दोन व्यक्तींना अनुमती असेल. दुचाकी वाहनावर सहप्रवाश्यास बंदी असेल. त्यासाठी इन्सिडंट कमांडर पासेस देतील.• अत्यावश्यक सेवा देणारे व सतत मशीन सुरू ठेवणाऱ्या औद्योगिक आस्थापना सुरू राहतील. तसेच यापूर्वी परवानगी दिलेल्या आस्थापना योग्य खबरदारी घेवून सुरू राहतील.• ग्रामीण भागातील सर्व बांधकामे सुरू राहतील.• ग्रामीण भागातील सर्व औद्योगिक आस्थापना सुरू राहतील.• बाहेरून कामगार आणण्याची आवश्यकता नसलेली शहरी भागातील बांधकामे सुरू राहतील.• शहरी भागातील एकाकी दुकाने, संकुलाजवळील तसेच निवासी संकुलातील दुकाने सुरू ठेवण्यास परवानगी असेल. आवश्यक व अनावश्यक असा कोणताही भेद न करता एका रांगेत किंवा एका रोडवर (लेनमध्ये) केवळ पाच दुकाने पूर्वपरवानगीने सुरू राहीतल. पाचपेक्षा अधिक दुकाने असल्यास केवळ अत्यावश्यक सेवेची दुकाने सुरू राहतील.• ग्रामीण भागात मॉल वगळून सर्व दुकाने सुरू राहतील.• अत्यावश्यक वस्तू, औषधी, वैद्यकीय साधनांची दुकाने सुरू राहतील.• ई कॉमर्स सेवेला अनुमती राहील.• खाजगी आस्थापना 33 टक्के कर्मचाऱ्यांसह सुरू राहतील.• शासकीय कार्यालयेदेखील 33 टक्के कर्मचाऱ्यांसह सुरू राहतील.• आपत्ती व्यवस्थापनाशी संबंधीत सर्व कार्यालये पूर्ण क्षमतेने सुरू...

मुंबई (वृत्तसंस्था):- कोरोनाच्या पार्श्वभूमीवर देशात सध्या 17 मेपर्यंत लॉकडाऊन करण्यात आला आहे. हा लॉकडाऊन 17 मेपर्यंत लागू करण्यात आला असला तरी देशातील सर्व जिल्ह्यांची रेड, ऑरेंज आणि ग्रीन झोन अशा तीन झोनमध्ये विभागणी करण्यात आली आहे. 4 मेपासून सुरू होणाऱ्या लॉकडाउनच्या तिसऱ्या टप्प्यात ग्रीन आणि ऑरेंज झोनमधील केश कर्तनालये आणि सलून उघडण्यास परवानगी दिली आहे. आता आणखी एक मोठी घोषणा राज्य सरकारने केली आहे. रेड झोनमध्ये सुद्धा दारुविक्रीस परवानगी देण्यात आली आहे. मुंबई, पुण्यातील तसेच कंटेनमेंट झोन वगळता इतर क्षेत्रांत मद्यविक्रीस मुभा देण्यात आली आहे.मुख्यमंत्री उद्धव ठाकरे यांचे प्रधान सचिव भूषण गगरानी यांनी यासंदर्भात माहिती दिली. कंटेनमेंट झोनमध्ये (प्रतिबंधित क्षेत्र) राहणाऱ्या मद्यप्रेमींना मात्र तूर्तास आणखी काही काळ वाट पहावी लागेल.मात्र असे असले तरी रेड झोनमध्ये असलेले सलूनचे दुकानं उघडण्यास मनाई करण्यात आली आहे.तसेच तीनही क्षेत्रातील बाजारपेठा व मॉलमध्ये नसलेल्या, स्वतंत्र अशा दारूच्या दुकानांसाठी ही परवानगी देण्यात आली आहे. यात ग्राहकांना एकमेकांपासून 6 फुटांचे अंतर ठेवावे लागणार आहे, तसेच एका वेळी पाचपेक्षा अधिक ग्राहक दुकानात असणार नाहीत हेही सुनिश्चित करावे लागणार आहे. कोरोनाच्या संकटात संपुर्ण देशात लॉकडाऊन करण्यात आल्यानं सरकारचा मोठा महसूल बुडत असल्यानं मद्यविक्रीची दुकाने खुली करण्याचा निर्णय घेतला आहे. रेड झोनमध्येही काय सुरु राहणार? मद्यविक्री दुकानं क्लिनिक, ओपीडीफोर व्हिलर (1+2)टू व्हिलर (1 जण)शहरी उद्योगइतर दुकानं एका लेनमध्ये फक्त पाचअत्यावश्यक वस्तूंच्या ई-कॉमर्स सुविधाखासगी ऑफिस – 33 टक्के कर्मचाऱ्यांसहसरकारी ऑफिस – 33 टक्के कर्मचाऱ्यांसहकुरिअर, पोस्टल ऑफिसबँक आणि फायनान्सशेतीला परवानगी रेड झोन (14) :मुंबई, मुंबई उपनगर, ठाणे, पुणे, पालघर, नाशिक, नागपूर,...