Author: Ramchandra Bari

आज जिल्हा शासकीय रुग्णालयातून अखेरचा कोविड रुग्ण संसर्गमुक्त होऊन बाहेर पडत असताना रुग्णालयाच्या कर्मचाऱ्यांच्या चेहऱ्यावर सर्वात जास्त आनंद दिसत होता आणि ते स्वाभाविक देखील होते. करोनाविरुद्धच्या या युद्धातील पहिल्या टप्प्यात त्यांनी यश मिळवून 19 रुग्णांना त्यापासून दूर नेत त्यांच्या चेहऱ्यावर हसू फुलविले होते. साधारण एक महिन्यापूर्वी जिल्ह्यात पहिला कोविड रुग्ण आढळल्यानंतर जिल्ह्यात काळजीचे वातावरण निर्माण झाले होते. त्यानंतर पालकमंत्री ॲड.के.सी.पाडवी आणि जिल्हाधिकारी डॉ.राजेंद्र भारुड यांनी  जनतेशी सातत्याने संवाद साधत आपण यातून बाहेर येवू शकतो हा विश्वास निर्माण केला. प्रतिबंधात्मक उपाययोजनेचा भाग म्हणून जाहीर झालेल्या संचारबंदीतही जनतेला कमी त्रास कसा होईल याची दक्षता घेण्यात आली. आजच्या यशात अनेक करोना वीरांचे योगदान आहे. पोलीस विभागाने अहोरात्र परिश्रम करून जिल्ह्याच्या सीमा संसर्गाच्यादृष्टीने सुरक्षित कशा राहतील याकडे विशेष लक्ष दिले. संचारबंदी मोडणाऱ्यांविरुद्ध प्रसंगी कठोर कारवाई करताना जनप्रबोधन आणि जनसेवेवरही भर दिला. रुग्णालयातील अधिकारी-कर्मचाऱ्यांनी धोका पत्करून रुग्णांची सेवा केली, प्रसंगी त्यांना मानसिक बळही दिले. प्रशासनातील अधिकारी-कर्मचारी मजूरांची व्यवस्था असो वा नियमांची अमलबजावणी, सतत व्यस्त होते. नगरपालिका आणि ग्रामपंचायतीची भूमीकादेखील महत्वाची होती. अनेक ठिकाणी फवारणी, स्वच्छता, सीमाबंदी यावर भर देण्यात आला. कौतुकाची बाब म्हणजे ग्रामीण जनतेतदेखील जागृती पहायला मिळाली. ‘ॲन्टी कोविड फोर्स’च्या माध्यमातून मदतीसाठी अनेक तरुण पुढे आले. तर सेवाभावी संस्था आणि नागरिकांनी संकटाच्यावेळी मदतीचा हात पुढे केला. शासनस्तरावर धान्यवाटप, मजूरांच्या भोजनाची सुविधा, बाहेरील राज्यातील आपल्या नागरिकांना परत आणणे आदी विविध महत्वाचे निर्णय घेण्यात आले. स्वत: मुख्यमंत्री नागरिकांशी सातत्याने संवाद साधत त्यांचे मनोबल उंचावण्याचा प्रयत्न करीत आहेत. स्वच्छता कर्मचारी, आशा कार्यकर्ती, अंगवाडी सेविका, तलाठी, ग्रामसेवक,...

नंदुरबार (प्रतिनिधी):- कोरोना विरुद्धच्या लढ्यात मालेगाव येथे बंदोबस्तात तैनात असलेल्या नंदुरबारच्या एका पोलीस जवानाला याची लागण झाली. यातून पूर्णपणे बरा होऊन रुग्णालयातुन डिस्चार्ज मिळवलेल्या या जवानाचे पोलिसांनी चक्क बँडच्या तालावर स्वागत केले.मालेगाव येथे बंदोबस्तादरम्यान कोरोना बाधीत झालेल्या नंदुरबारच्या पोलीस कर्मचाऱ्याचा सलग दुसरा अहवाल नकारात्मक आल्याने आज जिल्हा सामान्य रुग्णालयातुन डिस्चार्ज देण्यात आला. या पोलीस कर्मचाऱ्याचे मनोबल वाढवण्यासाठी पोलीस अधिक्षकांसह पोलीस दलातील सारेच बडे अधिकारी त्याच्या स्वागतासाठी जिल्हा सामान्य रुग्णालयात दाखल होते. यावेळी त्यांना पुष्पहार घालत व त्यांच्यावर पुष्पवर्षाव करुन त्यांचे स्वागत करण्यात आले. विशेष म्हणजे त्यांच्या घरी पोलीस दलाने बँडच्या तालावर “हर करम अपना करेंगे,” हे देशभक्तीपर गित वाजवत त्यांचे स्वागत करण्यात आले. त्यांच्या परिसरातील नागरीकांनी देखील टाळ्या वाजवत त्याचे जोरदार स्वागत केले. नंदुरबार पोलिसांची एक तुकडी एप्रिल महिन्यात मालेगाव येथे बंदोबस्तासाठी तैनात करण्यात आली होती. त्यापैकी एकमेव जवानाला कोरोनाची लागण झाली होती. त्या जवानाला यशस्वी उपचारानंतर घरी सोडण्यात आले.पोलीस स्वतःचा जीव धोक्यात घालुन लोक रक्षणाचे काम करत असल्याने नागरीकांनी घरात राहुन, त्यांना सहकार्य करावे. अत्यंत महत्वाच्या कामाखेरीज घराबाहेर पडु नये, असे आवाहन जिल्हा पोलीस अधिक्षक महेंद्र पंडीत यांनी यावेळी केले. तर कोरोनामुक्त झालेल्या पोलीस कर्मचाऱ्याने उपचार करणाऱ्या सर्व डॉक्टर्स, नर्स आणि पोलीस दलाचे आभार...

नंदुरबार (प्रतिनिधी) – जिल्ह्यासाठी आजचा दिवस आणखीन दिलासादायक ठरला असून आज ६ जण कोरोनामुक्त झाल्याने त्यांना जिल्हा रुग्णालयातून घरी सोडण्यात आले आहे. आज या सर्वांचा दुसरा तपासणी अहवाल नकारात्मक आल्याने त्यांना रुग्णालयातुन डिस्जार्च मिळाला. यामुळे आता नंदुरबारच्या कोरोना उपचार केंद्रात ४ रुग्ण शिल्लक राहिले आहेत. हि संख्या शून्यावर आणण्यासाठी जिल्हा प्रशासनाचे प्रयत्न सुरू आहेत. आतापर्यंत जिल्हातील २१ जणांचा कोरोना तपासणी अहवाल सकारात्मक आला होता. यातील दोघांचा मृत्यु झाला असून या आधी ०९  जन कोरोना मुक्त झाले होते. आज आणखीन ०६ जन कोरोनामुक्त झाल्याने त्यांना घरी जाऊ देण्यात आले आहे. आता जिल्हा सामान्य रुग्णालयात उर्वरित ०४ जणांवरच उपचार सुरु आहे. आज घरी सोडण्यात आलेल्या रुग्णांमध्ये शहाद्यातील ५ तर अक्कलकुवा तालुक्यातील एकाचा समावेश आहे. आज घरी सोडण्यात आलेल्या ९ जणांवर  रुग्णालयातुन बाहेर जांतांना फुलांची उधळण करण्यात आली. आज कोरोनामुक्त होवुन परतलेल्या रुग्णांमध्ये एका अॅम्ब्युलंन्स चालकांचा देखील समावेश होता. माजी सैनिक असलेल्या रुग्णवाहीका चालकाचा निरोपाच्या वेळेचा उत्साह पाहण्याजोगा होता.  आज माजी सैनिक असल्यासारखे भासत असल्याचे सांगत सर्व कोरोना बाधीतांवर जिल्हा सामान्य रुग्णालयात सर्वोत्तम उपचार होत असल्याबद्दल त्यांनी सर्वांचे आभार देखील मानले. यावेळी जिल्हा परिषदेचे मुख्यकार्यकारी अधिकारी विनय गौडा देखील या चालकाच्या स्वागतासाठी आवर्जुन उपस्थित...