Author: Ramchandra Bari

नंदुरबार (जिमाका वृत्तसेवा) : नवापूर आणि धडगाव  तालुक्यातील गरजू आदिवासी नागरिकांना  आदिवासी विभागातर्फे मोफत धान्य वाटप करण्यात आले. एकात्मिक आदिवासी विकास प्रकल्प नंदुरबार आणि प्रादेशिक व्यवस्थापक आदिवासी विकास महामंडळ नंदुरबार यांच्या संयुक्त विद्यमाने नवापुर तालुक्यातील  नवागांव येथील 30, आमलाण 28 आणि  पाटी बेडकी येथील 16 कुटुंबांना  धान्य वाटप करण्यात आले. आमदार शिरीषकुमार नाईक आणि सहायक जिल्हाधिकारी वसुमना पंत यांच्या उपस्थितीत  हा कार्यक्रम झाला.  कार्यक्रमाला प्रकल्प कार्यालयातील सहा. प्रकल्प अधिकारी प्रदीप देसाई, कार्यालयीन अधिक्षक किरण मोरे, बी. एफ. वसावे, नियोजन अधिकारी  राहुल इदे आदी उपस्थित होते.    धडगाव येथे सहायक जिल्हाधिकारी अविश्यांत पांडा यांच्या मार्गदर्शनाखाली 377 कुटुंबांना धान्य वाटप करण्यात आले. लॉकडाऊनच्या काळात बेरोजगार झालेल्या भूमीहिन व मजूर आदिवासीना  धान्य वाटपाचा शुभारंभ पालकमंत्री  अॅड़. के.सी.पाड़वी यांच्या उपस्थितीत 1 मे 2020 रोजी करण्यात आला होता. त्याचाच एक भाग म्हणून पालकमंत्र्यांच्या निर्देशानुसार शिधापत्रिका नसलेल्या गरजू आदिवासी कुटुंबांना प्रति कुटुंब 10 किलो या प्रमाणे गव्हाचे वाटप करण्यात आले. आतापर्यंत नंदुरबार व तळोदा प्रकल्प कार्यालयामार्फत एकुण 1500 कुटुंबांना धान्य वाटप करण्यात आले असून येत्या काळात 2000 कुटुंबांना धान्य वाटप करण्यात येणार असल्याची माहिती यावेळी देण्यात आली.  शिधापत्रिका नसलेल्या आदिवासी गरजू कुटुंबांनी आपली नावे तहसील कार्यालयामार्फत प्रकल्प कार्यालयात सादर करावे, असे आवाहन आदिवासी विकास प्रकल्प कार्यालयामार्फत करण्यात आले...

नंदुरबार (जिमाका वृत्तसेवा) : ‘निसर्ग’ चक्रीवादळ हे महाराष्ट्राच्या किनारपट्टीवर धडकल्यानंतर  जिल्ह्यातदेखील येत्या 24 तासात पाऊस, अतिवृष्टी, तसेच जोराचे वादळवारे वाहण्याची शक्यता असल्याने प्रशासनाला आवश्यक उपाययोजना राबविण्याचे निर्देश  जिल्हाधिकारी डॉ.राजेंद्र भारुड यांनी दिले आहेत. शासकीय कार्यालयाकरीता निर्देश तालुक्यातील सर्व तहसिल कार्यालयात मध्यवर्ती नियंत्रण कक्ष स्थापन करण्यात यावेत. या कक्षात महसूल, नगरपालिका, नगरपंचायत, पोलीस, आरोग्य, विज वितरण, कृषी विभागातील कर्मचाऱ्याची नियुक्ती करण्यात यावी. नियंत्रण कक्षातून तालुक्यातील सर्व तलाठी, ग्रामसेवक,मंडल अधिकारी, कृषीसेवक यांच्याशी वेळोवेळी संपर्क करुन गावातील स्थितीचा आढावा घेण्यात यावा. याबाबत जिल्हा नियंत्रण कक्षाला (दूरध्वनी क्रमांक 02564-210006) अहवाल सादर करावा. जिल्ह्यातील सर्व आपात्कालीन यंत्रणा सुसज्ज ठेवण्यात यावीत. तालुक्यातील असुरक्षित घरांचा आढावा घेऊन तेथील नागरिकांना तात्काळ समाजमंदीर, शाळा किंवा गावातील सुरक्षीत ठिकाणी हलविण्यात यावे. नगरपालिका, नगरपंचायत तसेच गावामध्ये खबरदारी म्हणून घंटागाडी, दवंडीद्वारे, सोशल मिडीयाद्वारे नागरिकांना चक्रीवादळाच्या दृष्टीने सुरक्षेबाबत अवगत करावे. जिल्ह्यातील अत्यावश्यक सेवेतील सर्व अधिकारी, कर्मचारी यांना मुख्यालयाच्या ठिकाणी उपस्थित राहावे. सर्व विभागातील अधिकारी, कर्मचारी यांनी परवानगी शिवाय आपले मुख्यालय सोडू नये. आरोग्य विभागातील ग्रामिण रुग्णालय व प्राथमिक आरोग्य केंद्रामधील सर्व डॉक्टर्स, नर्सेस आजपासून पुढील 24 तास कार्यरत राहतील. सार्वजनिक बांधकाम विभाग यांनी वादळामुळे जिल्ह्यातील रस्ता खचणे, दरी कोसळणे व इतर अनुषंगीक घटनांची तात्काळ दखल घेऊन त्याबाबत त्वरीत उपाययोजना कराव्यात. महाराष्ट्र राज्य विद्युत वितरण कंपनीने वादळामुळे इलेक्ट्रीक पोल पडणे, व त्यावरील तारा तुटणे व इतर अनुषंगीक घटना लक्षात घेता तात्काळ उपाययोजना कराव्यात. चक्रीवादळादरम्यान मुख्य विद्युत जोडणी बंद करण्यात यावीत. संपर्क साधताना अडचण येऊ नये म्हणून सर्व अधिकारी,कर्मचारी यांनी आपले भ्रमणध्वनी चार्ज करुन...

नंदुरबार (जिमाका वृत्तसेवा) : आकांक्षित जिल्हा कार्यक्रमांतर्गंत जिल्ह्यातील आरोग्य व पोषण निर्देशांकात सुधारणा करण्यासाठी अक्कलकुवा व धडगांव तालुक्यात 0 ते 6 वर्ष वयोगटातील बालकांची आरोग्य तपासणी व लसीकरण, गरोदर व स्तनदा मातांची आरोग्य तपासणी आणि लसीकरण तसेच सॅम आणि मॅम बालकांचा (कमी वजनाची बालके) शोध घेण्यासाठी 14 जूनपर्यंत विशेष मोहिम हाती घेण्यात आली  आहे. जिल्हाधिकारी डॉ.राजेंद्र भारुड आणि मुख्य कार्यकारी अधिकारी विनय गौडा यांच्या मार्गदर्शनाखाली आयोजित या मोहिमेसाठी 97 वैद्यकीय अधिकारी, 65 अंगणवाडी पर्यवेक्षिका आणि स्वयंसेवी संस्थेचे 25 सदस्यांची नेमणूक तयार करण्यात आली आहे. उपकेंद्रनिहाय तयार करण्यात येणाऱ्या पथकांचे संनियंत्रण करण्यासाठी जिल्हास्तरीय अधिकाऱ्यांची नेमणूक करण्यात आली आहे. अंगणवाडी केंद्रनिहाय विशेष पथकामार्फत 0 ते 6 वर्ष वयोगटातील बालकांची आरोग्य तपासणी करुन बालकांचे वजन, उंची,लांबी घेऊन सॅम आणि मॅम बालकांचा शोध आणि गरोदर व स्तनदा मातांची आरोग्य तपासणी लसीकरण करण्यात येणार आहे. तसेच 0 ते 6 वर्ष वयोगटातील स्थलांतराहून परत आलेल्या लाभार्थींची स्वतंत्र यादी तयार करुन त्यांची आरोग्य तपासणी करून बाळ कुपोषणात जाऊ नये याकरिता मार्गदर्शनही करण्यात येणार आहे. कोरोनापासून बचावाकरिता पथकातील कर्मचाऱ्यांना वैयक्तिक सुरक्षिततेसाठी आवश्यक असलेले ट्रिपल लेयर मास्क, फेस शील्ड, ग्लोव्हज, सॅनिटायझर, कॅप इत्यादी साहित्य पुरविण्यात आलेले आहे. अंगणवाडीस्तरावर स्क्रिनिंग करतांना लाभार्थ्यांना टप्याटप्यात बोलविण्यात येणार असून सामाजिक अंतर पाळणे, मास्कचा वापर करणे, पाणी व साबणाने हात स्वच्छ धुणे इत्यादी बाबींची कटाक्षाने काळजी घेण्यात येणार आहे.  सॅम व मॅम बालकांना मोहिमेनंतर व्हिसीडीसी, एनआरसी, सीटीसीद्वारे उपचार करण्यात येणार आहे, अशी माहिती जिल्हा आरोग्य अधिकारी डॉ.नितीन बोडके यांनी दिली...

नंदुरबार : नवसंजीवनी योजनेअंतर्गत पावसाळ्यात संपर्क तुटणाऱ्या 64 गावातील पात्र लाभार्थ्यांना जून ते सप्टेंबर या कालावधीसाठी चार महिन्याचे धान्य वितरीत करण्यात येणार आहे. अंत्योदय कुटुंब योजना व प्राधान्य कुटुंबांना नवीसंजीवनी योजनेअंतर्गत पावसाळ्यापुर्वी चार महिने पुरेल इतका धान्य पुरवठा करण्यात येत आहे. यात अक्राणी तालुक्यातील 47 गावाचा तर अक्कलकुवा तालुक्यातील 17 गावाचा समावेश आहे. अंत्योदय कुटुंब योजना अंतर्गत अक्राणी तालुक्यातील 47 गावातील 4 हजार 382 कार्ड धारकांना 15 किलो गहू  व 20 किलो तांदुळ याप्रमाणे चार महिन्यासाठी 2629 क्विंटल गहू आणि 3505 क्विटल तांदूळ तर अक्ककुवा तालुक्यातील 17 गावातील 1 हजार 422 कार्ड धारकांना चार महिन्यासाठी 853 क्विंटल गहू आणि  1137 क्विटल तांदूळ वितरीत करण्यात येणार आहे. प्राधान्य कुटुंबातील पात्र लाभार्थ्यांसाठी अक्राणी तालुक्यातील 47 गावातील 2 हजार 886 कार्ड धारकांना 2 किलो गहू व 3 किलो तांदूळ याप्रमाणे 1146 क्विंटल गहू आणि  1719 क्विंटल तांदूळ, तर अक्कलकुवा तालुक्यातील 17 गावातील 1 हजार 463 कार्ड धारकांना 410 क्विंटल गहू  आणि 615 क्विंटल तांदूळ वाटप करण्यात येणार आहे. रास्तभाव दुकानदारांना चार महिन्याचे नियतन मंजूर करून धान्य वाटप करण्यात येणार आहे. याबाबत जिल्हाधिकारी डॉ.राजेंद्र भारुड यांनी आदेश दिले  असल्याची माहिती जिल्हा पुरवठा अधिकारी महेश शेलार यांनी दिली...