Author: Ramchandra Bari

नंदुरबार (जिमाका वृत्तसेवा) :  समस्याग्रस्त व पीडीत महिलांचे प्रश्न मांडण्यासाठी व्यासपीठ मिळावे तसेच त्यांच्या न्याय हक्कांचे संरक्षण होवून त्यांना न्याय मिळावा. यादृष्टीने महिलांच्या तक्रारी/अडचणी यांची सोडवणूक शासकीय यंत्रणेकडून करण्यासाठी व समाजातील पीडीत महिलांना मार्गदर्शनाची सुविधा उपलब्ध व्हावी याकरीता जिल्हास्तरीय महिला लोकशाही दिनाचे 15 जून 2020 रोजी सकाळी 11 वाजता जिल्हाधिकारी कार्यालयात आयोजन करण्यात आले आहे. सर्व संबंधितांनी याची नोंद घ्यावी, असे सदस्य सचिव, महिला लोकशाही दिन समिती तथा जिल्हा महिला व बाल विकास अधिकारी, नंदुरबार यांनी कळविले...

नंदुरबार (जिमाका वृत्तसेवा) :  महात्मा गांधी राष्ट्रीय ग्रामीण रोजगार हमी योजनाअंतर्गत सुरु  असलेल्या कामांच्या ठिकाणी कामाची माहिती देणारे फलक लावावेत. मजुरांना मजुरी निर्धारित वेळेत उपलब्ध करुन द्यावीत. अपुर्ण असलेली  कामे ही या आठवड्यापर्यंत पुर्ण करावीत. ही कामे नियमानुसार तसेच दर्जेदार, असावीत असे प्रतिपादन नाशिक विभागाचे उपायुक्त (रोहयो) डॉ.अर्जुन चिखले यांनी केले. जिल्हाधिकारी कार्यालयात मनरेगाच्या कामांच्या सद्यस्थितीची माहिती घेण्यासाठी आयोजित आढावा बैठकीत ते बोलत होते. बैठकीस उपजिल्हाधिकारी  सुधीर खांदे, उपमुख्य कार्यकारी अधिकारी अनिकेत पाटील, उपवनसंरक्षक सुरेश केवटे, सामाजिक वनीकरण  विभागाचे विभागीय वनअधिकारी ए.के. धानापुणे, जिल्हा अधिक्षक कृषी अधिकारी एन.पी.भागेश्वर आदी उपस्थित होते. यावेळी मनरेगा अंतर्गत सुरू असलेल्या सीसीटी, कम्पार्टमेंट बंडींग, फळबाग लागवड, शेततळे, दगडी बांध, इंदिरा आवास योजना, सिंचन विहीर अशा कामांचा आणि  विविध विभागाचा कामाचा तालुकानिहाय आढावा घेण्यात आला. अपूर्ण  कामे वरिष्ठाशी समन्वय साधून त्वरीत पुर्ण करावीत अशा सूचना डॉ.चिखले यांनी दिल्या. बैठकीस तालुक्यातील सहायक कार्यक्रम अधिकारी व कर्मचारी उपस्थित होते. उपआयुक्तानी केली रोहयो कामाची पाहणी उपआयुक्त डॉ.अर्जुन चिखले यांनी  ग्रामपंचायत घोटाणे येथे सुरू असलेल्या सिंचन विहीर, तसेच ग्रामपंचायत आसाने येथे सुरु असलेले सलग समतल चर खोदणे या कामाची पाहणी केली. यावेळी वनक्षेत्रपाल  एम के रघुवंशी ,वनपाल भाबड, सरपंच चंद्रकांत पाटील,पी.टी.ओ नितीन पाटील, संदीप वाडीले, ग्राम रोजगार सेवक सागर पाटील उपस्थित...

नंदुरबार (जिमाका वृत्तसेवा) : एकात्मिक ग्रामीण विकास कार्यक्रम व इतर केंद्र पुरस्कृत योजनांच्या अंमलबजावणीबाबतचा आढावा घेण्यासाठी खासदार डॉ.हिना गावीत यांच्या उपस्थितीत झालेल्या जिल्हा दक्षता व संनियंत्रण समितीच्या बैठकीत केंद्र पुरस्कृत योजनांसंदर्भात चर्चा करण्यात आली. जिल्हाधिकारी कार्यालयात आयोजित या बैठकीस जिल्हा परिषद अध्यक्षा ॲड. सिमा वळवी, आमदार डॉ. विजयकुमार गावीत, शिरीषकुमार नाईक, राजेश पाडवी, जिल्हाधिकारी डॉ. राजेंद्र भारुड, जिल्हा परिषदेचे मुख्य कार्यकारी अधिकारी विनय गौडा,सहायक जिल्हाधिकारी वसुमना पंत, अविश्यांत पांडा,  दिशा समितीचे अशासकीय सदस्य डॉ.कांतीलाल टाटीया, डॉ.रविंद्र बैसाणे, बबीता नाईक, प्रदीप वळवी आदी उपस्थित होते. जिल्ह्यातील सुशिक्षित बेरोजगार तरुण तरुणींना जिल्हा कौशल्य विभाग तसेच आदिवासी विकास विभागामार्फत विविध व्यवसायिक प्रशिक्षण दिले जाते. त्या सुशिक्षित बेरोजगार तरुण तरुणींना स्वत:चा व्यवसाय सुरु करण्यासाठी जिल्ह्यातील बँकानी मुद्रा बँक योजनेअंतर्गत त्वरीत कर्ज उपलब्ध करुन देण्याच्या सूचना खासदार डॉ. गावीत यांनी  दिल्या. त्या म्हणाल्या, जिल्ह्यातील धडगाव, मोलगी येथील दुर्गम भागात बँकाची संख्या पुरेशी नसल्यामुळे नागरिकांना जन धन योजना,उज्जवला योजना अशा अनेक केंद्र पुरस्कृत योजनांचा लाभ  घेता येत नाही. या भागात जास्तीत जास्त शाखा सुरु करण्यास पाठपुरावा करण्यात येईल. बँकेत गर्दी टाळण्यासाठी बँकांनी टोकन पध्दतीचा वापर करावा. लाभार्थ्यांना मिळणाऱ्या विविध योजनाचे पैसे खात्यावर जमा झाल्यावर बँकेने या रक्कमेतून कोणत्याही प्रकारची वळती करू नये. जिल्ह्यातील जास्तीत जास्त जनधन खाते उघडण्यात यावे, असे निर्देशही त्यांनी दिले. दुर्गम भागात  प्राथमिक आरोग्य सेवा नियमित राहील याची काळजी घ्यावी. या भागात काम करणाऱ्या कर्मचाऱ्यांनी मुख्यालयात राहावे, अशा सूचनाही त्यानी दिल्या. बैठकीत पुरवठा विभाग, राष्ट्रीय ग्रामीण आरोग्य अभियान, सर्व शिक्षा अभियान, प्रधानमंत्री...

नंदुरबार (जिमाका वृत्तसेवा) : केंद्र शासनाच्या युवा कल्याण व क्रीडा मंत्रालयाने सन 2019 मधील तेनझिंग नॉर्गे राष्ट्रीय साहसी पुरस्कार (TNNAA) प्रदान करण्यासाठी  खेळाडूंनी 20 जून पर्यंत प्रस्ताव सादर करावयाचे आहेत. पुरस्कारासाठी नामांकन सादर करणाऱ्या खेळांडूची कामगिरी सन 2017, 2018, 2019 या तीन वर्षातील असणे आवश्यक आहे. साहसी उपक्रम हे जमीन,पाणी, व हवेमधील असणे आवश्यक राहील. खेळाडूंची कामगिरी अतिउत्कृष्ट असावी. पुरस्काराबाबत अधिक माहिती व अर्ज करीता https:dbtyas-youth.gov.in  या संकेतस्थळावर 20 जून 2020 पर्यंत प्रस्ताव सादर करावे. अधिक माहितीसाठी जिल्हा क्रिडा अधिकारी, साक्री नाका, खामगाव रोड, नंदुरबार येथे 10 जून 2020 पर्यंत संपर्क साधावा. असे जिल्हा क्रीडा अधिकारी सुनंदा पाटील यांनी कळविले...