Author: Ramchandra Bari

नंदुरबार (जिमाका वृत्तसेवा): जिल्ह्यातील दुकानांवर होणारी गर्दी नियंत्रीत करण्यासाठी दुकाने आणि बाजार खुले ठेवण्यास दोन तास वाढवून देण्याचे जिल्हाधिकारी डॉ.राजेंद्र भारुड यांनी आदेशीत केले आहे. जिल्ह्यातील कन्टेन्टमेंट झोन सोडून इतर क्षेत्रातील दुकाने 9 जुलै 2020 पासून सकाळी 9 ते सायंकाळी 7 वाजेपर्यंत खुली ठेवता येतील. पूर्वीच्या आदेशात नमूद सर्व सुचनांचे पालन दुकान किंवा संबंधित आस्थापना मालकांनी करणे आवश्यक आहे. मिशन‍ बिगीन अगेनच्या पाचव्या टप्प्यांतर्गत हा आदेश निर्गमित करण्यात आला आहे. दुकानातील गर्दी कमी करण्यासाठी दुकान मालक या वाढलेल्या कालावधीचा उपयोग करू...

नंदुरबार (जिमाका वृत्तसेवा) : जिल्ह्यातील एकूण कोरोनाबाधितांपैकी 67 टक्के व्यक्ति नंदुरबार तालुक्यातील असल्याने प्रतिबंधक उपाययोजनेचा भाग म्हणून पुढील आदेश येईपर्यंत प्रत्येक रविवारी सकाळी 9 ते रात्री 12 वाजेपर्यंत कडक संचारबंदी लागू करण्याचे  निर्देश जिल्हाधिकारी डॉ.राजेंद्र भारुड यांनी दिले आहेत. सकाळी 9 वाजेपर्यंत दूध आणि वृत्तपत्र विक्रेत्यांना बाहेर पडण्यास अनुमती राहील. वैद्यकीय सेवा आणि औषध विक्रीच्या आस्थापना पूर्वीप्रमाणे सुरू राहतील. सर्व प्रकारची दुकाने, पेट्रोलपंप आदी आस्थापना व शासकीय कार्यालये या दिवशी बंद असल्याने रविवारी कोणीही बाहेर पडू नये. वैद्यकीय कारणास्तव बाहेर पडताना रुग्णालयातील सबंधीत कागदपत्र सोबत ठेवावे. संसर्ग रोखण्यासाठी विषाणूची संपर्क साखळी खंडीत करणे  आवश्यक आहे. त्यामुळे नागरिकांनी शारिरीक अंतराचे पालन करावे. कोरोनाचा संसर्ग नियंत्रणात येईपर्यंत किंवा पुढील आदेश येईपर्यंत प्रत्येक रविवारी सवयीचा भाग म्हणून या पद्धतीने संचारबंदीचे पालन करावे. या कालावधीत अनावश्यकपणे बाहेर फिरणाऱ्या विरोधात कडक कारवाई करण्यात येईल.  नागरिकांनी आवश्यक वस्तूंची खरेदी आदल्या दिवशी करावी व संचारबंदीचे  पालन करून प्रशासनास सहकार्य करावे, असे आवाहनही जिल्हाधिकाऱ्यांनी केले...

नंदुरबार (जिमाका वृत्तसेवा) : जिल्ह्यातील शहरी आणि ग्रामीण भागात नागरिकांना मास्क वापराबाबत आवाहन करण्यात यावे आणि सूचनांचे पालन न करणाऱ्या विरोधात दंडात्मक कार्यवाही करण्यात यावी, असे निर्देश जिल्हाधिकारी डॉ.राजेंद्र भारुड यांनी दिले. जिल्हाधिकारी कार्यालयात आयोजित बैठकीत ते बोलत होते. बैठकीस उपजिल्हाधिकारी बबन काकडे, उप मुख्य कार्यकारी अधिकारी शेखर रौंदळ आदी उपस्थित होते. डॉ.भारुड म्हणाले, शारिरीक अंतर आणि मास्कचा वापर करूनच कोरोनाचा संसर्ग नियंत्रीत करता येईल. कार्यालयात देखील प्रत्येक कर्मचाऱ्यास मास्कचा वापर बंधनकारक करण्यात यावा. वाहनाने जाताना देखील मास्क घालणे आवश्यक आहे. सॅनिटायझरचा वापर आणि हात धुण्याचे महत्व देखील नागरिकांपर्यंत पोहोचविण्यात यावे. त्यासाठी शहरी भागातील प्रतिबंधीत क्षेत्रात दिवसातून दोनदा ध्वनीक्षेपकाद्वारे माहिती देण्यात यावी. ग्रामीण भागात देखील दवंडीच्या माध्यमातून माहिती द्यावी. मास्कचा वापर न करणाऱ्यांवर कारवाई करण्यासाठी कोरोना सुरक्षा पथक स्थापन करावे. ग्रामीण भागात खाजगी दवाखाने आणि आरोग्य केंद्र सुरळीतपणे सुरू राहील याची दक्षता घेण्यात यावी. कोरोनाबाधीत रुग्णाची संपर्क साखळी शोधण्यावर विशेष लक्ष द्यावे. क्वारंटाईन केंद्राची व्यवस्था चांगली राहील याकडेही लक्ष देण्यात यावे, असे त्यांनी सांगितले. बाहेरील राज्यात कामासाठी जावून लॉकडाऊन दरम्यान परतलेले जिल्ह्यातील नागरिक आणि याच काळात जिल्ह्यात वास्तव्यास असलेले परराज्यातील मजूर किंवा लहान व्यावसायीक यांची माहिती विहीत नमुन्यात तातडीने भरून द्यावी, असेही जिल्हाधिकाऱ्यांनी सांगितले. बैठकीस नगर पालिकेचे मुख्याधिकारी आणि गटविकास अधिकारी उपस्थित...