Author: Ramchandra Bari

नंदुरबार (जिमाका वृत्तसेवा) : जिल्ह्यात कोरोना संदर्भातील जनजागृतीसाठी आणि घरोघरी सर्वेक्षणासाठी शासनातर्फे ‘माझे कुटुंब माझी जबाबदारी’ ही मोहिम राबविण्यात येत असून जिल्ह्यातील सर्व सरपंच आणि ग्रामस्थांनी या मोहिमेत सक्रीय सहभाग नोंदवावा व जिल्ह्याला कोरोनामुक्त करण्यासाठी सहकार्य करावे, असे आवाहन राज्याचे आदिवासी विकास मंत्री तथा जिल्ह्याचे पालकमंत्री ॲड.के.सी.पाडवी यांनी पत्राद्वारे केले. सरपंचांना लिहिलेल्या पत्रात ॲड.पाडवी म्हणतात, येत्या काळात कोरोना आजारासोबत राहावे लागणार आहे. या आजारापासून स्वत:चा बचाव करणे गरजचे झाले आहे. या आजारामुळे अनेक कुटुंबांना दु:खद प्रसंगांना सामोरे जावे लागले आहे. अर्थव्यवस्थेला हळूहळू रुळावर आणण्यासाठी दुकाने, बाजार, व्यवसाय परत सुरू करण्यावाचून पर्याय नसल्याने नागरिक म्हणून प्रत्येकाकडून जबाबदार वर्तनाची अपेक्षा आहे आणि लोकप्रतिनिधी या नात्याने सरपंचांची भूमीका महत्वाची आहे. ग्रामीण भागातील कोरोनाचे वाढते प्रमाण लक्षात घेता सर्वांना विशेष काळजी घ्यावी लागणार आहे व त्या अनुरूप नागरिकांचे वर्तन व्हावे यासाठी जनजागृती करावी लागणार आहे. यासाठी 15 सप्टेंबर ते 25 ऑक्टोबर 2020 या कालावधीत ‘माझे कुटुंब माझी जबाबदारी’ मोहिम राबविण्यात येणार आहे. कोरोना नियंत्रणात लोकसहभागासाठी ही मोहिम आहे. या विशेष सर्वेक्षण आणि जनजागृती मोहिमेत आरोग्य शिक्षण, महत्वाचे आरोग्य संदेश, तसेच मधुमेह, हृदयविकार, किडनी आजार यासारख्या आजार असणाऱ्या व्यक्तींचे सर्वेक्षण तसेच कोविड संशयीत रुग्ण शोधण्यासाठी प्रयत्न करण्यात येणार आहेत. लोकप्रतिनिधी या नात्याने सरपंचांनी गावातील सर्व  ग्रामस्थांना या मोहिमेत सहभागी होण्यासाठी प्रेरित करावे व कोरोनाला पराभूत करण्यासाठी महत्वाची भूमीका पार पाडावी. मोहिमेदरम्यान घर, कुटुंब, परिसर, गाव, शहर आणि राष्ट्राच्या हितासाठी फेस मास्कचा वापर करणे, शारीरिक अंतराचे पालन करणे, वारंवार हात धुणे, कमीत कमी प्रवास करणे...

नंदुरबार (जिमाका वृत्तसेवा) : जिल्ह्यातील  तलाठी भरती प्रक्रिया पुर्ण करण्यात आली असुन सद्यस्थितीत 26 उमेदवारांना नियुक्तीपत्र देण्यात आली आहे. जिल्हाधिकारी डॉ.राजेंद्र भारुड यांच्या मार्गदर्शनाखाली अत्यंत पारदर्शक पध्दतीने ही भरती प्रक्रिया राबविण्यात आली होती.  नंदुरबार तालुक्यातील पेसा क्षेत्रातील कोठली, पिंपळोद, पथराई, शिंदे यागावासाठी तर नॉन पेसाक्षेत्रातील रनाळे, वैदाणे गावासाठी सहा, नवापूर तालुक्यातील वडकळंबी,भादवड,धनराट गावासाठी तीन , तळोदा तालुक्यातील प्रतापपूर, चिनोदा, नळगव्हाण, शिर्वे, तसेच सरदार सरोवर प्रकल्प कार्यालयासाठी पाच, अक्कलकुवा तालुक्यातील मोरबा, उमरगव्हाण, सिदुरी गावासाठी तीन, अक्राणी तालुक्यातील धनाजेसाठी एक आणि शहादा तालुक्यातील वैजाली, डोंगरगाव, कुढावद, चिखली बु., कवळीथ  तर नॉन पेसाक्षेत्रातील कुकडेल, तोरखेडा, फेस या गावासाठी आठ तलाठी असे एकूण 26 उमेदवारांना नियुक्तीपत्र देण्यात  आले आहे. नंदुरबार तलाठी पदभरती प्रक्रिया अंतिम टप्प्यात असतांना कोरोनाच्या पार्श्वभूमीवर वित्त विभागाने सार्वजनिक आरोग्य विभाग व वैद्यकीय शिक्षक विभाग वगळता कोणत्याही विभागाने पदभरती करु नये असे आदेश शासनाने दिल्यामुळे ही भरती पुर्ण होवूनदेखील पात्र उमेदवारांना नियुक्तीपत्र देण्यात आलेले नव्हते. महसूल विभागामार्फत सदर तलाठी भरतीची कार्यवाही विनाविलंब पुर्ण करण्याबाबत जिल्हा प्रशासनास कळविले होते. त्यानुसार पदभरतीसाठी मान्यता देताच उमेदवारांना नियुक्तीपत्र देण्यात...