Author: Ramchandra Bari

नंदुरबार  – तापी-बुराई योजनेचे पाणी पहिल्या टप्प्यात शनिमांडळपर्यंत आणण्यात येईल आणि त्यासोबत इतरही ठिकाणी साठवण करण्याची व्यवस्था करण्यात येईल, असे  प्रतिपादन राज्याचे जलसंपदा व लाभक्षेत्र विकास मंत्री जयंत पाटील यांनी केले.             जिल्हाधिकारी कार्यालयात आयोजित जलसंपदा विभागाच्या आढावा बैठकीत ते बोलत होते. बैठकीस तापी खोरे विकास महामंडळाचे कार्यकारी संचालक बसवंत स्वामी, अपर जिल्हाधिकारी महेश पाटील, माजी आमदार चंद्रकांत रघुवंशी, उदेसिंग पाडवी, जि.प.चे उपाध्यक्ष राम रघुवंशी,  जलसंपदा विभागाचे अधीक्षक अभियंता महेंद्र आमले, कार्यकारी अभियंता तुषार चिनावलकर आदी उपस्थित होते.             श्री.पाटील म्हणाले, पाईपलाईनद्वारे पहिल्या टप्प्यातील नियोजित ठिकाणी पाणी साठवण करण्याची सुविधा करण्यास कालावधी लागणार असल्याने सदर सुविधा होईपर्यंत शनिमांडळपर्यंत पाणी...