Author: Ramchandra Bari

नंदुरबार (जिमाका वृत्तसेवा): साहित्यरत्न लोकशाहीर अण्णाभाऊ साठे महामंडळामार्फत राबविण्यात येणाऱ्या अनुदान योजना आणि बीजभांडवल योजनेचा लाभ घेण्याचे आवाहन  जिल्हा व्यवस्थापक ताराचंद कसबे यांनी केले आहे. नंदुरबार जिल्ह्याकरीता सन 2022-2023 आर्थिक वर्षासाठी 60 लाभार्थींचे उद्दीष्ट देण्यात आले असून  त्यापैकी 50 लाभार्थीचे अनुदान योजनेचे उद्दिष्ट व 10 लाभार्थींना बीजभांडवल योजनेअंतर्गत कर्जपुरवठा करण्यात येणार आहे. या महामंडळामार्फत मातंग समाजात अंतर्भाव असणाऱ्या मांग, मातंग, मिनी मादीग, मादींग, दानखणी मांग, मांग महाशी, मदारी, राधेमांग, मांग गारुडी, मांग गारोडी, मादगी, मादिगा या 12 पोटजातीतील व्यक्तींना अर्थसहाय्य करण्यात येते. योजनेचा लाभ घेण्यासाठी अर्जदार जिल्ह्याचा रहिवासी असावा. अर्जदाराचे वय 18 ते 50 वर्षापेक्षा जास्त नसावे. अर्जदार हा मातंग समाजातील 12 पोट जातीतील असावा. अर्जदाराने जो व्यवसाय निवडला असेल त्या व्यवसायाचे ज्ञान व अनुभव असावे. केंद्रिय महामंडळाच्या सर्व योजनांसाठी ग्रामीण, शहरी भागातील अर्जदाराचे वार्षीक उत्पन्न रु. 3 लाखापेक्षा कमी असावे.  राज्य शासनाच्या सर्व योजनांसाठी ग्रामीण, शहरी भागातील अर्जदाराचे वार्षिंक उत्पन्न 1 लाखापेक्षा कमी असावे. अर्जदाराने महामंडळाकडून यापुर्वी व इतर कोणत्याही शासकीय उपक्रमाकडून लाभ घेतलेला नसावा. कुटुंबातील पती वा पत्नी या दोघांपैकी एकालाच महामंडळाच्या योजनेचा लाभ घेता येईल. महामंडळाने वेळोवेळी घालून दिलेल्या अटी व शर्ती अर्जदारावर बंधनकारक राहतील. अर्जाचा नमुना कार्यालयात मोफत उपलब्ध आहे. अर्जासोबत  जातीचा दाखला, अर्जदाराच्या कुटुंबाचा उत्पन्नाचा दाखला, पासपोर्ट साईज दोन फोटो, अर्जदाराचा शैक्षणिक दाखला, रेशनकार्ड, आधारकार्ड, भ्रमणध्वनी क्रमांक, ज्या ठिकाणी व्यवसाय करावयाचा असेल त्या जागेचा पुरावा, जागेची भाडे पावती, करारपत्र किंवा मालकी हक्काचा पुरावा, वाहन व्यवसायकरीता ड्रायव्हींग लायसन्स व आरटीओकडील प्रवाशी वाहतुक परवाना, वाहन व्यवसायाबाबत...

नंदुरबार (जिमाका वृत्तसेवा) :नंदुरबार उप प्रादेशिक परिवहन कार्यालयात दुचाकी वाहनांसाठी वाहन 4.0 या संगणक प्रणालीवर स्वंयचलित नविन मालिका सुरु होणार असून ज्या वाहन धारकांना दुचाकी वाहनाकरीता आकर्षक अथवा पसंतीचा नोंदणी क्रमांक घ्यावयाचा आहे. अशा वाहनधारकांनी  27 जून 2022 पर्यंत अर्ज सादर करावे, असे आवाहन उप प्रादेशिक परिवहन अधिकारी किरण बिडकर यांनी केले आहे. विहीत नमून्यातील अर्ज 21 जून 2022 पासून उप प्रादेशिक परिवहन कार्यालय,नंदुरबार येथे उपलब्ध असतील. मुदतीनंतर आलेल्या अर्जाचा विचार करण्यात येणार नाही. प्रथम अर्ज प्रथम प्राधान्य या धर्तीवर अर्जदारास त्यांचा पसंतीचा आकर्षक क्रमांक देण्यात येईल. एका  क्रमांकासाठी जास्त अर्ज प्राप्त झाल्यास लिलावाद्वारे तो नोंदणी क्रमांक देण्यात येईल.यांची वाहनधारकांनी नोंद...

नंदुरबार (जिमाका वृत्तसेवा) : आगामी पावसाळ्याच्या पार्श्वभूमीवर तालुका व गाव पातळीवर आपत्ती व्यवस्थापन आराखडा तयार करुन नियंत्रण कक्ष कार्यान्वित करावा. नियंत्रण कक्षातील कर्मचाऱ्यांना कामकाजाची माहिती द्यावी. अशा सूचना जिल्हा आपत्ती नियंत्रण प्राधिकरणाने जिल्ह्यातील सर्व उपविभागीय अधिकारी व तहसीलदार यांना दिल्या आहेत. जिल्हा आपत्ती नियंत्रण प्राधिकरणाने कळविल्यानुसार, येत्या मान्सून काळात प्रतिबंधात्मक उपाययोजना म्हणून तालुका व गाव पातळीवर आपत्ती व्यवस्थापन आराखडा तयार करुन नियंत्रण कक्ष कार्यान्वित करावे, यासाठी इतर विभागातील कर्मचारी उपलब्ध करुन नियंत्रण कक्षातील कर्मचाऱ्यांना कक्षातील  कामकाजाची माहिती देऊन कक्षात हजेरीपट, संदेश नोंदवही, पर्जन्यमान नोंदवही अद्यावत ठेवण्यात यावी. यंत्रणेने मान्सूनपूर्व कालावधीत नदीकाठची अतिक्रमणे काढण्यात यावीत, ज्यामुळे पावसाळ्यात नदी प्रवाहास कोणताही अडथळा निर्माण होणार नाही. यासोबतच दरड कोसळणारी ठिकाणे व पूर प्रवण क्षेत्र निश्चित करण्यात येवून या गावांसाठी संपर्क अधिकाऱ्यांची नियुक्ती करावी. पूर परिस्थितीत नागरिकांना सुरक्षितस्थळी नेण्यासाठी बोटी, होड्या, लाईफ जॅकेट, रिंग, टॉर्च, जनरेटर, पिण्याचे पाणी, शौचालय व्यवस्था व निवाऱ्यासाठी पर्यायी व्यवस्था करावी. पर्जन्यमापक यंत्र सुस्थितीत असल्याची खात्री करुन आवश्यकता असल्यास यंत्रे तात्काळ दुरुस्ती करावी. धरण निहाय संपर्क अधिकाऱ्यांची नियुक्त करावी, दैनदिन पाणीसाठा, पाण्याचा विसर्ग, पर्जन्यमान इत्यादीचा दैनदिन अहवाल जिल्हा नियंत्रण कक्षास पाठवावा. तालुकास्तरावर घाट सेक्शनच्या ठिकाणी संपर्क अधिकाऱ्यांची नियुक्ती करावी. राष्ट्रीय महामार्ग, जिल्हा मार्ग तसेच अंतर्गत रस्त्यावर झाडे, दरड पडुन वाहतूक विस्कळीत होणार नाही यासाठी पुर्वतयारी म्हणून संबंधित विभागांकडून जेसीबी, मजूर, चैन सॉ कटर, टॉर्च, जनरेटरची पर्यायी व्यवस्था तयार करुन ठेवावी. पुरामुळे संपर्क तुटणाऱ्या गावांमध्ये रेशनचे धान्य उपलब्ध करुन द्यावे. नादुरूस्त रस्ते, पूल, विद्युत व दूरसंचार यंत्रणा, शाळा इमारती, धरणे,...

https://youtu.be/UI5sWq3pq9M...