Author: n7news

https://youtu.be/4wzxk5tOvQI...

नंदुरबार (प्रतिनिधी):- नंदुरबार शहरालगतच्या परिसरातील शेतात मादी बिबट्याने बस्तान मांडले असून, तिथेच चार पिलांना जन्म दिला असल्याचे आढळून आल्यानंतर खळबळ उडाली आहे.नंदुरबार शहरालगत होळ तर्फे हवेली शिवारात उमर्दे रस्त्यावर कृषी विद्यालयामागील शेतात बिबट्याच्या मादीने चार पिलांना जन्म दिला आहे. शेखर मराठे यांच्या मालकीच्या शेतात काम करणाऱ्या मजुराला झुडपांमध्ये ही पिले आढळली, तेव्हा ही बाब उघड झाली. त्यांनी लगेचच शेखर मराठे यांना ही माहिती दिली. शेखर मराठे यांनी वन विभागाशी संपर्क करीत आरएफओ मनोज रघुवंशी यांना पाचारण केले. रघुवंशी यांनी रात्री शेतात भेट देऊन पिलांची सुरक्षितता ठेवण्याविषयीच्या सूचना दिल्या. ज्या अर्थी बिबट्याच्या मादीने या शेतात पिलांना जन्म दिला त्याअर्थी बिबट्या नर आणि मादीचा नंदुरबार शहर परिसरालगतच वावर असल्याचे उघड झाले आहे. अलीकडेच नंदुरबारपासून दक्षिणेला हातोडा पुलाच्या परिसरात बिबट्याचे वारंवार दर्शन झाले आणि आता थेट शहरातील उड्डाणपुलाजवळ पिले देण्याचीी घटना घडली आहे. नंदुरबार पासून 20 – 25 किलोमीटर अंतरावर असलेल्या तळोदा शहरात तर वरच्यावर उघडपणे बिबट्याचा मुक्तसंचार दिसू लागला आहे. शहादा, तळोदा व नंदुरबार या तीन तालुक्यांना जोडणारा तापी परिसर बिबट्यांच्या मुक्त संचाराचा व रहिवासाचा भाग बनला असल्याचे यावरून स्पष्ट होत...

 नंदुरबार (प्रतिनिधी) शहरातील रघुवंशी समाजाचे ज्येष्ठ नागरिक गजेंद्रसिंह  गोविंदसिंग उर्फ गजू काका हजारी (वय८५)  यांचे बुधवार दिनांक १२ ऑगस्ट रोजी पहाटे ४:३० वाजता अल्पशा आजाराने  सुरत येथे उपचार सुरू असताना निधन झाले.  त्यांच्या पश्चात  पत्नी, एक मुलगा, सुन, ४ मुली, जावई, नातवंडे असा परिवार आहे. ते नंदुरबार नगरपालिकेच्या नगराध्यक्षा सौ. रत्नाभाभी रघुवंशी आणि यशवंत विद्यालयाचे प्रा. अरुण हजारी यांचे वडील तसेच जेष्ठ विधीज्ञ ॲड . राजेंद्र रघुवंशी, माजी आमदार व शिवसेना नेते चंद्रकांत रघुवंशी, नगरसेवक अमित रघुवंशी, लायन्स क्लबचे  माजी अध्यक्ष आनंद रघुवंशी यांचे ते सासरे होते. ॲड . रोहित अरूणसिंह हजारी यांचे ते आजोबा होते. कै. गजूकाका हजारी यांच्या पार्थिवावर सुरत येथेच अंत्यसंस्कार करण्यात येणार आहेत...

नंदुरबार(प्रतिनिधी)-लोकशाहीचा प्रसार माध्यम चौथा स्तंभ असल्याने पत्रकारांनी आपली शक्ती अडचणीतील लोकांसाठी वापरावी. पत्रकारांच्या समस्या सोडवण्यासाठी राज्य पत्रकार संघ सर्वतोपरी मदत करेल. कोरोनाच्या काळात माध्यम क्षेत्रावरही मोठे संकट ओढावल्याने आपल्यातील कोणी पत्रकार अडचणीत असेल तर त्याची अडचण सोडवण्यासाठी पुढाकार घ्यावा, असे आवाहन प्रदेशाध्यक्ष वसंत मुंडे यांनी केले. तर पत्रकार संघाच्या पाठपुराव्यानंतर कोरोना काळात आरोग्य व पोलिस कर्मचार्‍यांबरोबर पत्रकारांनाही विमा संरक्षण सरकारने दिले असल्याची माहिती मुंडे यांनी दिली.  नंदुरबार जिल्ह्यातील महाराष्ट्र राज्य मराठी पत्रकार संघाचे जिल्हा व तालुका पदाधिकार्‍यांशी प्रदेशाध्यक्ष वसंत मुंडे यांनी शुक्रवार दि. 10 जुलै रोजी वेब संवाद करत समस्या जाणून घेतल्या. राज्यात कोरोनाचे थैमान सुरू असल्याच्या पार्श्‍वभूमीवर पत्रकारांच्या सुरक्षेच्या दृष्टीने वसंत मुंडे हे प्रत्येक जिल्ह्यातील पत्रकारांशी संवाद साधत संकटाच्या काळात धैर्याने लढण्याचा आणि अडचणीतील लोकांना मदत करत आपल्या सहकार्‍यांना साथ देण्याचा विश्‍वास निर्माण करत आहेत. लोकशाहीत प्रसार माध्यम चौथा स्तंभ असल्याने पत्रकारांनी आपली क्षमता अडचणीत सापडलेल्या लोकांसाठी वापरावी. उद्योग धंदे बंद झाल्याने विभागीय आणि जिल्हास्तरावरील दैनिकांचे प्रकाशन बंद पडल्याने पत्रकारांसह हजारो लोकांवर बेरोजगारीचे व आर्थिक संकट ओढावले आहे. अशा काळात पत्रकार संघाच्या पदाधिकार्‍यांनी आपली क्षमता वापरुन अडचणीत असलेल्या आपल्या क्षेत्रातील सर्व घटकातील लोकांना मदत करण्याची भूमिका घ्यावी असे आवाहन केले. राज्यभरात पत्रकार संघाच्या पदाधिकार्‍यांनी अडचणीतील सहकार्‍यांना साथ देण्याची भूमिका घेतल्याचे अनेक ठिकाणचे दाखलेही त्यांनी दिले. तर कोरोनाच्या काळात राज्य सरकारने आरोग्य व पोलिस कर्मचार्‍यांना पन्नास लाखाचे विमा कवच जाहीर केल्यानंतर राज्य मराठी पत्रकार संघाने लोकात जावून काम करणार्‍या आणि शासन व प्रशासनाला वस्तुस्थितीची जाणीव करुन देणार्‍या पत्रकारांनाही विमा...