Author: n7news

नंदुरबार (प्रतिनिधी):- महाराष्ट्रात कोरोना व्हायरस चा प्रादुर्भाव होत असल्याने प्रतिबंधात्मक उपाय योजना म्हणून 31 मार्च पर्यंत नांदूरबारात पान दुकाने बंद ठेवण्याचे जिल्हाधिकाऱ्यांनी आदेश दिले आहेत. कोरोना या विषाणूची लागण झालेल्या इतर भागातून तसेच देशातून अनेक नागरिक प्रवास करुन येत आहेत. त्यासाठी योग्य ती खबरदारी घेणे आवश्यक आहे. कोरोना या विषाणूचा संसर्ग हा खोकला,थूंकी याद्वारे होण्याची शक्यता आहे. पान, गुटखा अथवा त्यासारखे पदार्थ खाऊन नागरिक स्वैरपणे सार्वजनिक ठिकाणी थूंकत असतात. त्यामुळे या विषाणूंचा त्याद्वारे संसर्ग होण्याची दाट शक्यता असल्याने अशा पदार्थांच्या विक्रीवर बंदी आणणे गरजेचे आहे. ही बाब लक्षात घेऊन नंदुरबार जिल्ह्यातील ​पान, गुटखा व यासारख्या पदार्थांची विक्री जेथून होते अशी दुकाने, पान टपरी, पान ठेले 31 मार्च पर्यंत पूर्णत: बंद ठेवण्यात यावेत, असे आदेश जिल्हाधिकारी तथा जिल्हा आपत्ती व्यवस्थापन प्राधिकरण अध्यक्ष डॉ.राजेंद्र भारुड यांनी दिले आहेत. ..तर 5000 दंड जिल्ह्यातील सर्व नगरपरिषदेच्या मुख्याधिकाऱ्यांनी संबधीत पानटपरी, पानठेला यांना शिक्का मारुन सिल करावे व त्याची चावी संबधीत मालकाकडे सुर्पूद करावी. जर पानटपरी, पानठेला याचे सिल तुटलेले आढळले किंवा पानटपरी उघडी असल्याचे निर्देशनास आल्यास संबंधीताकडून 5000 रुपये दंडात्मक कार्यवाही करण्यात येईल, तसेच आदेशाचे पालन न करणाऱ्यांविरोधात भारतीय दंड संहिता 1860(45) च्या कलम 188 नुसार कारवाई करण्यात येईल, असेही जिल्हाधिकारी डॉ. भारुड यांनी...

नंदुरबार (प्रतिनिधी) :- जगभरात थैमान घालणाऱ्या कोरोना विषाणूचा प्रादुर्भावाच्या पार्श्वभूमीवर येथील जिल्हा परिषदेमध्ये येणाऱ्या नागरिकांची व जिल्हा परिषद इमारतीमध्ये असलेल्या कार्यालयातील कर्मचाऱ्यांची गर्दी कमी करण्यासाठी प्रशासनाने पावले उचलली असून, जिल्हा परिषद इमारत लॉकडाऊन करण्यात आली आहे. जिल्हा परिषदेचे मुख्य कार्यकारी अधिकारी श्री. विनय गौडा यांनी याबाबत निर्णय घेऊन कार्यवाही सुरू केली आहे. जिल्हा परिषद म्हणजे मिनी मंत्रालय म्हणून जिल्ह्याच्या ठिकाणी अस्तित्वात असते. याठिकाणी जिल्हाभरातून नागरिक आपली विविध कामे घेऊन नियमित येत असतात. त्यामुळे जिल्हा परिषद इमारतीत मोठ्या प्रमाणावर वर्दळ असते. सध्या जगभरात थैमान घालणाऱ्या कोरोना या विषाणूचा संसर्ग रोखणे महत्त्वाचे मानले जात असून, त्या अनुषंगाने जिल्हा परिषद प्रशासनाने पावले उचलली आहेत. त्याअनुषंगाने नंदुरबार जिल्हा परिषदेचे मुख्य कार्यकारी अधिकारी श्री विनय गौडा यांनी जिल्हा परिषद इमारत लॉकडाऊन करण्याचा निर्णय घेतला असून, त्यानुसार कार्यवाही सुरू करण्यात आली आहे. जिल्ह्यातील नागरिकांनी जिल्हा परिषदेमध्ये अपरिहार्य कारणाशिवाय प्रवेश करु नये, अशा सूचना देण्यात आल्या आहेत. जिल्हा परिषदेच्या मुख्य प्रवेशद्वारावर अभ्यागतांना महत्त्वाच्या कारणाची नोंदणी केल्यानंतरच इमारतीमध्ये प्रवेश दिला जात आहे. इमारतीमध्ये पोहोचेपर्यंत दोन ठिकाणी प्रत्येकाची चौकशी केली जात असून, महत्त्वाच्या कामाव्यतिरिक्त कुणालाही प्रवेश दिला जात नाही. नागरिकांना जिल्हा परिषद प्रशासनाकडे अत्यंत महत्वाचे काम असल्यास वा काही निवेदन द्यायचे असल्यास ईमेल द्वारे [email protected] या ईमेल आयडीवर किंवा 02564- 210224, 210241 या दूरध्वनी क्रमांकावर संपर्क साधण्याचे आवाहन करण्यात आले आहे. अत्यंत महत्त्वाच्या कामासाठी प्रत्यक्ष म्हणणे मांडणे आवश्यक असेल तरच सकाळी 11 ते 1 वाजेदरम्यान कार्यालयात यावे, आशा सूचना देण्यात आल्या आहेत. त्याचप्रमाणे कार्यालयीन कर्मचाऱ्यांची संख्या 25 टक्क्यांवर...