नंदुरबार येथील प्रसिद्ध ‘जळगाववाला मावा कुल्फी’ दुकानाच्या पेस्ट कंट्रोल प्रमाणपत्रावर चक्क ‘४० तारीख’ टाकण्यात आल्याचा अजब प्रकार समोर आला आहे. अन्न व औषध प्रशासनाच्या (FDA) नियमांनुसार खाद्यपदार्थांच्या दुकानांना कीटक नियंत्रण म्हणजेच पेस्ट कंट्रोल करणे बंधनकारक असते. मात्र, हे प्रमाणपत्र देणाऱ्या संबंधित एजन्सीने किंवा कर्मचाऱ्याने निष्काळजीपणाचा कळस गाठत कॅलेंडरमध्ये अस्तित्वातच नसलेली ‘४० तारीख’ प्रमाणपत्रावर लिहून दिली आहे. या अजब कारभाराचा फोटो सध्या सोशल मीडियावर प्रचंड व्हायरल होत
“कॅलेंडरमध्ये महिना ३० किंवा ३१ दिवसांचा असतो, हे अगदी लहान मुलालाही माहिती असतं. फार-फार तर लीप वर्षामध्ये फेब्रुवारी महिना २९ दिवसांचा होतो. पण मित्रांनो, तुम्ही कधी ‘४० तारीख’ ऐकली आहे का? आश्चर्य वाटेल, पण नंदुरबारमध्ये चक्क ‘४० तारीख’ अस्तित्वात आल्याचे समोर आले आहे!
नंदुरबार शहरातील एका प्रसिद्ध ‘जळगाववाला मावा कुल्फी’ दुकानात हा अजब आणि चक्रावून टाकणारा प्रकार पाहायला मिळत आहे. ग्राहकांच्या आरोग्याची काळजी घेण्यासाठी आणि शासकीय नियमांचे पालन करण्यासाठी या कुल्फी दुकानदाराने आपल्या दुकानात पेस्ट कंट्रोल करून घेतले. पेस्ट कंट्रोल करणाऱ्या एजन्सीने त्यांना रीतसर प्रमाणपत्रही दिले. मात्र, हे प्रमाणपत्र देताना संबंधित कर्मचाऱ्याने त्यावर पुढील पेस्ट कंट्रोल करण्याची तारीख चक्क ‘४० तारीख’ लिहून दिली!”
“आता कॅलेंडरच्या नियमांनाच आव्हान देणारी ही ‘४० तारीख’ नेमकी आली कुठून? असा प्रश्न सर्वांना पडला आहे. दुकानदार आणि प्रशासकीय तपासणी करणाऱ्या यंत्रणेची दिशाभूल करणाऱ्या या प्रमाणपत्राचा फोटो आता सोशल मीडियावर तुफान व्हायरल झाला आहे. नेटकऱ्यांनी यावर मजेशीर मीम्स बनवायला सुरुवात केली असून, ‘या महिन्यात पगाराचे ४० दिवस मोजावे लागणार का?’ अशी विचारणा केली जात आहे.”
“महत्त्वाची प्रमाणपत्रे जारी करताना किंवा त्यावर सह्या-शिक्के मारताना संबंधित यंत्रणा किती गांभीर्याने काम करते, याचेच हे उत्तम उदाहरण आहे. या तांत्रिक चुकीमुळे किंवा कर्मचाऱ्याच्या अक्षम्य निष्काळजीपणामुळे हा अजब कारभार सध्या संपूर्ण नंदुरबार आणि जळगाव जिल्ह्यात चर्चेचा विषय ठरला आहे.
