Month: April 2020

नंदुरबार दि.21-‍  जिल्ह्यात कोरोनाच्या संसर्गाला वेळीच प्रतिबंध करण्यासाठी प्रशासन विशेष प्रयत्न करीत असून या संदर्भात प्रभावी ठरलेल्या सांगली जिल्ह्यातील ‘इस्लामपूर मॉडेल’वर पालकमंत्री ॲड.के.सी.पाडवी आणि जिल्हाधिकारी डॉ.राजेंद्र भारूड यांच्या उपस्थितीत व्हिडीओ कॉन्फरन्सिंगद्वारे चर्चा करण्यात आली.या चर्चेत मुख्य कार्यकारी अधिकारी विनय गौडा, सांगली जिल्हा परिषदेचे मुख्य कार्यकारी अधिकारी अभिजीत राऊत, जिल्हा शल्यचिकीत्सक डॉ. संजय साळुंखे, जिल्हा आरोग्य अधिकारी डॉ.भूपाल गिरीगोसावी, नंदुरबारचे जिल्हा शल्य चिकीत्सक डॉ. रघुनाथ भोये, जिल्हा आरोग्य अधिकारी डॉ.बी.एन.बोडके तसेच जिल्ह्यातील विविध यंत्रणांचे अधिकारी उपस्थित होते.श्री.राऊत यांनी इस्लामपूरने कोरोना विषाणूचा संसर्ग रोखण्यासाठी केलेल्या उपाययोजनांची माहिती दिली. केंद्र सरकारच्या केंटेनमेंट आरखड्यानुसार प्रतिसाद यंत्रणा कार्यरत करण्यात आली. कोरोना बाधितांच्या संपर्कातील व्यक्तींची छाननी, त्यांचे मोबाईल ट्रॅकींग, अतिजोखमीच्या व्यक्तींना क्वॉरंटाईन करणे, त्यांचे स्वॅब तपासणीसाठी पाठविणे, पॉझिटीव्ह व्यक्तींना आयसोलेशन कक्षात ठेवणे, कंटेनमेंट झोनमधील व्यक्तींची 14 दिवस तपासणी, परिसराचे निर्जंतुकीकरण, जीवनावश्यक वस्तू घरपोच देणे,बफर झोनमधील सर्वेक्षण आदी उपाययोजना केल्याची माहिती त्यांनी दिली. नागरिकांनी प्रशासनाला चांगले सहकार्य केल्याचे त्यांनीसांगितले.इस्लामपूरचा अनुभव नंदुरबार जिल्ह्यासाठी उपयुक्त ठरेल, असा विश्वास पालकमंत्री पाडवी आणि जिल्हाधिकाऱ्यांनी व्यक्त केला. यावेळी सांगलीच्या वैद्यकीय अधिकाऱ्यांनी प्रतिबंधात्मक कार्ययोजनच्या विविध पैलूंची माहिती दिली. चर्चेतील मुद्यांचा अभ्यास करून नंदुरबार शहरातील प्रतिबंधित क्षेत्रात यानुसार कार्यवाही करण्यात यावी. परिसरातील नागरिकांना प्रशासन करीत असलेल्या उपाययोजनांची माहिती द्यावी व नियमित वैद्यकीय तपासणी करावी, अशा सुचना पालकमंत्र्यांनी दिल्या.इस्लामपूर मॉडेलनुसार शहरातील प्रतिबंधीत क्षेत्रात नियमितपणे निर्जंतुकीकरण करण्यात येत असून परिसरात वैद्यकीय सर्वेक्षणावर भर देण्यात येत आहे. नागरिकांना बाहेर पडू न देता त्यांना विविध सेवा घरपोच देण्याची व्यवस्था करण्यात आल्याचे डॉ.भारुड यांनी सांगितले. चर्चेतील माहितीनुसार कारोना...

नंदुरबार (जिमाका) : शहरातील कोरोनाग्रस्त रुग्णाच्या कुटुंबातील इतर तीन व्यक्तींना संसर्ग झाला असून त्यांचे अहवाल पॉझिटीव्ह आले आहेत. तिघा व्यक्तींमध्ये आजाराची कोणतीही लक्षणे आढळून आलेली नसून (असिम्प्टमॅटीक) त्यांची प्रकृती स्थिर असल्याची माहिती जिल्हाधिकारी डॉ.राजेंद्र भारुड यांनी दिली आहे. तिघांपैकी एक 65 वर्षाची महिला, 15 वर्षाची मुलगी आणि 21 वर्षाचा तरुण आहे. या तिन्ही व्यक्तींना यापूर्वीच क्वॉनंटाईन करून आवश्यक उपचार सुरू करण्यात आले होते. आज आलेल्या अहवालापैकी 11 व्यक्तींचे अहवाल निगेटीव्ह आले आहेत. कोरोनाग्रस्त रुग्ण रहात असलेला भाग प्रतिबंधीत क्षेत्र म्हणून घोषित करण्यात आला आहे. या भागात साधारण साडेनऊशे कुटुंब असून 4632 नागरिक रहातात. या क्षेत्राला 18 उपक्षेत्रात विभागण्यात आले असून प्रत्येक विभागासाठी ए पथक कार्यरत करण्यात आले आहे. प्रत्येक उपक्षेत्रात नगर पालिका कर्मचारी किंवा शिक्षकांच्या नेतृत्वाखाली दोन स्वयंसेवकांची नेमणूक करण्यात आली आहे. हे पथक  सकाळी 8 ते 10 या वेळेत येथील रहिवाशांकडून आवश्यक वस्तूंची माहिती घेईल आणि सायंकाळी 5 ते 7 च्या दरम्यान या वस्तू घरपोच पोहोचविण्यात येतील. दूधाचे वितरण घरोघरी करण्याची व्यवस्था करण्यात आली आहे. बँकेतून पैसे काढण्यासाठी इंडिया पोस्ट पेमेंट बँकेचे सहकार्य घेण्यात येत आहे. प्रतिबंधीत क्षेत्रातील नागरिकांनी घाबरून जावू नये आणि कोणत्याही कामासाठी बाहेर पडू नये. त्यांना समस्या असल्यास मंडळ अधिकारी झेड.एम. पठाण यांना 9145202205  या क्रमांकावर संपर्क साधावा, असे आवाहन जिल्हाधिकाऱ्यांनी केले...

अक्कलकुवा (प्रतिनिधि) :- तालुक्यातील खापर ग्रामस्थांकडून मुख्यमंत्री सहायता निधि मध्ये ५५,५५५ रु मदत म्हणून देण्यात आले आहेत. जगभरासह देशात व राज्यात कोरोना विषाणूचा पादुर्भाव वाढला आहे. या विषाणुचा संसर्ग रोखण्यासाठी केंद्राबरोबरच राज्य शासनाद्वारे युद्धपातळीवर प्रयत्न केले जात आहेत. त्याअनुषंगाने अक्कलकुवा तालुक्यातील खापर येथील ग्रामस्थांना मुख्यमंत्री सहायता निधिसाठी सोशल मिडिया व्हाट्सएप्प व फेसबुकच्या माध्यमानतुन निधि संकलनासाठी माजी उपसरपंच ललित जाट व लक्ष्मण वाडिले यांनी आवाहन केले होते. यावेळी खापर गावातील सर्व पक्षीय, सर्व धर्मीय, जेष्ठ, युवक व महिलांनी सकारत्मक प्रतिसाद देत मोलाच्या हातभार लावला व आपल्या यथाशक्ति निधि संकलन करण्यात आली. ग्रामस्थान कडून एकूण ५७,९१५रु एवढी निधि जमा झाली होती. त्यातून ५५,५५५रु (पंचवान हजार पाचशे पंचवान रूपये) मुख्यमंत्री सहायता निधि मध्ये आरटीजीएस च्या माध्यमाने देण्यात आली. तसेच उर्वरित रक्कम २३६०रु खापर येथील विलगिकरण केंद्रातील लोकांच्या जेवणाच्या व्यवस्थेत मदत करण्यात आली आहे.ग्रामस्थांनी केलेल्या या निधी संकलनाबाबत निवासी नायब जिल्हाधिकारी धनंजय गोगटे यांच्या कड़े मुख्यमंत्री सहायता निधिची व दात्यांची संपूर्ण माहिती सोपवण्यात आली. यावेळी माजी उपसरपंच ललीत जाट, लक्ष्मण वाडिले, अक्षय सोनार आदि उपस्थित...

नंदुरबार – कोरोना चाचणीसाठी प्रयोगशाळेत पाठविण्यात आलेल्या 21 संशयित व्यक्तीचे अहवाल निगेटीव्ह आले आहेत. यापैकी 4 व्यक्ती कोरोनाग्रस्त रुग्णाच्या कुटुंबातील आहेत, या सर्व व्यक्तींवर जिल्हा शासकीय रुग्णालयात उपचार सुरू आहेत, अशी माहिती जिल्हाधिकारी डॉ.राजेंद्र भारुड यांनी दिल्याचे वृत्त संस्थांनी प्रसिद्धीस दिले आहे.नंदुरबार येथून एकूण 35 संशयित व्यतींच्या स्वॅबचे नमुने तपासणीसाठी प्रयोगशाळेकडे पाठविण्यात आले होते. त्यापैकी 21 निगेटीव्ह आले आहेत. निगेटीव्ह रुग्णापैकी जिल्ह्यातील वडफळी आणि अंबाबारी येथील 7 व्यक्ती असून, नंदुरबार शहरातील अलीसाहाब मोहल्ला भागातील इतर दोन व कोरोना बाधिताने तपासणी केलेल्या खाजगी रुग्णालयातील तीन व्यक्तींचा यात समावेश आहे. 14 संशयित व्यक्तींचे अहवाल प्रलंबित आहेत. संशयित रुग्णांना क्वॉरंटाईन करण्यात आले असून, त्यांची नियमित वैद्यकीय तपासणी होत आहे. कोरोनाग्रस्त रुग्णावर निर्धारीध पद्धतीनुसार उपचार सुरू असून त्याची प्रकृती स्थिर आहे. प्रशासनातर्फे शहरातील प्रभाग क्र.10 सील करण्यात आला असून, या भागात दिवसातून पाचवेळा फवारणी करण्यात आली आहे.कोरोनाचा संसर्ग पसरू नये यासाठी प्रशासनातर्फे आवश्यक खबरदारी घेण्यात येत असून, शहरातील सर्व व्यवहार तीन दिवसासाठी बंद ठेवण्यात आले आहेत. अत्यावश्यक सेवा नेहमीप्रमाणे सुरू आहेत. मात्र भाजीपाला, फळे विक्रीवर 20 तारखेपर्यंत बंदी राहणार आहे. 20 एप्रिलनंतर काही निर्बंध शिथिल होणार असले तरी कंटेंटमेंट झोनमधील कोणत्याही व्यक्तीला बाहेर जाण्याची अनुमती असणार नाही, असे जिल्हा प्रशासनातर्फे कळविण्यात आले असल्याचे वृत्त संस्थांनी म्हटले...

नंदुरबार -‍  शहरातील भाग क्र.10 येथील एका व्यक्तीला कोरोनाचा संसर्ग झाल्याचा अहवाल प्राप्त झाल्याने जिल्हाधिकारी डॉ.राजेंद्र भारुड यांनी भाग क्र. 10 मधील हाट दरवाजा, गुजर गल्ली, कुंभारवाडा, दवे इंजिनिअर परिसर येथून बालाजी वाडा परिसर, मण्यार मोहल्ला, खिलाफत चौक, सुतार मोहल्ला, घोडापीर मोहल्ला, इलाही चौक, बागुल राईस मिल परिसर, अलीसाहब मोहल्ला, कसाई मोहल्ला, करिम मंजील आणि दखणी गल्ली हे प्रतिबंधात्मक क्षेत्र म्हणून जाहीर केले आहे. या परिसराच्या उत्तरेकडील मेवालाल सेठ यांचे वखार पासून दक्षिणेस मुख्य रस्त्याचे जेपीएन हॉस्पीटल, जुने कोर्ट ते मंगळबाजार, मराठा व्यायामशाळा, सिद्धीविनायक चौक ते शिवाजी रोडपर्यंत भाग बफर झोन म्हणून जाहीर करण्यात आला आहे. त्यासोबत पुर्वेकडील बंधरहट्टी भिलाटी, गुरव गल्ली, योगेश्वरी माता मंदीर, स्वामी विवेकानंद हायस्कुल, धानोरा नाका, पाताळगंगा नदी पावेतो, रज्जाक पार्क, लहान माळीवाडा भिलाटी, दक्षिणेकडील रज्जाक पार्क, बिफ मार्केट, मेहतर वस्ती, गोंधळ गल्ली, भरवाड वस्ती, मरीमाता मंदीर, दालमिया, पटेल छात्रालय ते संत रोहिदास चौक ते हाट दरवाजा, तेथून पाण्याची टाकी, नुतन शाळा, मेवालाल सेठ यांची वखार आणि पश्चिमेकडील बंधरहट्टी भिलाटी, न.पा.शाळा, काळी मस्जीद, सार्वजनिक बांधकाम विभागाचे कार्यालय, मटन मार्केट, जळका बाजार, दोषाह तकीया, दादा गणपतीपर्यंतचे क्षेत्रदेखील बफर झोन म्हणून जाहीर केले आहे. प्रतिबंधात्मक क्षेत्रात कोणालाही ये-जा करता येणार नाही. सर्व प्रकारच्या वाहनांना या क्षेत्रात प्रतिबंध असेल. अत्यावश्यक सेवा सुरळीत राहण्यास मुभा राहील. अशी सेवा पुरविणाऱ्यांची तपासणी करणे बंधनकारक राहील. अत्यावश्यक सेवेसाठी संबंधितांना सुरक्षा पास उपलब्ध करून देण्यात येतील. प्रतिबंधीत क्षेत्रात येण्याजाण्याच्या ठिकाणी उष्म चाचणी करणे आवश्यक राहील. आरोग्य सेवकांनी ये-जा करणाऱ्या सर्वांची छाननी करावी.प्रतिबंधात्मक क्षेत्रातून...