Month: April 2020

नंदुरबार (प्रतिनिधी):- येथील निलेश मेडिकल या फर्मचे संचालक श्री अरविंद पाटील यांनी कोरोना या विषाणूंच्या साथीच्या पार्श्‍वभूमीवर मुख्यमंत्री सहायता निधीसाठी अकरा हजार रुपये रकमेचा धनादेश जिल्हाधिकारी डॉ राजेंद्र भारुड यांच्याकडे सुपूर्द केला आहे.कोरोना विषाणूंचा प्रादुर्भाव रोखण्यासाठी संपूर्ण जगभरात प्रयत्न केले जात आहेत. शासनाने या राष्ट्रीय आपत्तीमध्ये आर्थिक मदत करण्याचे जनतेला आवाहन केले होते. मुख्यमंत्री उद्धव ठाकरे यांनी केलेल्या आवाहनाला प्रतिसाद देत नंदुरबार येथील मेडिकल व्यवसायिक निलेश मेडिकल या फर्मचे संचालक श्री अरविंद पाटील यांनी मुख्यमंत्री मदत निधीसाठी अकरा हजार रुपये रक्कमेचा जनादेश नंदुरबारचे जिल्हाधिकारी डॉ राजेंद्र भारूड यांच्याकडे सुपूर्द केला आहे. यावेळी त्यांच्यासोबत दैनिक खान्देश गौरवचे संपादक श्री हिरालाल चौधरी उपस्थित होते. अरविंद पाटील यांनी मदतीसाठी घेतलेल्या पुढाकाराचे सर्व स्तरातून कौतुक केले जात आहे. सर्व देशवासियांनी आपापल्या परीने प्रधानमंत्री सहायता कोष किंवा मुख्यमंत्री मदत निधीमध्ये मदत करण्याचे आवाहन अरविंद पाटील यांनी केले...

नवापूर (प्रतिनिधी) :- देशात कोरोना विषाणुचा प्रादुर्भाव वाढत आहे. यातच सरकारने राज्य, जिल्हा बंदी केल्याने जे लोक ज्या ठिकाणी आहेत, त्याच ठिकाणी त्यांना ठेवण्याचे आदेश सरकारने दिले आहेत. अशातच गुजरात राज्यातून रेल्वे रुळांच्या मार्गाने येणाऱ्या 34 मजुरांना नवापूरचे पोलिस निरीक्षक विजयसिंग राजपूत यांनी ताब्यात घेऊन शहरातील सीमा तपासणी नाक्यावरील शेल्टर होम रवानगी करण्यात आली आहे.नवापूर परिसरातील स्थलांतरित मजुरांना राहण्यासाठी सीमा तपासणी नाक्यावरील इमारतीत राहण्याची उत्तम सोय करण्यात आली आहे. एका रूममध्ये चार मजूरांना संडास, बाथरूम, फॅन, लाईट पाण्याची सोय करण्यात आलेली आहे. संग्रहित फोटो दरम्यान, मध्यप्रदेश राज्यातील मजूर गुजरात राज्यात मजुरीसाठी गेले होते. परंतु संपूर्ण देश लाॅकडाऊन असल्याने त्यांचा रोजगाराचा प्रश्न गंभीर असल्याने त्यांनी गावी जाण्याचे ठरवले. गावी जाण्यासाठी वाहतुकीचे साधन नसल्याने ते लोहमार्गाने गावाकडे मार्गस्थ झाले. हे सर्व मजूर नवापूर शहर हद्दीत आल्याने पोलिसांनी त्यांना ताब्यात घेतले असून त्यांची शेल्टर होममध्ये रवानगी करण्यात आली आहे.लाॅकडाउन संपल्यानंतर या मजुरांना त्यांच्या घरी सोडण्यात येईल, अशी माहिती नवापूरचे पोलिस निरीक्षक विजयसिंग राजपूत यांनी दिली. यावेळी तालुका आरोग्य अधिकारी डॉ. हरिश्चंद्र कोकणी, गट विकास अधिकारी नंदकुमार वाळेकर यांनी त्यांच्या तपासणी करून घेतली. या मजुरांमध्ये कोरोनाची कोणतीही लक्षणे दिसून आली नसून, त्यांना सीमा तपासणी नाक्यावरील शेल्टर होम कक्षात ठेवण्यात आलेले असल्याचे सांगण्यात...

नंदुरबार(प्रतिनिधी)- संपूर्ण देश लॉकडाऊन असल्याने जिल्ह्याच्या दुर्गम, अतिदुर्गम भागातील हजारांवर स्थलांतरित मजूर गुजरातमध्येे अडकलेेेे असून, त्यांचे हाल होत आहेत. त्यांना प्रशासनाच्या माध्यमातून जीवनावश्यक वस्तूंचेेे वाटप करावे, अशी मागणी लोकसंघर्ष मोर्चाने केली आहे. वेळोवेळी गुजरात प्रशासनाला कळवून देखील सकारात्मक पाउले उचलण्यात येत नसल्याचेही या निवेदनात म्हटले आहे. याबाबत लोक संघर्ष मोर्चाच्या अध्यक्षा श्रीमती प्रतिभा शिंदे यांनी मुख्यमंत्री उद्धव ठाकरे यांना दिलेल्या निवेदनात म्हटले आहे की, धडगाव,अक्कलकुवा तालुक्यातील बाराशे ते तेराशे मजूर अहमदाबाद, बारडोली, सुरत, जुनागड जिल्ह्यात मोलमजुरी साठी गेलेले आहेत. स्थलांतरीतांमध्ये मिरची तोडणारे, खाजगी गुळाच्या गुऱ्हाळावर व साखर कारखान्यात काम करणारे मजूर आहेत. त्यांच्या मालकांचे म्हणणे आहे की, आम्ही आत्तापर्यंत मदत दिली परंतु, आत्ता आम्हाला सर्वांनाच काम नसल्याने खाऊ घालते अवघड आहे. त्यामुळे गुजरात सरकारला विशेषता त्या-त्या जिल्ह्यातील तहसीलदारांना आम्ही लोकसंघर्ष मोर्चाच्या वतीने वेळोवेळी विनंती करूनही, कुठलेही सकारात्मक पाऊल उचलले जात नाही. त्यामुळे मजुरांचे अतोनात हाल होत आहेत. महाराष्ट्र शासनाने गुजरात सरकारशी संपर्क करून जिल्ह्याच्या दुर्गम-अतिदुर्गम भागातील स्थलांतरित मजुरांना तात्काळ किराणा व स्वच्छतेसाठी साबण उपलब्ध करून द्यावे. अन्यथा या मजूरांना महाराष्ट्राच्या सीमेवर घेऊन येऊन तिथे कॅम्प करून ठेवण्यात यावे, अशी मागणी निवेदनात केली आहे. मध्यप्रदेशातील सातशे मजुरांना महाराष्ट्रात रोज ताजे व पौष्टिक जेवण, त्यांच्या लहान मुलांना दूध यासारख्या सोयी व स्वच्छ निवाऱ्याची सोय केली आहे. गुजरातमध्ये गेलेल्या नंदुरबार जिल्ह्यातील स्थलांतरित मजुरांच्या बाबतीतही गुजरात सरकारने अश्याच प्रकारे नियोजन करावे, अशी मागणीही या निवेदनात करण्यात आली...

नंदुरबार (प्रतिनिधी):-  कोरोनाच्या  पार्श्वभूमीवर जारी झालेल्या लॉकडाऊनमुळे नंदुरबार शहरासह जिल्ह्यातील सुमारे एक हजार छायाचित्रकार आर्थिक अडचणीत सापडले आहेत. हातावर पोट असल्याप्रमाणे छायाचित्रकारांना देखील चिंता सतावत आहे.मार्च ते जून महिन्या दरम्यान मोठ्या प्रमाणावर लग्न सोहळे आणि सार्वजनिक व घरगुती समारंभांचा हंगाम असतो. मात्र यंदा कोरोना मुळे या हंगामा वरील संकट अधिक गडद झाले आहे. छायाचित्रणा बरोबरच एडिटर, ग्राफिक डिझाईनर, फोटो एडिटर, एक्सपोजिंग त्यांच्यावर उपासमारीची वेळ आली आहे.  नंदुरबार शहर तथा जिल्ह्यात सुमारे एक हजारावर व्यावसायिक छायाचित्रकार आहेत. यात अनेक व्यवसायिकांनी लाखो रुपये गुंतवणूक करून कॅमेरे, संगणक, ड्रोन आणि स्टुडिओ उभारले आहेत. याशिवाय यातून अनेकांना रोजगार मिळत होता. शहरी भागासह ग्रामीण भागात देखील मोठ्या प्रमाणावर हौशी छायाचित्रकार आहेत. किंबहुना फोटोग्राफी हेच त्यांच्या कुटुंबाचे उदरनिर्वाहाचे साधन बनले आहे. नंदुरबारसह शहादा, तळोदा, धडगाव, अक्कलकुवा, मोलगी आणि नवापूर येथील सर्वच छायाचित्रकारांचे कामकाज सध्या बंद पडले आहे. दरवर्षी मार्च ते जून दरम्यान मोठ्या प्रमाणावर लग्नसमारंभाच्या ऑर्डर नोंदणी असल्याने सर्व छायाचित्रकारांनी नियोजन केले होते. परंतु कोरोना पार्श्वभूमीवर विवाह सोहळे रद्दचा फतवा शासनाने काढला. त्यापाठोपाठ देशभर जारी झालेल्या लॉकडाऊन नंतर संकटात आणखीनच भर पडली. त्यामुळे नंदुरबार जिल्ह्यातील छायाचित्रकारांची आर्थिक कोंडी झाली. यंदाचा हंगाम गेला तरी छायाचित्रणासाठी दिवाळीनंतर येणाऱ्या लग्नसराई हंगामापर्यंत अडचणींचा सामना करावा लागणार आहे.                                  सोशल मीडिया आणि मोबाईलच्या जमान्यात फोटोग्राफी हरवत चालली आहे. यामुळे महागडी गुंतवणूक करून देखील फोटो स्टुडिओ चालविणे कठीण झाले आहे. संचारबंदी असल्यामुळे दुकाने देखील बंद असून साखरपुडा,...

नंदुरबार (प्रतिनिधी):- पंतप्रधान नरेंद्र मोदी यांनी केलेल्या आव्हानाला नंदुरबार मधुन उत्सुर्त प्रतिसाद मिळाला आहे. लोकांनी नऊ वाजता आपल्या घराच्या लाईट बंद करत दिवे प्रज्वलीत केले. नंतर घराच्या छतावर जात मोबाईलचे टॉर्च देखील सुरु केल्याचे चित्र दिसुन आले. विशेष म्हणजे या साऱया मोहीमेत बंदोबस्तात असलेले पोलीस कर्मचारी देखील सहभागी झाल्याचे चित्र दिसुन आले. बंदोबस्तातुन वेळ काढत आपल्या मोबाईलचा टॉर्च सुरु करत महिला पोलीस कर्मचाऱयांसह पोलींसांनी देखील या मोहीमेला पाठबळ दिल्याचे चित्र दिसुन...