Month: January 2020

*नंदुरबार- (जगदीश ठाकुर)* नंदुरबार जिल्हा परिषद  व 6 पंचायत समितीसाठी काल दि. 7 जानेवारीला मतदान प्रक्रिया घेण्यात आली. सकाळी साडे सात वाजेपासून सुरू झालेल्या मतदानासाठी सकाळच्या सुमारास मतदान केंद्रांवर मतदारांची अल्प गर्दी दिसून आली. दुपारनंतर मतदानासाठी मतदान केंद्रांवर पोहोचल्याने दुपारी साडेतीन वाजेपर्यंत नंदुरबार जिल्हाभरात 53.29 टक्के इतके मतदान झाले होते. थंडीचा कडाका असल्यानं सकाळच्या सुमारास मतदारांनी घराबाहेर निघणे टाळले. त्यामुळे सकाळी साडेनऊ वाजेपर्यंत मतदान टक्केवारी कमी होती. 10 वाजेनंतर केंद्रांवर मतदार येऊ लागल्याने मतदान केंद्रांवर मतदारांच्या रांगा लागल्या आणि दुपारनंतर मतदानाची टक्केवारी वाढली. मतदानासाठी येणाऱ्या वृद्ध व दिव्यांग  मतदारांना विद्यार्थ्यांसह तरुणांनी मदत कार्य करीत केंद्रापर्यंत पोहोचवले. जिल्ह्यातील गावांमध्ये मतदानासाठी एकच लगबग दिसून आली. लोकप्रतिनिधींनीही देखील आपापल्या गावी जाऊन मतदानाचा हक्क बजाविला. जिल्हा परिषदेच्या पंचायत समितीच्या 112 गणांसाठी जिल्ह्यात 1 हजार 229 मतदान केंद्र असल्याने अनेक मतदारांनी मतदान केले. अनेकांनी सेल्फी फोटो काढून सोशल मीडियावर प्रसारित करीत मतदारांना आपणही मतदान करा, असे आवाहन केले. दिवसभर ग्रामीण भागातील प्रत्येक गावात मिनी मंत्रालयासाठी लोकशाहीचा महोत्सव भरल्याचे दिसून आले.  राजकीय नेते दिवसभर गट, गणांमध्ये ठाण मांडून होते. काही किरकोळ वाद वगळता मतदान प्रक्रिया शांततेत पार पडली. सकाळी साडेसात ते साडेनऊ वाजता दरम्यान 9. 28 टक्के इतके मतदान जिल्ह्याभरात झाले होते. त्यानंतर मतदानाच्या टक्केवारीत वाढ होऊन सकाळी साडे अकरा वाजेपर्यंत 28.87 टक्के मतदान जिल्ह्याभरात झाले. दुपारनंतर मतदारांच्या रांगा लागल्याने दुपारी दिड वाजे दरम्यान टक्केवारी एकूण 39.43 टक्क्यांवर पोहोचली. अनेक मतदार मतदानासाठी केंद्रांवर पोहोचल्याने दुपारी साडेतीन वाजेपर्यंत जिल्ह्याभरात सरासरी 53.29 टक्के इतके मतदान झाले. दुपारी...

*नंदुरबार- (जगदीश ठाकुर)* नंदुरबार जिल्हा परिषद व सहा  पंचायत समितीच्या निवडणुकीसाठी आज दिनांक 7 जानेवारी रोजी मतदान प्रक्रिया होत आहे. सकाळपासूनच थंडीचा जोर असल्यामुळे मतदान केंद्रांवर सकाळच्या सुमारास मतदारांची अल्प गर्दी दिसुन आली. सकाळी साडेसात वाजेपासून सुरू झालेल्या मतदान प्रक्रियेदरम्यान सकाळी साडेनऊ वाजेपर्यंत नंदुरबार जिल्ह्यात केवळ 9.28 टक्के मतदान झाले आहे. यात नंदुरबार जिल्ह्यात अक्राणी तालुक्यात सर्वात कमी मतदान सकाळी साडेनऊ वाजेपर्यंत झाल्याची नोंद आहे. याठिकाणी केवळ 7.7 टक्के इतके मतदान झाले आहे. दुसऱ्या स्थानावर शहादा तालुक्यात 8.4 टक्के मतदान, तिसऱ्या स्थानी नंदुरबार तालुक्यात 8.5 टक्के तर चौथ्या स्थानी तळोदा तालुक्यात 9.33 टक्के, अक्कलकुवा तालुक्यात 10.39 टक्के आणि सर्वाधिक मतदान नवापूर तालुक्यात 12.40 टक्के इतके सकाळी साडेनऊ वाजेपर्यंत झाले...