Category: व्यापार उद्योग

मासिक भाडेतत्वावर वाहन लावण्याबाबत दरपत्रक सादर करणे बाबत

नंदुरबार (जिमाका वृत्तसेवा) :  सरदार सरोवर प्रकल्पांतर्गत उपजिल्हाधिकारी, सरदार सरोवर सरदार सरोवर प्रकल्प, तळोदा या कार्यालयासाठी इनोव्हा या प्रकारातील प्रत्येकी 1 डिझेल वाहन वाहनचालकासह व विना इंधन मासिक भाडेतत्वावर लावण्यासाठी सीलबंद लिफाफ्यात दरपत्रक मागविण्यात आले होते. परंतू यासाठी एकही दरपत्रक प्राप्त न झाल्यामुळे द्वितीय अंतिम मुदतवाढ  देण्यात येत असून दरपत्रक धारकांनी  18 एप्रिल 2022 पर्यंत उपजिल्हाधिकारी, सरदार सरोवर प्रकल्प यांचे कार्यालय, मध्यवर्ती प्रशासकीय इमारत, दुसरा मजला, नंदुरबार येथे डिझेल वाहन लावण्यासाठी दरपत्रक सादर करावे.अटी व शर्ती जिल्ह्याच्या संकेतस्थळावर प्रसिद्ध करण्यात आली आहे. असे जिल्हा पुनर्वसन अधिकारी नितीन सदगीर यांनी  एका प्रसिध्दीपत्रकान्वये कळविले...

Read More

वाहन चालक कम ऑटोमोबाईल मॅकनिक प्रशिक्षणासाठी अर्ज करण्याचे आवाहन

नंदुरबार (जिमाका वृत्तसेवा) : आदिवासी विकास विभागामार्फत केंद्र सरकारकडील विशेष साहाय्य योजनेंतर्गत नंदुरबार,नवापूर व शहादा तालुक्यातील अनुसूचित जमातीच्या युवकांना वाहन चालक कम ऑटोमोबाईल मॅकनिकचे प्रशिक्षण  देण्यासाठी 23 एप्रिल 2022 पर्यंत  अर्ज मागविण्यात येत आहेत. वाहन चालक कम ऑटोमोबाईल मॅकेनिकचे प्रशिक्षणासाठी अर्जासोबत जातीचा दाखला, दारिद्रय रेषेखालील दाखला  किंवा वार्षिक उत्पन्न एक लाखाच्या आत असावे. लाभार्थी इयत्ता 10 वी उत्तीर्ण असणे अनिवार्य असेल.तसेच यापूर्वीइतर योजनेतून प्रशिक्षणाचा लाभ घेतलेला नसावा. अर्जासोबत दिव्यांग दाखला, आधार कार्ड, छायाचित्र, शैक्षणिक कागदपत्रे जोडणे आवश्यक राहील. योजनेचे अर्ज 8 एप्रिल 2022 पासून उपलब्ध असून अधिक माहितीसाठी (सुटीचे दिवस वगळून ) एकात्मिक आदिवासी विकास प्रकल्प कार्यालय,नवापूर रोड, नंदुरबार येथे सकाळी 10 ते सायंकाळी 6 या वेळेत संपर्क साधावा, असे आवाहन प्रकल्प अधिकारी तथा सहाय्यक जिल्हाधिकारी मीनल करनवाल यांनी प्रसिद्धीस दिलेल्या शासकीय पत्रकान्वये केले...

Read More

कुक्कुट व्यावसायिकांनी जैव सुरक्षा उपाययोजनांचे पालन करावे :  जिल्हाधिकारी मनीषा खत्री यांचे आवाहन

नंदुरबार (जिमाका वृत्तसेवा) : राज्यात काही ठिकाणी बर्ड फ्लू रोगाच्या प्रादुर्भाव तपासणीचे निष्कर्ष पॉझिटिव्ह आले आहेत. नंदुरबार जिल्ह्यात या विषाणूजन्य रोगाचा प्रादुर्भाव रोखण्यासाठी जिल्ह्यातील पशुपालक, कुक्कूटपालन व्यावसायिक, व्यापारी, दुकानदार व नागरिकांनी जैवसुरक्षा उपाययोजनेचा अवलंब करावा, असे आवाहन जिल्हाधिकारी मनीषा खत्री यांनी केले आहे. पोल्ट्री फार्ममध्ये कामकाज करणाऱ्या व्यक्तींनीच पोल्ट्रीफार्म मध्ये प्रवेश करावा. इतर कोणत्याही व्यक्तींना फार्ममध्ये जाण्यास प्रतिबंध करावा. बाहेरील कोणतेही पक्षी, प्राण्यांना पोल्ट्री फार्ममध्ये ठेवू नये. पोल्ट्रीफार्ममध्ये काम करणाऱ्या व्यक्तींचे बूट, कपड्यांसह हातपाय पोल्ट्रीफार्म मध्ये जाण्याअगोदर व बाहेर आल्यानंतर जंतूनाशकाचा वापर करुन स्वच्छ करावेत. अनुषंगीक साहित्य, वस्तू व पक्षी इतर फार्म मधून आणायचे किंवा पाठवायचे असल्यास जंतूनाशकाचा वापर करुन स्वच्छ करावेत. पोल्ट्रीफार्म मधील पक्ष्यांचे पिंजरे नेहमी स्वच्छ ठेवावेत. पक्ष्यांचे खाद्य व पाणी दररोज बदलावे. सद्य:स्थितीत असलेल्या पक्ष्यांमध्ये नवीन पक्ष्यांचा समावेश लगेच करु नये, नवीन आणलेल्या पक्ष्यांना कमीत कमी 30 दिवस वेगळे ठेवावे. बर्ड फ्लू रोग सदृश्य लक्षणांचे पोल्ट्रीधारकांनी निरीक्षण करावे, ज्यामध्ये पक्ष्यांच्या डोळ्यांच्या आजूबाजूस, मान, डोके सुजलेले, नाकातून स्त्राव, तुरा, कोंब व पायाच्या रंगात बदल होणे, अंडी उत्पादनात घट, अचानक कमकुवतपणा येणे, पंख खाली पडणे, हालचाल कमी होणे इत्यादी लक्षणे आढळल्यास रोग सदृश्य पक्षांची माहिती त्वरीत जवळील पशुवैद्यकीय संस्थांना द्यावी. पोल्ट्रीफार्म धारकांनी पक्ष्यांची वर्गवारी वयानुसार करणाऱ्या प्रणालीचा अवलंब करावा, ज्यामध्ये एकाच वयाचे पक्षी एकावेळी आणणे व काढणे या पध्दतीचा अवलंब करावा. एका पोल्ट्रीफार्म मधून दुसऱ्या पोल्ट्रीफार्म मध्ये जाणे टाळावे, जर जाणे गरजेचे असेल तर संबंधीतांचे बुट व कपडे जंतूनाशकांनी स्वच्छ करावेत. परसातील कुक्कुट पालकांनी जैवसुरक्षा प्रणालीसाठी पुढील बाबींचा...

Read More

मानव विकास मिशनअंतर्गत मातांना बुडीत मजुरी वितरीत करावी – जिल्हाधिकारी मनीषा

नंदुरबार (जिमाका वृत्तसेवा) : मानव विकास कार्यक्रमांतर्गत बुडीत मजुरीपासून वंचित राहिलेल्या प्रसूत मातांना मजुरीचे तातडीने वितरण करावे, असे निर्देश जिल्हाधिकारी मनीषा खत्री यांनी दिले. जिल्हाधिकारी कार्यालयात गाभा आणि नवसंजीवनी समितीची बैठक जिल्हाधिकारी श्रीमती खत्री यांच्या अध्यक्षतेखाली आयोजित करण्यात आली होती. त्यावेळी त्या अध्यक्षस्थानावरून बोलत होत्या. जिल्हा परिषदेचे मुख्य कार्यकारी अधिकारी रघुनाथ गावडे, सहायक जिल्हाधिकारी  डॉ. मैनक घोष, जिल्हा शल्यचिकित्सक डॉ.चारुदत्त शिंदे, जिल्हा परिषदेचे जिल्हा आरोग्य अधिकारी डॉ. गोविंद चौधरी, जिल्हा नियोजन अधिकारी (मानव विकास) विजय शिंदे, सदस्य डॉ. कांतिलाल टाटिया, लतिका राजपूत, संजय महाजन आदी उपस्थित होते. जिल्हाधिकारी श्रीमती खत्री यांनी सांगितले, मानव विकास कार्यक्रमांतर्गत अनुसूचित जाती, अनुसूचित जमाती व दारिद्रयरेषेखालील प्रसूत मातांना देण्यात येणाऱ्या बुडीत मजुरीची रक्कम त्वरीत देण्यात यावी. प्राथमिक आरोग्य केन्द्रात प्रसूत मातांना लाभ देण्यासाठी अपेक्षित यादी तयार करुन तालुकास्तरावर सादर करावी. सर्व नोंदणी झालेल्या सर्व मातांना मजुरीचा लाभ द्यावा. नवसंजीवनी बैठकीचा तालुकास्तरावर यंत्रणेने दरमहा आढावा घ्यावा. प्रसूत मातांना देण्यात आलेल्या बुडीत मजूरीच्या रकमेची वर्षनिहाय माहिती सादर करावी. दुर्गम भागातील बालकांच्या जन्माची नोंद करण्यासाठी ग्रामपंचायतस्तरावर ग्रामसेवक व वैद्यकीय अधिकाऱ्यांनी दरमहा बैठकीचे आयोजन करावे. रेशनकार्ड, आधारकार्ड, बँकखाते अद्ययावत करण्यासाठी शिबिरांचे आयोजन करावे. अमृत आहाराचा नियमित पुरवठा करावा. दुर्गम भागात पावसाळ्यापूर्वी आवश्यक औषधांचा साठा करावा. त्यासाठी तालुका वैद्यकीय अधिकाऱ्यांनी आवश्यक औषधाच्या पुरवठ्याबाबत तत्काळ मागणी कळवावी. बैठकीत विविध विषयावर चर्चा करण्यात आली. बैठकीस विविध विभागांचे अधिकारी व प्रतिनिधी उपस्थित...

Read More

23 ते 25 फेब्रुवारी दरम्यान ऑनलाईन रोजगार मेळाव्याचे आयोजन

नंदुरबार (जिमाका वृत्तसेवा) :  जिल्हा कौशल्य विकास रोजगार व उद्योजकता मार्गदर्शन केंद्र नंदुरबार याचेमार्फत स्वातंत्र्याचा अमृत महोत्सवानिमित्ताने 23 ते 25 फेब्रुवारी 2022 दरम्यान ऑनलाईन पद्धतीने पंडीत दीनदयाळ उपाध्याय रोजगार मेळाव्याचे आयोजन करण्यात आले आहे. जिल्ह्यातील जिल्हा कौशल्य विकास रोजगार व उद्योजकता मार्गदर्शन केंद्र या कार्यालयाकडील नोंदणीकृत उमेदवारांना रोजगार उपलब्ध होण्याच्यादृष्टीने या ऑनलाईन रोजगार मेळाव्याचे आयोजन केले असून यामधील मुलाखती व्हिडिओ कॉन्फरन्सद्वारे तसेच भ्रमणध्वनीद्वारे घेण्यात येणार आहे. कौशल्य विकास व उद्योजकता विभागाच्या www.rojgar.mahaswayam.gov.in या वेबपोर्टलवर यापूर्वी नोंदणी केलेल्या उमेदवारांनी आपला नोंदणी क्रमांक व पासवर्ड वापरुन नोंदणीतील सर्व माहिती अद्ययावत करावी.  नोंदणी न केलेल्यांनी शिक्षण, अनुभव इत्यादी सर्व अद्ययावत माहिती भरुन नोंदणी करावी. नोंदणी झाल्यानंतर आपल्या भ्रमणध्वनी क्रमांकावर उमेदवारास नोंदणी क्रमांक व पासवर्ड प्राप्त होईल.  तो वापरुन पोर्टलवर लॉगीन करावे. त्यानंतर आपल्या नोंदणीच्या माहितीतील पंडीत दीनदयाळ उपाध्याय जॉब फेअर मधील दिसणाऱ्या रोजगार मेळाव्यांच्या यादीतील नंदुरबार जिल्हा निवडून त्यातील रोजगाराची माहिती पहावी व  रिक्तपदांची माहिती पाहून नोंदणी करावी.  त्यानंतरच ऑनलाईन रोजगार मेळाव्यातील आपला सहभाग पूर्ण होईल. याबाबत काही अडचण असल्यास कार्यालयाच्या 02564-295805 या दूरध्वनी क्रमांकावर कार्यालयीन वेळेत संपर्क साधावा.  या मेळाव्याचा इच्छुक उद्योजक आणि बेरोजगार उमेदवारांनी लाभ घ्यावा, असे आवाहन सहाय्यक आयुक्त वि.रा. रिसे यांनी केले...

Read More

बचतगटांना प्रोत्साहन देण्यासाठी आवश्यक निधीची तरतूद करणार पालकमंत्री ॲड. के. सी. पाडवी

नंदुरबार (जिमाका वृत्तसेवा) : बचतगटांना प्रोत्साहन देण्यासाठी बजेटमध्ये वाढीव निधीची तरतूद करणार असल्याचे प्रतिपादन राज्याचे आदिवासी विकास मंत्री तथा जिल्ह्याचे पालकमंत्री ॲड. के. सी. पाडवी यांनी आज असली येथे  केले. बचतगटांना कर्ज वितरण समारंभ कार्यक्रमाप्रसंगी ते बोलत होते. यावेळी महिला व बालकल्याण सभापती निर्मला राऊत, जि.प.सदस्य सी.के.पाडवी, गीता पाडवी, रुपसिंग तडवी, आदिवासी विकास महामंडळच्या प्रादेशिक व्यवस्थापिका प्रतिभा पवार, शबरी आदिवासी वित्त व विकास महामंडळाचे शाखा व्यवस्थापक आर. एस. भदाणे आदी उपस्थित होते. यावेळी ॲड. पाडवी म्हणाले की, आदिवासी भागामध्ये कुक्कूटपालन, शेळीपालनासाठी बचतगटाना प्रोत्साहन देणे आवश्यक आहे. त्यासाठी यावर्षी बजेटमध्ये अधिकाधिक तरतूद करण्यात येईल. आदिवासी भागामध्ये आदिवासी माणसाने कर्ज घेतले...

Read More

प्रधानमंत्री सुक्ष्म अन्नप्रक्रिया उद्योगासाठी वैयक्तिक व गटांनी अर्ज सादर करण्याचे आवाहन

नंदुरबार (जिमाका वृत्तसेवा) : केंद्र सरकार सहाय्यित ‘प्रधानमंत्री सूक्ष्म अन्न प्रक्रीया उद्योग’ योजनेतंर्गत  वैयक्तिक तसेच गटांनी अर्ज सादर करावे असे आवाहन जिल्हा अधिक्षक कृषी अधिकारी निलेश भागेश्वर यांनी केले आहे.             केंद्र सरकार सहाय्यित प्रधानमंत्री सूक्ष्म अन्न प्रक्रीया उद्योग योजना सन 2020-21 व 2024-25 या पाच वर्षांच्या कालावधीत ‘एक जिल्हा एक उत्पादन’ या आधारावर राबविण्याचे नियोजन केले आहे. नाशीवंत शेतीमाल जसे फळे व भाजीपाला, तृणधान्ये, कडधान्ये, तेलबिया, मत्स्योत्पादन, मसाला पिके, दुग्ध व पशू उत्पादन, किरकोळ वन उत्पादने आदीमध्ये सद्यस्थितीत कार्यरत किंवा नवीन सुक्ष्म अन्नप्रक्रियेमध्ये कार्यरत किंवा नव्याने लाभ घेऊ इच्छिणारे वैयक्तिक लाभार्थी, बेरोजगार युवक,महिला, शेतकरी गट, कंपनी, संस्था, स्वयंसहायत्ता गट, उत्पादक सहकारी संस्था या योजनेसाठी पात्र आहेत. नंदुरबार जिल्ह्यासाठी एक जिल्हा उत्पादन या घटकांमध्ये ‘भगर’ या पिकाची निवड करण्यात आली आहे. सद्यस्थितीत कार्यरत एक जिल्हा एक उत्पादनांमध्ये कार्यरत सुक्ष्म अन्नप्रक्रिया प्रकल्पांचे  विस्तारीकरण, आधुनिकीकरण, स्तरवृध्दी या लाभासाठी पात्र असतील. तसेच नवीन स्थापित होणारे सुक्ष्म अन्नप्रक्रिया उद्योग केवळ एक जिल्हा एक उत्पादन पिकांमध्ये असावेत. वैयक्तिक सूक्ष्म अन्न प्रक्रीया उद्योगांना बँक कर्जाशी निगडीत पात्र प्रकल्प किमतीच्या 35 टक्क्यांपर्यंत व जास्तीत जास्त रुपये 10 लाख या मर्यादिपर्यंत प्रति प्रकल्पासाठी अनुदान देय असणार आहे.   इच्छुक व्यक्तीं व स्वयं सहाय्यता गट, शेतकरी उत्पादक कंपनी सहकारी संस्थांनी प्रकल्प उभारणी अर्थ सहाय्यासाठी व योजनेबाबतच्या मार्गदर्शक सूचना व ऑनलाईन अर्ज https://pmfme.mofpi.gov.in तसेच राज्य सरकारच्या www.krishi.maharashtra.gov.in   या संकेतस्थळावर उपलब्ध आहे. योजनेच्या अधिक माहितीसाठी नजीकच्या कृषि विभागाच्या कार्यालय तसचे जिल्हा संसधान व्यक्ती अर्थात डीआरपी यांच्याशी संपर्क साधवा. या योजनेचा जिल्ह्यातील...

Read More

मध केंद्र योजनेसाठी अर्ज सादर करण्याचे आवाहन

नंदुरबार(जिमाका वृत्तसेवा) :  महाराष्ट्र राज्य खादी व ग्रामोद्योग मंडळामार्फत सन 2021-2022 करीता मधकेंद्र योजनेसाठी पात्र व्यक्ती आणि संस्थाकडून अर्ज मागविण्यात  आले आहेत. मधकेंद्र योजना सुरू करण्यासाठी पात्र लाभार्थ्यांना 50 टक्के अनुदान स्वरुपात देण्यात येईल व 50 टक्के स्वगुंतवणूक करावी लागेल.  शासनाच्या हमी भावाने मध खरेदी करण्यासोबत मधमाशा संरक्षक व संवर्धन याबाबत मोफत प्रशिक्षण व जनजागृती मंडळामार्फत करण्यात येते. वैयक्तिक मधपाळ प्रशिक्षण घेणेसाठी अर्जदार साक्षर असावा आणि वय 18 वर्षापेक्षा जास्त असावे. स्वत:ची शेती असल्यास प्राधान्य देण्यात येईल. मंडळाने निश्चित केलेल्या ठिकाणी प्रशिक्षण घेणे अनिवार्य असेल. केंद्र चालक प्रगती‍शील मधपाळ योजनेसाठी मधपाळ संस्था, व्यक्तिंना प्रशिक्षण घेण्यासाठी  अर्जदार किमान 10 वी...

Read More
Loading

[ditty_news_ticker id="624"]

Loading

All

Latest

शैक्षणिक

Latest

जिजामाता शिक्षणशास्त्र महाविद्यालयात राष्ट्रीय चर्चासत्राचे आयोजन

नंदुरबार (प्रतिनिधी) :- येथील जिजामाता शिक्षण संस्थेचे जिजामाता शिक्षणशास्त्र महाविद्यालय नंदुरबार व कवयित्री बहिणाबाई चौधरी उत्तर महाराष्ट्र विद्यापीठ जळगाव यांच्या संयुक्त विद्यमाने रविवार दिनांक ( ८ मे २०२२) रोजी ” मराठी विज्ञानसाहित्य :– स्वरूप व्याप्ती व बदलते परिप्रेक्ष्य ” या नाविन्यपूर्ण विषयावर एक दिवसीय राष्ट्रीय चर्चासत्राचे ऑफलाईन आयोजन करण्यात आले आहे. चर्चासत्राचे उद्घाटन अमरावती विद्यापीठाच्या मराठी विभाग प्रमुख डॉ. मोना चिमोटे हे करणार आहेत तर यावेळी ज्येष्ठ विज्ञानसाहित्याचे अभ्यासक सावित्रीबाई फुले पुणे विद्यापीठाच्या भौतिकशास्त्र विभागाचे प्रमुख डॉ. संजय ढोले बीजभाषण करणार आहेत. अध्यक्षस्थानी संस्थेच्या अध्यक्षा श्रीमती शोभाताई दिलीपराव मोरे राहणार आहेत.कवयित्री बहिणाबाई चौधरी उत्तर महाराष्ट्र विद्यापीठाच्या विज्ञान विद्याशाखेचे अधिष्ठाता प्राचार्य डॉ. आर. एस. पाटील व शिक्षणशास्त्र विद्याशाखेचे अधिष्ठाता प्राचार्य डॉ.ए.आर. राणे हे प्रमुख अतिथी म्हणून उपस्थित राहणार आहेत. नंदुरबार जिल्हा रुग्णालयाचे जिल्हा शल्यचिकित्सक डॉ. चारुदत्त शिंदे हे विशेष अतिथी म्हणून उपस्थित राहणार आहेत. संस्थेचे उपाध्यक्ष डॉ. विक्रांत दिलीपराव मोरे, सचिव डॉ. अभिजीत दिलीपराव मोरे, जिजामाता महाविद्यालयाचे प्राचार्य डॉ सतीश वेडू देवरे, औषधनिर्माणशास्त्र महाविद्यालयाचे प्राचार्य रवींद्र पाटील हे प्रमुख अतिथी म्हणून उपस्थित राहणार आहे हे चर्चासत्र चार सत्रात होणार आहे पहिल्या सत्राच्या अध्यक्षस्थानी डॉक्टर फुला बागुल उपप्राचार्य एस पी डी एम महाविद्यालय शिरपूर हे आहेत यांच्या अध्यक्षतेखाली डॉक्टर सचिन गिरी नांदेड वंदना लव्हाळे जळगाव डॉक्टर युवराज पवार शिरपूर डॉक्टर सुरेश मालचे नाशिक यांचे निबंध वाचन होणार आहे दुसऱ्या सत्राच्या अध्यक्ष विज्ञान साहित्याचे ज्येष्ठ अभ्यासक डॉक्टर सुरेंद्र सुदर्शन दिवसे चंद्रपूर हे राहणार आहेत श्री संतोष पाटील शिरपूर दत्तात्रय शिंदे नाशिक डॉक्टर...

पावसाळ्यापूर्वीच आवश्यक धान्य व औषधांचा साठा करून ठेवावा – जिल्हाधिकारी मनीषा खत्री

नंदुरबार (जिमाका वृत्तसेवा) : मोसमी पावसाच्या आगमनास आता महिनाभराचा कालावधी राहिला आहे. अशा परिस्थितीत जिल्ह्यातील दुर्गम आणि डोंगराळ भागासह सर्वच ठिकाणी आवश्यक सोयीसुविधा, अन्नधान्य व औषधांचा आतापासूनच पुरेसा साठा करून ठेवावा. पावसाळ्यात नैसर्गिक आपत्तींना सामोरे जाण्यासाठी प्रत्येक विभागाने कृती आराखडा तयार करावा, 24 तास कार्यरत राहील असा नियंत्रण कक्ष कार्यान्वित करावा, अशा सूचना जिल्हाधिकारी मनीषा खत्री यांनी दिल्या. जिल्हाधिकारी कार्यालयातील रंगावली सभागृहात आज दुपारी मान्सून पूर्व आढावा बैठकीचे आयोजन करण्यात आले होते. त्यावेळी त्या बोलत होत्या. यावेळी सहाय्यक जिल्हाधिकारी मीनल करनवाल, डॉ. मैनक घोष, निवासी उपजिल्हाधिकारी तथा जिल्हा आपत्ती व्यवस्थापन प्राधिकरणाचे मुख्य कार्यकारी अधिकारी सुधीद खांदे, जिल्हा आपत्ती व्यवस्थापन अधिकारी वसंत बोरसे यांच्यासह विविध विभागांचे प्रमुख उपस्थित होते. जिल्हाधिकारी श्रीमती खत्री यांनी सांगितले, नंदुरबार जिल्ह्यातील बहुतांश भाग हा डोंगराळ आहे. त्यामुळे मान्सून कालावधीत उद्भवणाऱ्या विविध नैसर्गिक आपत्तींना तोंड देण्यासाठी सर्व विभागांनी समन्वयाने कामे करावीत. आपापल्या विभागावर सोपविलेल्या जबाबदाऱ्या पार पाडाव्यात. नैसर्गिक आपत्तीबाबत मागविलेली माहिती सर्व विभागांनी वेळेत सादर करावी. गावनिहाय आराखडे तयार करावेत. त्यासाठी समन्वयक अधिकाऱ्यांची नियुक्ती करावी. दुर्गम आणि अतिदुर्गम भागातील रहिवाशांसाठी स्वस्त धान्य वेळेत उपलब्ध होईल यासाठी आवश्यक साठा उपलब्ध करून ठेवण्याची दक्षता घ्यावी. प्राथमिक आरोग्य केंद्र, ग्रामीण रुग्णालयांमध्ये सर्पदंश प्रतिबंधक लशीसह औषधांचा पुरेसा साठा उपलब्ध करून ठेवावा. सार्वजनिक बांधकाम विभागाने रस्त्यांची निगा राखावी. आपत्कालिन उपयोगासाठी पथके तयार ठेवावीत. वीज वितरण कंपनीने वीज वाहक तारांची पाहणी करून आवश्यक त्या उपाययोजना कराव्यात. सर्व नगरपालिकांनी पाणी शुद्धीकरणासाठी क्लोरिनचा किमान सहा महिने पुरेल एवढा साठा उपलब्ध करुन ठेवावा. गावांमध्ये जलशुद्धीकरणासाठी...

Read More
Loading

जाहिरात

जाहिरात

जाहिरात

Number of visitors

0150566
Visit Today : 106
error: Content is protected !!