Author: Ramchandra Bari

मनरेगा आणि वृक्ष संवर्धनाची सांगड घालावी-डॉ.राजेंद्र भारुड पर्यावरण दिनाच्या निमित्ताने वटवृक्षाची लागवड

नंदुरबार (जिमाका वृत्तसेवा) : ‘महात्मा गांधी राष्ट्रीय ग्रामीण रोजगार हमी योजना’ आणि वृक्ष संवर्धनाची सांगड घातल्यास ग्रामीण जनतेला आर्थिक लाभ होण्यासोबत पर्यावरणाचे रक्षण चांगल्यारितीने करता येईल. त्यादृष्टीने वन विभाग आणि सामाजिक वनीकरण विभागाने आर्थिक लाभ देणारी झाडे लावण्यासाठी ग्रामस्थांना प्रोत्साहीत करावे, असे आवाहन जिल्हाधिकारी डॉ. राजेंद्र भारुड  यांनी केले. टोकरतलाव येथील रोपवाटीकेत पर्यावरण दिनानिमित्त वृक्षारोपण करण्यात आले. वटपौर्णिमेचे औचित्य साधून वड आणि पिंपळाची झाडे यावेळी लावण्यात आली. यावेळी अधिकारी-कर्मचाऱ्यांशी संवाद साधताना ते बोलत होते. यावेळी सहायक जिल्हाधिकारी वसुमना पंत, तृप्ती धोडमिसे, उप वनसंरक्षक सुरेश केवटे, तहसीलदार भाऊसाहेब थोरात, सामाजिक वनीकरण विभागाचे विभागीय वनअधिकारी ए.के. धानापुणे,  वनक्षेत्रपाल एम.के.रघुवंशी, वनक्षेत्रपालक एस.सी.अवसरमल, सहायक वनसरंक्षक टि.डी.नवले, वन परिक्षेत्र अधिकारी रघुवंशी,  सरपंच महिपाल गावीत आदी उपस्थित होते. डॉ.भारुड म्हणाले, शेतकऱ्यांना सागाची झाडे लावल्याने होणाऱ्या दीर्घकालीन लाभाविषयी त्यांच्या भाषेत माहिती देण्यात यावी. त्यासोबत शेताच्या बांधावर आंबा, महूआ, बांबू अशी आर्थिक उत्पन्न देणारी झाडे लावण्यासाठी प्रोत्साहीत करावे. स्थानिकरित्या रोपवाटीका तयार करण्याची माहितीदेखील ग्रामीण भागातील जनतेला देण्यात यावी. तीन वर्षापर्यंत मनरेगाच्या माध्यमातून वृक्ष संवर्धनाची व्यवस्था होणार असल्याने शेतकऱ्यांना वृक्ष लागवडीतून चांगले उत्पन्न मिळू शकेल, असे त्यांनी सांगितले.रोपवाटीकांची संख्या वाढवावी आणि प्रत्येक रोपवाटीकेत, वड, पिंपळ, साग, आंबा आदी लाभदायक वृक्षांची रोपे निश्चित प्रमाणात असतील याकडे विशेष लक्ष द्यावे, अशा सूचनाही त्यांनी केल्या. उपस्थित अधिकारी-कर्मचाऱ्यांनी यावेळी वृक्षारोपणात सहभाग...

Read More

आदिवासी विकास विभागातर्फे गरजूंना धान्य वाटप

नंदुरबार (जिमाका वृत्तसेवा) : नवापूर आणि धडगाव  तालुक्यातील गरजू आदिवासी नागरिकांना  आदिवासी विभागातर्फे मोफत धान्य वाटप करण्यात आले. एकात्मिक आदिवासी विकास प्रकल्प नंदुरबार आणि प्रादेशिक व्यवस्थापक आदिवासी विकास महामंडळ नंदुरबार यांच्या संयुक्त विद्यमाने नवापुर तालुक्यातील  नवागांव येथील 30, आमलाण 28 आणि  पाटी बेडकी येथील 16 कुटुंबांना  धान्य वाटप करण्यात आले. आमदार शिरीषकुमार नाईक आणि सहायक जिल्हाधिकारी वसुमना पंत यांच्या उपस्थितीत  हा कार्यक्रम झाला.  कार्यक्रमाला प्रकल्प कार्यालयातील सहा. प्रकल्प अधिकारी प्रदीप देसाई, कार्यालयीन अधिक्षक किरण मोरे, बी. एफ. वसावे, नियोजन अधिकारी  राहुल इदे आदी उपस्थित होते.    धडगाव येथे सहायक जिल्हाधिकारी अविश्यांत पांडा यांच्या मार्गदर्शनाखाली 377 कुटुंबांना धान्य वाटप करण्यात आले. लॉकडाऊनच्या काळात बेरोजगार झालेल्या भूमीहिन व मजूर आदिवासीना  धान्य वाटपाचा शुभारंभ पालकमंत्री  अॅड़. के.सी.पाड़वी यांच्या उपस्थितीत 1 मे 2020 रोजी करण्यात आला होता. त्याचाच एक भाग म्हणून पालकमंत्र्यांच्या निर्देशानुसार शिधापत्रिका नसलेल्या गरजू आदिवासी कुटुंबांना प्रति कुटुंब 10 किलो या प्रमाणे गव्हाचे वाटप करण्यात आले. आतापर्यंत नंदुरबार व तळोदा प्रकल्प कार्यालयामार्फत एकुण 1500 कुटुंबांना धान्य वाटप करण्यात आले असून येत्या काळात 2000 कुटुंबांना धान्य वाटप करण्यात येणार असल्याची माहिती यावेळी देण्यात आली.  शिधापत्रिका नसलेल्या आदिवासी गरजू कुटुंबांनी आपली नावे तहसील कार्यालयामार्फत प्रकल्प कार्यालयात सादर करावे, असे आवाहन आदिवासी विकास प्रकल्प कार्यालयामार्फत करण्यात आले...

Read More

‘निसर्ग’ चक्रीवादळाच्या पार्श्वभूमीवर जिल्हा प्रशासनातर्फे उपाययोजना

नंदुरबार (जिमाका वृत्तसेवा) : ‘निसर्ग’ चक्रीवादळ हे महाराष्ट्राच्या किनारपट्टीवर धडकल्यानंतर  जिल्ह्यातदेखील येत्या 24 तासात पाऊस, अतिवृष्टी, तसेच जोराचे वादळवारे वाहण्याची शक्यता असल्याने प्रशासनाला आवश्यक उपाययोजना राबविण्याचे निर्देश  जिल्हाधिकारी डॉ.राजेंद्र भारुड यांनी दिले आहेत. शासकीय कार्यालयाकरीता निर्देश तालुक्यातील सर्व तहसिल कार्यालयात मध्यवर्ती नियंत्रण कक्ष स्थापन करण्यात यावेत. या कक्षात महसूल, नगरपालिका, नगरपंचायत, पोलीस, आरोग्य, विज वितरण, कृषी विभागातील कर्मचाऱ्याची नियुक्ती करण्यात यावी. नियंत्रण कक्षातून तालुक्यातील सर्व तलाठी, ग्रामसेवक,मंडल अधिकारी, कृषीसेवक यांच्याशी वेळोवेळी संपर्क करुन गावातील स्थितीचा आढावा घेण्यात यावा. याबाबत जिल्हा नियंत्रण कक्षाला (दूरध्वनी क्रमांक 02564-210006) अहवाल सादर करावा. जिल्ह्यातील सर्व आपात्कालीन यंत्रणा सुसज्ज ठेवण्यात यावीत. तालुक्यातील असुरक्षित घरांचा आढावा घेऊन तेथील नागरिकांना तात्काळ समाजमंदीर, शाळा किंवा गावातील सुरक्षीत ठिकाणी हलविण्यात यावे. नगरपालिका, नगरपंचायत तसेच गावामध्ये खबरदारी म्हणून घंटागाडी, दवंडीद्वारे, सोशल मिडीयाद्वारे नागरिकांना चक्रीवादळाच्या दृष्टीने सुरक्षेबाबत अवगत करावे. जिल्ह्यातील अत्यावश्यक सेवेतील सर्व अधिकारी, कर्मचारी यांना मुख्यालयाच्या ठिकाणी उपस्थित राहावे. सर्व विभागातील अधिकारी, कर्मचारी यांनी परवानगी शिवाय आपले मुख्यालय सोडू नये. आरोग्य विभागातील ग्रामिण रुग्णालय व प्राथमिक आरोग्य केंद्रामधील सर्व डॉक्टर्स, नर्सेस आजपासून पुढील 24 तास कार्यरत राहतील. सार्वजनिक बांधकाम विभाग यांनी वादळामुळे जिल्ह्यातील रस्ता खचणे, दरी कोसळणे व इतर अनुषंगीक घटनांची तात्काळ दखल घेऊन त्याबाबत त्वरीत उपाययोजना कराव्यात. महाराष्ट्र राज्य विद्युत वितरण कंपनीने वादळामुळे इलेक्ट्रीक पोल पडणे, व त्यावरील तारा तुटणे व इतर अनुषंगीक घटना लक्षात घेता तात्काळ उपाययोजना कराव्यात. चक्रीवादळादरम्यान मुख्य विद्युत जोडणी बंद करण्यात यावीत. संपर्क साधताना अडचण येऊ नये म्हणून सर्व अधिकारी,कर्मचारी यांनी आपले भ्रमणध्वनी चार्ज करुन...

Read More

गरोदर व स्तनदा मातांच्या आरोग्य तपासणीसाठी विशेष मोहिम

नंदुरबार (जिमाका वृत्तसेवा) : आकांक्षित जिल्हा कार्यक्रमांतर्गंत जिल्ह्यातील आरोग्य व पोषण निर्देशांकात सुधारणा करण्यासाठी अक्कलकुवा व धडगांव तालुक्यात 0 ते 6 वर्ष वयोगटातील बालकांची आरोग्य तपासणी व लसीकरण, गरोदर व स्तनदा मातांची आरोग्य तपासणी आणि लसीकरण तसेच सॅम आणि मॅम बालकांचा (कमी वजनाची बालके) शोध घेण्यासाठी 14 जूनपर्यंत विशेष मोहिम हाती घेण्यात आली  आहे. जिल्हाधिकारी डॉ.राजेंद्र भारुड आणि मुख्य कार्यकारी अधिकारी विनय गौडा यांच्या मार्गदर्शनाखाली आयोजित या मोहिमेसाठी 97 वैद्यकीय अधिकारी, 65 अंगणवाडी पर्यवेक्षिका आणि स्वयंसेवी संस्थेचे 25 सदस्यांची नेमणूक तयार करण्यात आली आहे. उपकेंद्रनिहाय तयार करण्यात येणाऱ्या पथकांचे संनियंत्रण करण्यासाठी जिल्हास्तरीय अधिकाऱ्यांची नेमणूक करण्यात आली आहे. अंगणवाडी केंद्रनिहाय विशेष पथकामार्फत 0 ते 6 वर्ष वयोगटातील बालकांची आरोग्य तपासणी करुन बालकांचे वजन, उंची,लांबी घेऊन सॅम आणि मॅम बालकांचा शोध आणि गरोदर व स्तनदा मातांची आरोग्य तपासणी लसीकरण करण्यात येणार आहे. तसेच 0 ते 6 वर्ष वयोगटातील स्थलांतराहून परत आलेल्या लाभार्थींची स्वतंत्र यादी तयार करुन त्यांची आरोग्य तपासणी करून बाळ कुपोषणात जाऊ नये याकरिता मार्गदर्शनही करण्यात येणार आहे. कोरोनापासून बचावाकरिता पथकातील कर्मचाऱ्यांना वैयक्तिक सुरक्षिततेसाठी आवश्यक असलेले ट्रिपल लेयर मास्क, फेस शील्ड, ग्लोव्हज, सॅनिटायझर, कॅप इत्यादी साहित्य पुरविण्यात आलेले आहे. अंगणवाडीस्तरावर स्क्रिनिंग करतांना लाभार्थ्यांना टप्याटप्यात बोलविण्यात येणार असून सामाजिक अंतर पाळणे, मास्कचा वापर करणे, पाणी व साबणाने हात स्वच्छ धुणे इत्यादी बाबींची कटाक्षाने काळजी घेण्यात येणार आहे.  सॅम व मॅम बालकांना मोहिमेनंतर व्हिसीडीसी, एनआरसी, सीटीसीद्वारे उपचार करण्यात येणार आहे, अशी माहिती जिल्हा आरोग्य अधिकारी डॉ.नितीन बोडके यांनी दिली...

Read More

कोरोना संकटाच्या पार्श्वभूमीवर सरकारी कर्मचाऱ्यांचे रक्तदान

नंदुरबार (जिमाका वृत्तसेवा): कोरोना संकटाच्या पार्श्वभूमीवर जिल्हा प्रशासन आणि नंदुरबार जिल्हा राज्य सरकारी मध्यवर्ती कर्मचारी संघटनेतर्फे जिल्हाधिकारी कार्यालयात रक्तदान शिबिराचे आयोजन करण्यात आले. सहायक जिल्हाधिकारी वसुमना पंत यांनी रक्तदान करून  शिबिराचे उद्घाटन केले. यावेळी सहायक जिल्हाधिकारी तृप्ती धोडमिसे, जिल्हा रुग्णालयाचे रक्त संकलन अधिकारी, डॉ.एस.ए.सांगळे, जनसंपर्क अधिकारी महेंद्र चव्हाण, रक्तपेढी वैज्ञानिक अधिकारी, जयेश सोनवणे, हेमंत माळी आदी उपस्थित होते. शिबिरात निवासी उपजिल्हाधिकारी  धनंजय गोगटे, उपजिल्हाधिकारी कैलास कडलग, तहसीलदार उल्हास देवरे, सहायक उपनिबंधक निरज चौधरी या अधिकाऱ्यांनी रक्तदान केले. शिबिरास विविध विभागातील अधिकारी व कर्मचाऱ्यांचा चांगला प्रतिसाद मिळाला. दिवसभरात 28 अधिकारी-कर्मचाऱ्यांनी रक्तदान केले. त्या सर्व रक्तदात्यांना राज्य रक्त संक्रमण परिषदचे प्रमाणपत्रही यावेळी वितरीत करण्यात आली. नागरिकांनी रक्तपेढीत जावून रक्तदान कराव, असे आवाहन जिल्हा प्रशासनातर्फे यावेळी करण्यात आले. नंदुरबार जिल्हा महसूल कर्मचारी संघटनेचे अध्यक्ष हेमत देवकर, उपाध्यक्ष मिलिद निकम, सहायक चिटणीस, हेमत मरसाळे आदींनी या शिबिराच्या यशस्वितेसाठी परिश्रम...

Read More

सुंदर विचार

▬▬▬▬ 🎧🎵🎧 ▬▬▬▬
🎵 〇 सुंदर विचार – १४१८ 〇 🎵
═════ 🦋;🦋 ═════

समोरच्यातले शत्रु शोधण्यापेक्षा
आपल्यातले फितुर शोधा.
लढाई जिंकणे
अधिक सोपे जाईल !
➖➖➖➖➖➖➖➖➖
Find your imformers
rather than find the
enemy in front of you.
It will be easier
to win the battle !

▪️▪️▪️▪️▪️▪️▪️▪️▪️
घरीच रहा,
सुरक्षित रहा !
कोरोनाच्या प्रतिबंधासाठी
सुरक्षित अंतराचे नियम पाळा !
➖➖➖➖➖➖➖➖➖
२१ जून
जागतिक योग दिन !
१९१२: लेखक, नाटककार
विष्णू प्रभाकर,
(मृत्यू: ११ एप्रिल २००९)
१९२३: कवी, कथाकार
सदानंद रेगे,
१९५८: अभिनेत्री
रीमा लागू
(मृत्यू: १८ मे २०१७)
यांचा जन्मदिन
१९२८: ऐतिहासिक कादंबरीकार
द्वारकानाथ माधव पितळे
उर्फ नाथमाधव,
(जन्म: ३ एप्रिल १८८२)
१९४०: राष्ट्रीय स्वयंसेवक संघाचे
संस्थापक, सरसंघचालक
डॉ. केशवराव हेडगेवार,
(जन्म: १ एप्रिल १८८९)
१९८४: अभिनेते
अरुण सरनाईक,
(जन्म: ४ ऑक्टोबर १९३५)
२०१२: लेखक, पत्रकार
भालचंद्र दत्तात्रय खेर,
(जन्म: १२ जून १९१७)
२०१२: छायाचित्रकार, पत्रकार
सुनील जना,
(जन्म: १७ एप्रिल १९१८)
२०२०: आधुनिक घरवल
लोकसंगीताचे जनक
जीत सिंग नेगी,
(जन्म: २ फेब्रुवारी १९२५)
२०२०: क्रिकेटपटू
राजिंदर गोयल
(जन्म: २० सप्टेंबर १९४२)
यांचा स्मृतिदिन !
▪▪▪▪▪▪▪▪▪
टीप :- माहितीच्या महाजालावर
उपलब्ध माहितीनुसार
🍂🍂☘☘🍂☘☘🍂🍂
देवेंद्र बोरसे, नंदुरबार.
📱 9168232256 📱
📱 9422287633 📱
🍂🍂☘☘🍂☘ ☘🍂🍂
आपला दिवस मंगलमय होवो…!
🛑 महाराष्ट्र शिक्षक पॅनल 🛑
🛏🛏🛏Ⓜ💲🅿🛏🛏🛏

जाहिरात

जाहिरात

जाहिरात

Number of visitors

0126343
Visit Today : 61
error: Content is protected !!